అమరావతిలో ‘నవ నగరాలు‘

ఆంధ్రప్రదేశ్ నూతన రాజధాని అమరావతి, ప్రపంచం గర్వించదగ్గ రీతిలో 'నవ నగరాల' సమాహారంగా రూపుదిద్దుకుంటోంది. కేవలం పరిపాలనా కేంద్రంగానే కాకుండా.. విద్యా, వైద్య, ఆర్థిక, సాంకేతిక రంగాలకు చిరునామాగా నిలిచేలా తొమ్మిది ప్రత్యేక 'థీమ్ సిటీల'తో (నవ నగరాలు) ప్రభుత్వం ఈ మహా నగరాన్ని తీర్చిదిద్దుతోంది. సుమారు 217 చదరపు కిలోమీటర్ల మేర విస్తరించి ఉన్న ఈ రాజధాని క్షేత్రంలో, ప్రతి నగరం ఒక ప్రత్యేక లక్ష్యంతో, అత్యాధునిక మౌలిక సదుపాయాలతో అంతర్జాతీయ ప్రమాణాలకు అనుగుణంగా నిర్మించాలని ప్రభుత్వం భావిస్తోంది. భవిష్యత్ తరాల అవసరాలను దృష్టిలో ఉంచుకుని పర్యావరణహితంగా రూపొందుతున్న ఈ నవ నగరాల ప్రత్యేకతలు ఇప్పుడు అందరి దృష్టిని ఆకర్షిస్తున్నాయి. ఏ నగరం దేనికి ప్రత్యేకం? వాటి విశిష్టతలు ఏమిటి? అనే పూర్తి వివరాలు ఇవే.