అతివేగం నలుగురి ప్రాణాలు తీసింది

హైదరాబాద్‌కు చెందిన ఆరుగురు వ్యక్తులు కారులో ప్రయాణిస్తుండగా, నల్లగట్ల సమీపంలో కారు అదుపుతప్పింది. అతివేగంతో దూసుకెళ్లిన కారు డివైడర్‌ను దాటి అవతలి వైపునకు వెళ్లి, ఎదురుగా వస్తున్న సీజీఆర్ (CGR) ట్రావెల్స్ బస్సును బలంగా ఢీకొట్టింది. కారు నుజ్జునుజ్జు కావడంతో అందులో ప్రయాణిస్తున్న నలుగురు అక్కడికక్కడే మరణించారు.

మృతులంతా హైదరాబాద్ వాసులుగా పోలీసులు గుర్తించారు. వారి వివరాలు ఇలా ఉన్నాయి.

గుండురావు (60)

శ్రావణ్ (22)

నరసింహ

బన్నీ

ప్రమాదం జరిగిన వెంటనే తోటి ప్రయాణికులు, స్థానికులు స్పందించారు. స్థానిక పోలీసులకు సమాచారం అందించారు. దీంతో ఆళ్లగడ్డ పోలీసులు రంగంలోకి దిగారు. ఘటనా స్థలానికి చేరుకుని గాయపడిన ఇద్దరిని చికిత్స నిమిత్తం స్థానిక ఆస్పత్రికి తరలించారు. గాయపడ్డ వారి పరిస్థితి కూడా విషమంగా ఉన్నట్లు తెలుస్తోంది. పోలీసులతో కలిసి డీఎస్పీ ప్రమోద్ కుమార్ ప్రమాద స్థలాన్ని సందర్శించి వివరాలు సేకరించారు. అతివేగమే ఈ ప్రమాదానికి ప్రధాన కారణమని ప్రాథమికంగా నిర్ధారించారు. కేసు నమోదు చేసిన పోలీసులు దర్యాప్తు చేపట్టారు. మృతదేహాలను పోస్టుమార్టం నిమిత్తం తరలించారు. బాధితుల కుటుంబ సభ్యులకు సమాచారం అందించారు.