బీహార్ లో లోకేష్ ఎన్నికల ప్రచారం
డబుల్ ఇంజన్ సర్కార్ వల్ల ఎన్నో ప్రయోజనాలు ఉంటాయని లోకేష్ బీహార్ ఓటర్లకు వివరించే ప్రయత్నం చేశారు.
ఆంధ్రప్రదేశ్ ఐటీ, ఎలక్ట్రానిక్స్ & ఆర్టిఫిషియల్ ఇంటెలిజెన్స్ మంత్రి నారా లోకేష్ బిహార్ అసెంబ్లీ ఎన్నికల ప్రచారంలో పాల్గొన్నారు. అందులో భాగంగా నవంబర్ 8, 2025 శనివారం పట్నాలో మీడియా సమావేశం నిర్వహించారు. ఎన్డీఏ జాతీయ అధ్యక్షుడు, బిహార్ సీఎం నీతీష్ కుమార్‌కు మద్దతుగా లోకేష్ బిహార్‌లో పర్యటిస్తూ రోడ్ షోలు, ర్యాలీల్లో పాల్గొన్నారు. బిహార్ అభివృద్ధి కోసం మరోసారి ఎన్డీఏ కూటమిని గెలిపించాలని ఆయన పిలుపునిచ్చారు. డబుల్ ఇంజిన్ సర్కార్ ప్రయోజనాలు ఆయన ప్రచారం చేశారు. బిహార్‌లో డబుల్ ఇంజిన్ సర్కార్ వల్ల అభివృద్ధి పనులు జోరుగా సాగుతున్నాయి. నీతీష్ సర్కార్‌కు ముందు జంగిల్‌రాజ్ ఉండేది. ప్రస్తుతం పరిశ్రమలు వచ్చి విద్య, ఉద్యోగ, ఉపాధి అవకాశాలు పెరిగాయి అంటూ ఆయన వివరించే ప్రయత్నం చేశారు.
కేంద్ర బడ్జెట్‌లో బిహార్‌కు అత్యధిక నిధులు కేటాయించారు. బిహార్ తర్వాత ఏపీకే అధిక నిధులు ఇచ్చారు. రెండు రాష్ట్రాల్లో ఎన్డీఏ అధికారంలో ఉండటమే కారణమని లోకేష్ చెప్పారు. పట్నాలో పారిశ్రామికవేత్తలతో మాట్లాడాను. బిహార్ ప్రభుత్వ విధానాలపై సంతోషం వ్యక్తం చేశారు. అభివృద్ధి జరుగుతున్న సమయంలో ప్రభుత్వం మారితే నష్టం. ఏపీలో గతంలో "ఒక్క ఛాన్స్" పేరుతో వచ్చిన పార్టీ వల్ల పరిశ్రమలు పారిపోయాయి. బిహార్ యువత ఈ తప్పు చేయకూడదు. వికాస్ భారత్ సాధించాలంటే బిహార్ అభివృద్ధి ముఖ్యం. యువత, ఓటర్లు మరోసారి ఎన్డీఏను గెలిపించాలని లోకేష్ ప్రచారం నిర్వహించారు. బిహార్ ఎన్నికలు మూడు దశల్లో జరుగుతున్న నేపథ్యంలో ఎన్డీఏ కూటమి బలోపేతం కోసం లోకేష్ కీలక పాత్ర పోషిస్తున్నారు. బిహార్ ఓటర్లు ఎన్డీఏను ఆశీర్వదిస్తారని ఆయన ధీమా వ్యక్తం చేశారు. ఈ ప్రచారంతో బిహార్‌లో ఎన్డీఏ ఉత్సాహం పెరిగింది.
