నందిగం సురేష్‌ను జీజీహెచ్‌కు తరలించిన జైలు అధికారులు

మాజీ ఎంపీ నందిగం సురేష్‌కు ఎడమ భుజం నొప్పి ఎక్కువగా ఉండటంతో గుంటూరు జైలు అధికారులు గుంటూరు ప్రభుత్వ వైద్యశాలకు తరలించారు. భుజం నొప్పితో కొంతకాలంగా బాధపడుతున్నారు. సురేష్‌ను పోలీసులు అరెస్ట్‌ చేసే సమయంలోనూ భుజం నొప్పిపై పరీక్షలు చేయించి జైలుకు తరలించారు. ఇటీవ నొప్పి ఎక్కువైందని, శుక్రవారం అది మరీ ఎక్కువ కావడంతో వైద్య చికిత్సల కోసం తీసుకొచ్చినట్లు జైలు అధికారులు తెలిపారు. షుగర్, బీపీ ఎక్కువగా ఉందని, దాని వల్ల కూడా పలు రకాల సైడ్‌ ఎఫెక్ట్స్‌ వచ్చే అవకాశాలు ఉంటాయని వైద్యులు చెబుతున్నారు. భుజం గూడు జారటంతో భరించలేని నొప్పితో సురేష్‌ బాధపడుతున్నారు.