ఏపీ అప్పులపై జగన్ ఆందోళన
ఏపీ ఆర్థిక పరిస్థితి ప్రమాదకరంగా మారిందని, కాగ్ నివేదికలు అదే చెబుతున్నాయని జగన్ పేర్కొన్నారు.
ఆంధ్రప్రదేశ్ రాష్ట్ర ఆర్థిక పరిస్థితి ప్రమాదకరంగా మారిందని వైఎస్సార్‌సీపీ అధినేత, మాజీ ముఖ్యమంత్రి వైఎస్ జగన్ మోహన్ రెడ్డి తీవ్ర ఆందోళన వ్యక్తం చేశారు. కాగ్ (కంప్ట్రోలర్ ఆండ్ ఆడిటర్ జనరల్) విడుదల చేసిన గణాంకాలను ఉటంకిస్తూ, టీడీపీ-జనసేన కూటమి ప్రభుత్వం చేసిన 'సంపద సృష్టి' వాగ్దానాలు అంధకారంలో మునిగిపోయాయని ఆయన ఆరోపించారు. తన ఎక్స్ (ట్విటర్) ఖాతాలో నాలుగు గ్రాఫ్‌లతో సహా పోస్ట్ చేసిన జగన్, తక్కువ ఆదాయ వృద్ధి, మూలధన పెట్టుబడుల పతనం, పెరిగే రుణభారం వంటి అంశాలను ఎత్తిచూపారు.
జగన్ ఏమన్నారంటే..
కాగ్ నివేదిక ప్రకారం, 2025-26 ఆర్థిక సంవత్సరం మొదటి అర్ధభాగంలో (ఏప్రిల్-సెప్టెంబర్) రాష్ట్ర ప్రభుత్వ సొంత పన్ను ఆదాయాల వార్షిక వృద్ధి కేవలం 7.03% మాత్రమే నమోదైంది. గూడ్స్ అండ్ సర్వీసెస్ ట్యాక్స్ (జీఎస్‌టీ) సేల్స్ ట్యాక్స్ ఆదాయాల మొత్తం 2.85% మాత్రమే పెరిగాయి. ఇది మునుపటి సంవత్సరం అప్పటికీ తక్కువగా ఉన్నప్పటికీ మరింత క్షీణతను సూచిస్తోంది. 2023-24 నుంచి 2025-26 వరకు రెండు సంవత్సరాల కాంపౌండెడ్ ఆన్యువల్ గ్రోత్ రేట్ (సీఏజీఆర్) పరంగా సొంత పన్ను ఆదాయాలు 2.75% మాత్రమే పెరిగాయి. ఇది భారతదేశ జీడీపీ వృద్ధి 9.8%కి, కేంద్ర ఆదాయాల 12% పెరుగుదలకు విరుద్ధంగా ఉంది. 'సంపద సృష్టి లేకపోవటంతో రాష్ట్రం తిరోగమనంలో ఉంది. కానీ అభివృద్ధి వేగంగా జరుగుతోందంటూ ప్రచారం ఎలా?' అని జగన్ ప్రశ్నించారు.
మూలధన పెట్టుబడులు పరంగా కూడా పరిస్థితి దారుణం. రెండు సంవత్సరాల సీఏజీఆర్ -16% తగ్గుదల చూపింది. అంటే పెట్టుబడులు గణనీయంగా క్షీణించాయి. 2024-25లో జీఎస్‌డీపీ (గ్రాస్ స్టేట్ డొమెస్టిక్ ప్రొడక్ట్) వృద్ధిని 12.02%గా ప్రకటించిన ప్రభుత్వం, 2025-26లో 17.1% లక్ష్యంగా పెట్టుకుంది. కానీ కాగ్ గణాంకాలు ఈ ప్రకటనలు 'మోసపూరితమైనవి'నని, ఆసలు వృద్ధి 10.50% మాత్రమేనని తెలియజేస్తున్నాయి. 2019-24 మధ్య జగన్ పాలితంలో సొంత పన్ను ఆదాయాలు 9.87% సీఏజీఆర్‌తో రూ.58,031 కోట్ల నుంచి రూ.92,922 కోట్లకు చేరాయి. జీఎస్‌డీపీ 10.23% వృద్ధితో సమానంగా ఉంది. 'టీడీపీ కూటమి వైఫల్యాలు స్పష్టంగా కనిపిస్తున్నాయి' అని జగన్ ఆరోపించారు.
రుణభారం పరంగా రాష్ట్రం 'దూసుకుపోతోంది'నని జగన్ హెచ్చరించారు. 2025-26 మొదటి అర్ధభాగంలో రుణాలు 15.61% పెరిగాయి. మొత్తం రూ.2,06,959 కోట్లు అప్పులు చేసుకున్నారు. ఇది మునుపటి ప్రభుత్వం 5 సంవత్సరాల్లో చేసిన 62% మాత్రమే కాదు, 14 నెలల్లోనే రూ.1,86,361 కోట్లు (56%) చేరింది. విపరీతమైన కరప్షన్ కారణంగా ఆదాయాలు తగ్గుతున్నాయని, ప్రభుత్వం రుణాలపై ఆధారపడుతోందని ఆయన విమర్శించారు. ఈ పోస్ట్‌లోని గ్రాఫ్‌లు ఆదాయాలు, జీఎస్‌టీ, మూలధన పెట్టుబడులు, రుణాల పెరుగుదలను స్పష్టంగా చూపిస్తున్నాయి.
జూన్‌లో కాగ్ డేటా ప్రకారం ఏప్రిల్ 2025లో స్టేట్ జీఎస్‌టీ ఆదాయాలు 24.20% తగ్గాయి. మొత్తం పన్ను ఆదాయాలు 12.21% క్షీణించాయి. జూలైలో మొదటి క్వార్టర్‌లో సొంత ఆదాయాలు 3.47% మాత్రమే పెరిగాయి. మొత్తం ఆదాయాలు 6.14% వృద్ధి చూపాయి. ఆగస్టులో నాలుగు నెలల్లో సీఏజీఆర్ 2.39% మాత్రమేనని జగన్ పేర్కొన్నారు.
𝙇𝙤𝙬 𝙍𝙚𝙫𝙚𝙣𝙪𝙚 𝙂𝙧𝙤𝙬𝙩𝙝, 𝙇𝙤𝙬 𝘾𝙖𝙥𝙚𝙭 𝙖𝙣𝙙 𝙍𝙞𝙨𝙞𝙣𝙜 𝘿𝙚𝙗𝙩 - 𝙏𝙝𝙚 𝙑𝙞𝙨𝙞𝙤𝙣 𝙤𝙛 @ncbn 𝙂𝙖𝙧𝙪
— YS Jagan Mohan Reddy (@ysjagan) November 16, 2025
The figures released by the CAG for first half of FY 2025-26 reveal a very discouraging growth of State Government revenues. This is quite contrary to the… pic.twitter.com/aQSOlWz7uL
