న్యాయం కోసం 18 ఏళ్లుగా పోరాడుతూనే ఉన్నా– కానీ..

ఆయేషా మీరా కేసు అప్పట్లో నాటి ఉమ్మడి ఆంధ్రప్రదేశ్‌లో పెద్ద సంచలనం సృష్టించింది. 2007 డిసెంబరు 27 రాత్రి విజయవాడకు సమీపంలో ఉన్న ఇబ్రహీంపట్నంలోని ఓ మహిళల వసతి గృహంలో ఆయేషా మీరా హత్యకు గురయ్యారు. అయితే ఈ కేసులో సత్యంబాబు అనే వ్యక్తని 2008లో పోలసులు అరెస్టు చేశారు. సత్యంబాబుకు విజయవాడ మహిళా సెషన్స్‌ కోర్టు విధించిన జీవిత ఖైదు కేసును 2017 మార్చి 31న ఏపీ హైకోర్టు ఈ కేసును కొట్టివేయడంతో పాటుగా సత్యంబాబును నిర్దోషి అని తీర్పును వెలువరించింది. అయితే దీనిపై ఆయేషా మీరా తల్లిదండ్రులు ఆంధ్రప్రదేశ్‌ హైకోర్టును ఆశ్రయించారు. అనంతరం ఈ కేసు దర్యాప్తును సీబీఐకి అప్పగించారు. 2018లో సీబీఐ ఈ కేసు బాధ్యతలు తీసుకుంది. మూడు నెలల క్రితం సీల్డ్‌ కవర్‌ రిపోర్టును హైకోర్టుకు సమర్పించింది. అయితే సీబీఐ రిపోర్టును తమకు కూడా ఇవ్వాలని ఆయేషా మీరా తల్లిదండ్రులు హైకోర్టును ఆశ్రయించారు. దీనిపై స్పందించిన హైకోర్టు ఈ విషయాన్ని దిగువ కోర్టులో తేల్చుకోవాలని సూచించింది. ఆ మేరకు ఆయేషా మీరా తల్లిదండ్రులు విజయవాడ సీబీఐ కోర్టులో పిటీషన్‌ దాఖలు చేసుకున్నా ఇంత వరకు హైకోర్టుకు సమర్పించిన రిపోర్టు కాపీని ఇంత వరకు సీబీఐ ఆయేషా మీరా తల్లిదండ్రులకు అందించ లేదు. ఈ క్రమంలో ఈ నెల 19న విచారణకు హాజరు కావాలని విజయవాడ సీబీఐ కోర్టు వారికి నోటీసులు జారీ చేసింది.