ఏపీలో పారిశ్రామిక విప్లవం మొదలు కానుందా?
28 కంపెనీలను వర్చువల్ గా ఏపీ ముఖ్యమంత్రి నారా చంద్రబాబు నాయుడు నవంబరు 11,2025న ప్రారంభిస్తున్నారు.
ఆంధ్రప్రదేశ్ ముఖ్యమంత్రి నారా చంద్రబాబు నాయుడు నేతృత్వంలో రాష్ట్ర పారిశ్రామిక భవిష్యత్తును రూపొందుతోంది. రాష్ట్రవ్యాప్తంగా 50 ఎంఎస్ఎంఈ (మైక్రో, స్మాల్, మీడియం ఎంటర్‌ప్రైజెస్) పార్కుల ప్రారంభోత్సవాలు, శంకుస్థాపనలు జరగనున్నాయి. ఇందులో భాగంగా ఇప్పటికే నిర్మాణం పూర్తి చేసుకుని ఉత్పాదనకు సిద్ధంగా ఉన్న 28 కంపెనీలను నవంబరు 11న వర్చువల్‌గా సీఎం ప్రారంభించనున్నారు. రూ.25,696 కోట్ల పెట్టుబడితో ఏర్పాటైన ఈ యూనిట్లు రాష్ట్ర ఆర్థిక వ్యవస్థకు కొత్త ఊపును ఇస్తాయని అధికారులు చెబుతున్నారు. అయితే ఈ 28 కంపెనీల పేర్లు, వాటి ఉత్పత్తుల వివరాలు ఇప్పటివరకు అధికారిక ప్రకటనల్లో వెల్లడి కాలేదు. ఇది పెట్టుబడిదారుల మధ్య ఆసక్తిని రేకెత్తిస్తున్నప్పటికీ, పారదర్శకత పరంగా ప్రభుత్వానికి సవాలుగా మారుతోంది.
ప్రాంతీయ సమతుల్యతతో పారిశ్రామిక వ్యాప్తి
ప్రభుత్వం రాష్ట్రాన్ని నాలుగు ప్రాంతాలుగా విభజించి, పారిశ్రామిక అభివృద్ధిని సమానంగా విస్తరించేందుకు చర్యలు తీసుకుంది. 28 కంపెనీలు కూడా ఈ విధానానికి అనుగుణంగా ప్రాంతాల వారీగా పంపిణీ చేయబడ్డాయి. ఇది రాష్ట్ర ఆర్థిక అసమానతలను తగ్గించే ముఖ్య దశగా కనిపిస్తోంది.
| ప్రాంతం | కంపెనీల సంఖ్య | ముఖ్య లక్షణాలు |
| ఉత్తరాంధ్ర | 8 | విశాఖ, శ్రీకాకుళం, పార్వతీపురం వంటి జిల్లాల్లో ఫోకస్. ఆహార, ఫార్మా రంగాల్లో బలం. |
| కోస్తాంధ్ర | 6 | కృష్ణా, గుంటూరు ప్రాంతాల్లో మెటల్, టెక్స్‌టైల్స్ యూనిట్లు. |
| దక్షిణ కోస్తా | 6 | నెల్లూరు, ప్రకాశం జిల్లాల్లో ఎలక్ట్రానిక్స్, ఆటో కాంపోనెంట్స్. |
| రాయలసీమ | 8 | కడప, అనంతపురం, కర్నూలు వంటి వెనుకబడిన ప్రాంతాల్లో రెన్యూవబుల్ ఎనర్జీ, అగ్రి-ప్రాసెసింగ్. |
ఈ పంపిణీ రాయలసీమ, ఉత్తరాంధ్ర వంటి వెనుకబడిన ప్రాంతాలకు ప్రాధాన్యత ఇచ్చింది. మొత్తం 50 ఎంఎస్ఎంఈ పార్కుల్లో 900 ఎకరాల విస్తీర్ణంలో రూ.810 కోట్ల పెట్టుబడితో 12 వేల మందికి ఉద్యోగాలు రానున్నాయి. ఇది చంద్రబాబు నాయుడు 'వన్ ఫ్యామిలీ, వన్ ఎంట్రప్రెన్యూర్' విజన్‌కు సరిపోతుంది. స్థానిక నైపుణ్యాలను ప్రోత్సహించి గ్రామీణ ఆర్థిక వ్యవస్థను బలోపేతం చేస్తుంది.
ఉద్యోగాలు, ఎక్స్‌పోర్ట్‌లపై కొత్త దృష్టి
రూ.25,696 కోట్ల పెట్టుబడి రాష్ట్ర జీడీపీకి 2-3 శాతం దోహదపడుతుందని నిపుణులు అంచనా. ఈ కంపెనీలు ప్రధానంగా ఫుడ్ ప్రాసెసింగ్, ఎలక్ట్రానిక్స్, టెక్స్‌టైల్స్, ఆటో కాంపోనెంట్స్ వంటి రంగాల్లో ఉత్పత్తి చేస్తాయని అంచనా. ఇది రాష్ట్ర ఎక్స్‌పోర్ట్‌లను 20 శాతం పెంచి, విదేశీ మారక ద్రవ్యాన్ని పెంచుతుందన్ని పెంచే పెట్టుబడి దారులను పెంచుతుందని ప్రభుత్వం భావిస్తోంది.
చంద్రబాబు ప్రభుత్వం 2024-29 పారిశ్రామిక విధానం కింద 175 పార్కులు ఏర్పాటు చేయాలని ప్రణాళిక వేసింది. ఇప్పటికే ఆకర్షించిన పెట్టుబడులు రూ.10 లక్షల కోట్లు మించాయి. అర్సెలార్ మిట్టల్ స్టీల్ ప్లాంట్ (రూ.1.4 లక్షల కోట్లు), బీపీసీఎల్ రిఫైనరీ (రూ.96,862 కోట్లు) వంటివి ఉదాహరణలు. ఈ 28 కంపెనీల ప్రారంభం ఎంఎస్ఎంఈ రంగాన్ని బలోపేతం చేసి, మహిళలు, యువతకు ప్రత్యేక అవకాశాలు కల్పిస్తుందని పారిశ్రామిక వేత్తలు భావిస్తున్నారు. అయితే విద్యుత్, రవాణా సదుపాయాలు మరింత బలోపేతం కావాలని పరిశ్రమల సంఘాలు డిమాండ్ చేస్తున్నాయి.
స్వప్నాలు నిజమవుతున్నాయా?
చంద్రబాబు నాయుడు 'స్వీచ్ ఆన్ ఆంధ్ర' కార్యక్రమంతో పారిశ్రామిక విధానాలను వేగవంతం చేశారు. 16 నెలల్లో రూ.10-12 లక్షల కోట్ల పెట్టుబడులు ఆకర్షించడం అసాధారణం. ఈ 28 కంపెనీలు ప్రారంభమైతే, 20 లక్షల ఉద్యోగాల లక్ష్యానికి దగ్గరవుతాయి. ప్రాంతీయ సమతుల్యత పట్ల దృష్టి మెచ్చుకోదగినది. రాయలసీమలో 8 కంపెనీలు వెనుకబడిన ప్రాంతాల్లో మార్పు తీసుకువచ్చే అవకాశం ఉందని పలువురు వ్యాపారులు భావిస్తున్నారు.
సవాళ్లు లేవా?
పెట్టుబడుల కోర్కెలు యధాతధంగా నెరవేరాలంటే భూమి కేటాయింపులు, అనుమతుల వేగం కొనసాగాలి. గత ప్రభుత్వంలో ఎంఓయూలు కేవలం కాగితాల్లో మిగిలాయి. ఇప్పుడు అమలు దశలో ఉన్నందుకు పారదర్శకత మరింత అవసరం. 28 కంపెనీల పేర్లు, ఉత్పత్తుల వివరాలు వెల్లడించకపోవడం పెట్టుబడిదారుల్లో అనిశ్చితిని కలిగిస్తుంది. అయినా ఈ ప్రారంభోత్సవం ఆంధ్రాను 'ఇన్వెస్ట్ ఇన్ ఏపీ' బ్రాండ్‌గా మార్చే మలుపుగా మారుతుందని నమ్మకం.
ప్రకాశం జిల్లా కనిగిరి పెదఇర్లపాడు నుంచి ఈనెల 11న వర్చువల్ ప్రారంభాలు జరిగే ఈ కార్యక్రమం, రాష్ట్ర పారిశ్రామిక ప్రయాణంలో కొత్త అధ్యాయాన్ని ఆరంభిస్తుంది. ఏపీ ఆర్థిక వ్యవస్థ బలోపేతానికి ఈ దశ మరింత ఉపయోగ పడుతుందా? సమయమే చెప్పాలి.
నిపుణుల అభిప్రాయాలు
ఆంధ్రప్రదేశ్‌లో MSME పార్కుల అభివృద్ధి, 28 కంపెనీల ప్రారంభం వంటి పారిశ్రామిక చర్యలపై పలువురు నిపుణులు సానుకూల అభిప్రాయాలు వ్యక్తం చేశారు.
వినోద్ కుమార్, ఇండియా SME ఫోరమ్ అధ్యక్షుడు.
"ఆంధ్రప్రదేశ్ రాష్ట్రం దేశంలో అందరికంటే ముందుగా ఆలోచించే రాష్ట్రాల్లో ఒకటిగా మారింది. దీని వెనుక బలమైన MSMEలు ఉన్నాయి. ఈ పార్కుల ప్రారంభోత్సవాలు రాష్ట్ర ఎక్స్‌పోర్ట్‌లను $20 బిలియన్ నుంచి 2047 నాటికి $450 బిలియన్‌కు పెంచే మార్గదర్శకాలు నిర్మిస్తున్నాయి."
తమ్మిరెడ్డి శివ శంకర రావు, ఏపీ MSME డెవలప్‌మెంట్ కార్పొరేషన్ చైర్మన్.
"ఆంధ్రప్రదేశ్ MSMEల స్థిరత్వం, అనుకూలతలో దాగి ఉంది. ఈ పార్కుల ప్రారంభం రాష్ట్రాన్ని భారతదేశ వృద్ధిలో ముందంజలో నిలబెడుతుంది. ఇది స్థానిక వ్యాపారాలకు ప్రపంచ స్థాయి అవకాశాలు కల్పిస్తుంది."
ఆర్థిక నిపుణులు ఏమంటున్నారు?
డెలాయిట్ ఇండియా ఎకానమిస్ట్ రూమ్కీ మజుందార్.
"భారత్ MSME రంగం అనేక నిర్మాణాత్మక సవాళ్లు (క్రెడిట్ అందుబాటు, పాత టెక్నాలజీ, రెగ్యులేటరీ సంక్లిష్టతలు) ఎదుర్కొంటోంది. కానీ ఆంధ్రప్రదేశ్ వంటి రాష్ట్రాలు MSME పార్కుల ద్వారా డిజిటల్ రెడీనెస్, ఇన్‌ఫ్రాస్ట్రక్చర్ పెట్టుబడులు పెంచడం ద్వారా ఉత్పాదకతను గణనీయంగా పెంచవచ్చు. ఈ 28 యూనిట్ల ప్రారంభం టైర్-2, టైర్-3 నగరాల్లో ఆర్థిక వృద్ధిని వేగవంతం చేస్తుంది. MSMEలు ఇప్పుడు GDPలో 30 శాతం దోహదపడుతున్నాయి. ఇలాంటి చర్యలతో ఇది 45 శాతానికి చేరవచ్చు." అని తన ట్విటర్ లో మంజుందార్ పేర్కొన్నారు.
ఇండియా MSME ఫోరమ్ నిపుణుల గ్రూప్ (ప్రీ-బడ్జెట్ కన్సల్టేషన్‌లో)
"MSMEలకు ప్లగ్-అండ్-ప్లే మోడల్ (రెడీ టూ యూస్ ఫ్యాక్టరీ షెడ్లు, యుటిలిటీస్) అందించడం ద్వారా సెటప్ ఆలస్యాలు తగ్గుతాయి. ఆంధ్రప్రదేశ్ ఈ దిశలో ముందడుగు వేస్తోంది. PLI స్కీమ్‌ను MSMEలకు అనుకూలంగా మార్చడం, వాల్యూ అడిషన్‌కు రివార్డులు ఇవ్వడం ద్వారా ఈ 28 కంపెనీలు ఎక్స్‌పోర్ట్‌లను 20-30 శాతం పెంచవచ్చు. ఇది టైర్-2/3 నగరాల్లో ఇండస్ట్రీ యాక్సెస్‌ను డెమోక్రటైజ్ చేస్తుంది." అని ఎంఎస్ఎంఈ ఇండియా నిపుణుల ఫోరం తన ట్విటర్ లో పోస్టు చేసింది.
ఈ అభిప్రాయాలు నవంబర్ 11 ఈవెంట్ సందర్భంగా MSME రంగం రాష్ట్ర ఆర్థిక వ్యవస్థకు కీలకమవుతుందని నొక్కి చెబుతున్నాయి. రాష్ట్రంలో 175 MSME పార్కుల లక్ష్యం సాధించడం ద్వారా 2 లక్షల ఉద్యోగాలు, ఎక్స్‌పోర్ట్ బూస్ట్ వంటివి సాధ్యమవుతాయని నిపుణులు ఆశిస్తున్నారు.
