దమ్ముంటే కాపు రిజర్వేషన్లు అమలు చేయండి

ముద్రగడకు, తన కుమార్తెకు, ఆమె కుటుంబానికి మధ్య వైరం కొనసాగుతోంది. ఎన్నికల ముందు మొదలైన ఇరు కుటుంబాల మధ్య మనస్పర్థలు పెరిగి పెద్దవై తీవ్ర రూపం దాల్చాయి, దీంతో ఇరు కుటుంబాల మధ్య పచ్చగడ్డేస్తే భగ్గు మంటోంది. ఈ నేపథ్యంలో ఇటీవల ముద్రగడ కుమార్తె క్రాంతి బహిరంగంగా కొన్ని కామెంట్లు చేశారు. తన తండ్రి ముద్రగడకు ఆరోగ్యం సరిగా లేదని, తన సోదరుడు తండ్రి ముద్రగడను సరిగా చూడటం లేదని, ఆ విషయాలు తెలుసుకుందామంటే ఎవరూ సహకరించడం లేదని క్రాంతి వ్యాఖ్యలు చేశారు. ఈ నేపథ్యంలో తండ్రి ముద్రగడ స్పందించారు. కుమార్తె క్రాంతి మీద, ఆమె కుటుంబం మీద విమర్శలు గుప్పించారు. ఇది కావాలనే వారు ఆడుతున్న నాటకంగా పేర్కొన్నారు. ఆ మేరకు ముద్రగడ ప్రజలకు సోమవారం ఒక బహిరంగ లేఖ రాశారు.