భర్త సంపాదన..ప్రియుడి పాలు చేసిన భార్య

కాకినాడ జిల్లా ఖండవల్లి గ్రామానికి చెందిన చల్లా దుర్గారావు, దివ్యకుమారి భార్యా, భర్తలు. పెళ్లైన తర్వాత భర్త దుర్గారావు దుబాయ్‌ వెళ్లాడు. ఇటీవలె తిరిగి వచ్చాడు. తన భార్య దివ్యకుమారి అదే ఖండవల్లి గ్రామానికి చెందిన మోత్రపు అమోఘ్‌తో వివాహేతర సంబంధం పెట్టుకుంది. తాను దుబాయ్‌లో సంపాదించిన పంపిన సొమ్మంతా తన భార్య దివ్యకుమారి మోత్రపు అమోఘ్‌కు దోచి పెట్టిందని భర్త దుర్గారావు తెలుసుకున్నాడు. నిగ్గు తేల్చేందుకు దుర్గారావు బయలు దేరాడు. తన కుటుంబ సభ్యులు, గ్రామ పెద్దలతో కలిసి దివ్యకుమారితో అక్రమ సంబంధం పెట్టుకున్న అమోఘ్‌ను నిలదీసేందుకు అతని ఇంటికెళ్లారు. అయితే అమోఘ్‌ తండ్రి శివప్రసాద్‌ దుర్గారావును నానా దుర్భాషలాడి అవమానించారు. తన పరువు అంతా పోయిందని, ఇక బతికి లాభం లేదని చనిపోవాలని దుర్గారావు నిర్ణయించుకున్నాడు. ఈ నెల 25న పెరవలి లాకుల వద్ద మోటారు సైకిల్‌ను వదిలేసి కాల్వలో దూకి ఆత్మహత్యకు పాల్పడి ప్రాణాలు తీసుకున్నాడు. తర్వాత రోజు ఇరగవరం మండలం రాపాక వద్ద దుర్గారావు శవమైతేలాడు.

అయితే దుర్గారావు తాను చనిపోయే ముందు సూసైడ్‌ లెటర్‌ను రాసుకున్నాడు. తన చావుకు తన భార్య దివ్యకుమారి, ఆమె ప్రియుడు మోత్రపు అమోఘ్, అతని తండ్రి మోత్రపు శివప్రసాద్‌లు కారణమని సూసైడ్‌ లెటర్‌లో రాసి పెట్టాడు. తాను దుబాయ్‌ వెళ్లి సంపాదించిన డబ్బంతా తన భార్య దివ్యకుమారి ఆమె ప్రియుడు మోత్రపు అమోఘ్‌కు దోచి పెట్టింది. దీని వల్ల తాను ఆర్థికంగా చాలా చితికి పోయాను. తన భార్య దివ్యకుమారి, మోత్రపు అమోఘ్‌తో అక్రమ సంబంధం పెట్టుకోవడం తనను తీవ్రంగా మనస్తాపానికి గురి చేసింది. దీంతో తాను ఆత్మహత్య చేసుకొని చనిపోవాలని నిర్ణయించుకున్నట్లు సూసైడ్‌ నోట్‌లో రాసి పెట్టాడు. ఈ కేసులో పోలీసులు రంగంలోకి దిగారు. దుర్గారావు రాసిన సూసైడ్‌ లెటర్‌ ఆధారంగా దివ్యకుమారి, ఆమె ప్రయుడు అమోఘ్, అతని తండ్రి శివప్రసాద్‌లను అదుపులోకి తీసుకొన్న పోలీసులు వారి ముగ్గరిని శుక్రవారం తణుకు కోర్టులో హాజరు పరిచారు.