శ్రీకాకుళం జిల్లాలో స్కూళ్లకు సెలవు–వంశధారలో రెండో ప్రమాద హెచ్చరిక

శ్రీకాకుళం జిల్లా హిరమండలంలోని గొట్టా బ్యారేజీ వద్ద వంశధార నది ఉధృతంగా ప్రవహిస్తోంది. ఒడిశాలోని అరబంగి, బడనాలా రిజర్వాయర్ల నుంచి నీరు విడుదల చేయడంతో వరదనీరు భారీగా చేరుతోంది. శుక్రవారం ఉదయం 8 గంటలకు బ్యారేజీ నుంచి 80 వేల క్యూసెక్కుల నీరు దిగువకు ప్రవహిస్తోంది. ఈ నేపథ్యంలో అధికారులు రెండో ప్రమాద హెచ్చరిక జారీ చేశారు. సుమారు లక్ష క్యూసెక్కుల వరకు వరద రావచ్చని ఇంజినీర్లు అంచనా వేస్తున్నారు. నదీ పరివాహక ప్రాంతాల ప్రజలు అప్రమత్తంగా ఉండాలని సూచించారు.

జిల్లాలోని పాతపట్నం వద్ద మహేంద్రతనయ నదిలో నీటి ప్రవహం పెరిగి, పట్టణంలోని ఆర్టీసీ కాంప్లెక్స్‌ శివారు మహేంద్రనగర్‌ వీధిలోకి వరదనీరు చేరింది. జిల్లా కలెక్టర్‌ స్వప్నిల్‌ దినకర్‌ పుండ్కర్‌ పాతపట్నంలో పర్యటించి, వరద ప్రభావిత ప్రాంతాల్లో చర్యలు చేపట్టాలని అధికారులకు ఆదేశాలు జారీ చేశారు. వంశధార నదిలో పెరిగిన వరద కారణంగా భామిని మండలం కీసరలో 300 ఎకరాల్లో పంటలు నీటమునిగాయి. బూర్జ మండలంలో నారాయణపురం, చిన్నలంకాం పరిధిలో చాలా చోట్ల పంటపొలాలు ముంపులో ఉన్నాయి.

ఒడిశాలోని గోపాల్‌పూర్‌ వద్ద తీవ్ర వాయుగుండం తీరం దాటినట్లు విశాఖ వాతావరణ కేంద్రం వెల్లడించింది. వాయువ్య దిశగా కదిలి బలహీన పడుతున్నా, ప్రభావం కొనసాగుతోంది. శుక్రవారం ఉత్తర కోస్తా జిల్లాల్లో భారీ వర్షాలు కురుస్తాయని అధికారులు తెలిపారు. శ్రీకాకుళం, పార్వతీపురం మన్యం, విజయనగరం జిల్లాలకు రెడ్‌ అలర్ట్‌ జారీ చేశారు. ఒడిశాలో కురిసిన వర్షాలకు శ్రీకాకుళం జిల్లాలో వరద ఉధృతి మరింత పెరిగింది. అటు నుంచి వచ్చిన నీరు వంశధార, నాగావళి, బహుదా, మహేంద్రతనయ నదుల్లో చేరుతోంది. హిర మండలం గొట్టా బ్యారేజీ వద్ద మొదటి ప్రమాద హెచ్చరిక జారీ చేశారు.

బూర్జ మండలం నారాయణపురం ఆనకట్ట వద్ద నాగావళి నదిలో వరద ప్రవహం పెరుగుతోంది. మహేంద్రతనయ నదిలో పెరిగిన నీటి ప్రవహం కారణంగా పాతపట్నం ఆర్టీసీ కాంప్లెక్స్, మహేంద్రనగర్‌ వీధిలోకి వరద వచ్చి చేరింది. నదీ పరివాహక ప్రాంతాల్లోని ప్రజలను జిల్లా కలెక్టర్‌ అప్రమత్తం చేశారు. వరద ఉధృతంగా ప్రవహిస్తున్న ప్రాంతాల్లో కలెక్టర్, ఎస్పీ పర్యటించారు. జిల్లా కలెక్టరేట్‌లో కంట్రోల్‌ రూమ్‌ ఏర్పాటు చేశారు. విశాఖలో ఈదురుగాలులు చెట్లు నేలకుండా, వాహనాలకు దెబ్బ తీసుకున్నాయి. ఉత్తరాంధ్ర ప్రజలు అవసరం లేని ప్రయాణాలు మానుకోవాలని, మత్స్యకారులు సముద్రంలోకి వెళ్లవద్దని అధికారులు సూచించారు.