శని, ఆదివారాల్లో భారీ వర్షాలు
గత మూడు గంటల్లో స్థిరంగా ఉన్న వాయుగుండం తీవ్రమైన అల్పపీడనంగా (Depression) మారే అవకాశం ఉంది.
నైరుతి బంగాళాఖాతం, దక్షిణ శ్రీలంక, హిందూ మహాసముద్రం పరిసరాల్లో ఏర్పడిన వాయుగుండం (Cyclonic Storm Senyar) గత మూడు గంటల్లో స్థిరంగా ఉంది అని ఏపీ విపత్తుల నిర్వహణ సంస్థ తెలిపింది. ఇది ప్రస్తుతం స్వార్త్ ఆఫ్ మలక్కా, ఇండోనేషియా తీరాల సమీపంలో ఉంది. నేడు అంటే నవంబర్ 27, 2025 గురువారం ఈ వాయుగుండం మరింత తీవ్రమైన అల్పపీడనంగా (Depression) మారే అవకాశం ఉంది. అనంతరం ఇది ఉత్తర పశ్చిమ దిశగా కదులుతూ, తదుపరి 48 గంటల్లో ఉత్తర తమిళనాడు, పుదుచ్చేరి, దక్షిణ కోస్తా తీరాల వైపు మార్గనిర్దేశం చేసుకుంటూ మరింత బలపడనుంది.
ఈ వాయుగుండం ప్రభావంతో శనివారం (నవంబర్ 29), ఆదివారం (నవంబర్ 30) దక్షిణ కోస్తా (ఆంధ్రప్రదేశ్), రాయలసీమ జిల్లాల్లో భారీ నుంచి చాలా భారీ వర్షాలు కురిసే అవకాశం ఉంది. అండమాన్ & నికోబార్ దీవులు, తమిళనాడు (చెన్నై సహా), కేరళ, కర్ణాటకలో కూడా మోస్తరు నుంచి భారీ వర్షాలు పడే అవకాశం ఉంది. ఈ నేపథ్యంలో ప్రజలు, రైతులు అప్రమత్తంగా ఉండాలని ఏపీ విపత్తుల నిర్వహణ సంస్థ సూచించింది.
