రామదూత ఆధ్వర్యంలో చంద్రబాబు గురు పూర్ణిమ

రామదూత స్వామి ఆశ్రమం ఆంధ్రప్రదేశ్‌లోని ప్రకాశం జిల్లా కందుకూరు వద్ద ఉంది. ఆశ్రమం అటవీ ప్రాంతంలో ఉంటుంది. స్వామిజీ ఆశ్రమంలో ఉన్న సమయంలో నిత్యం వేలాది మంది భక్తులు దర్శనం చేసుకొని వెళ్తుంటారు. రామదూత స్వామి ఆశ్రమానికి ఆంధ్రప్రదేశ్‌లో డీజీపీలుగా పని చేసిన సీనియర్‌ ఐపీఎస్‌ అధికారులు, పలువురు మంత్రులు, కేంద్ర మంత్రులు, కేంద్రంలోని ఐఏఎస్, ఐపీఎస్‌ అధికారులు, రాష్ట్రంలోని ఐపీఎస్, ఐఏఎస్‌ అధికారులు సందర్శించారు. కర్నాటక నుంచి ముఖ్యమంత్రి హోదాలో యడ్యూరప్ప కూడా హెలిక్యాప్టర్‌లో వచ్చి రామదూత స్వామి దర్శనం చేసుకొని వెళ్లారు. కేంద్ర మంత్రులు, ప్రధాన మంత్రి, ప్రతిపక్ష నేతల వద్దకు నేరుగా వెళ్లగలిగిన స్వామీజీల్లో రామదూత స్వామీజీ ఒకరు. ఈయనకు ఢిల్లీతో పాటు హైదరబాద్, ఇంకా పలు రాష్ట్రాల్లో విడిది కేంద్రాలు ఉన్నాయి.

అయితే చంద్రబాబు నాయుడు ముఖ్యమంత్రి హోదాలో రామదూత స్వామి నిర్వహించిన గురి పూర్ణిమ ఉత్సవాల్లో పాల్గొనడమే కాకుండా ఈ ఉత్సవాలకు వచ్చిన భక్తులకు అభివాదం చేస్తూ కనిపించారు. రామదూత ఆశీర్వచనాలు అందుకొని పూలు, ఫలహారాలు అందించడమే కాకుండా దీపారాదన చేశారు. కన్వెన్షన్‌ హాల్‌లో వేణుదత్తాత్రేయుని విగ్రహాన్ని తాత్కాలికంగా తయారు చేయించి రామదూత స్వామి ఈ పూజలు చేయించారు.