ఆంధ్రాలో జైళ్ల పాలు అవుతున్న ఐఎఎస్, ఐపిఎస్ లు

చరిత్ర పునరావృతమైంది. ప్రతికార రాజకీయాలతో అట్టుడుకుతున్న ఆంధ్రప్రదేశ్ లో అత్యున్నత ఐఏఎస్ లు, ఐపీఎస్ లు, ఇతర ఉన్నతాధికారుల వేట కొనసాగుతోంది. అరెస్టుల పర్వం కొనసాగుతోంది. ఈ అరెస్టులన్నింటా అధికారంతో ముడిపడిన దృశ్యాలే కనిపిస్తున్నాయి. చిత్రంగా ఇప్పుడు గాని ఇంతకు ముందు గాని అరెస్ట్ అయిన అధికారగణంలో ఎక్కువ మంది వైఎస్సార్ కాంగ్రెస్ పార్టీ అధినేత, మాజీ ముఖ్యమంత్రి వైఎస్ జగన్ మోహన్ రెడ్డితో అనుబంధం ఉన్న వారే.

2004-2009 మధ్యకాలంలో జగన్ తండ్రి వైఎస్ రాజశేఖర్ రెడ్డి ముఖ్యమంత్రి‌గా ఉన్న కాలంలో 26 ప్రాజెక్టులకు సంబంధించిన ఉత్తర్వులు, ఆదాయానికి మించిన ఆస్తులు తల నొప్పులు తెచ్చాయి. ఇప్పుడు కూడా అలాంటి ఆరోపణలతోనే బ్యూరాక్రాట్లు అరెస్ట్ అవుతున్నారు.

2004–2009 మధ్య కాలంలో జగన్ వ్యాపారాల్లో పెట్టుబడి పెట్టిన కంపెనీలకు ప్రోత్సాహక ఉత్తర్వులు జారీ చేసినందుకు సంబంధించి సుప్రీంకోర్టు నోటీసులు అందుకున్న వారిలో పలువురు ఐఎఎస్ లు ఉన్నారు. వారిలో సీవీఎస్కే శర్మ, ఎస్వీ ప్రసాద్, వై.శ్రీలక్ష్మీ, బి.శ్యాంబాబు, కె.రత్నప్రభ, ఆదిత్యనాథ్ దాస్, పి.శామ్యూల్, మన్మోహన్ సింగ్, బీపీ ఆచార్య ఉన్నారు. వారిలో ఇద్దరు- వై.శ్రీలక్ష్మీ, బీపీ ఆచార్య- జైలుకి వెళ్లి వచ్చారు. Y. Srilakshmi (IAS) నిబంధనలకు విరుద్ధంగా మైనింగ్ లీజులు ఇచ్చారన్న ఆరోపణపై అరెస్ట్ అయ్యారు. ఇండస్ట్రీస్ & మైన్స్ శాఖ కార్యదర్శిగా ఉన్నప్పుడు అక్రమ లైసెన్సులు మంజూరు చేశారనే దానిపై ప్రస్తుతం సుప్రీంకోర్టు ఆదేశాల మేరకు మళ్లీ కేసు విచారణ జరుగుతోంది. B.P. Acharya (IAS) ఇఎమ్మార్ సంస్థకు నిబంధనలకు విరుద్ధంగా భూమి కేటాయించారనే ఆరోపణపై అరెస్ట్ అయ్యారు. విదేశీ సంస్థకి అనుకూలంగా భూముల కేటాయింపులో కీలక పాత్ర పోషించారన్నది ఆరోపణ. Mopidevi Venkataramana (మాజీ మంత్రి) Vanpic project లో అక్రమ లాభాల కేసులో అరెస్ట్ అయ్యారు. Guntur–Prakasam జిల్లాల్లో పోర్టు అభివృద్ధి పేరుతో వాన్ పిక్ సంస్థకు భూములు కట్టబెట్టారన్నది ఆరోపణ.

ఇక మరో కేసులో ఐదుగురు ఐపీఎస్ లు ఆరోపణలు ఎదుర్కొంటున్నారు. ఆ కేసే ముంబాయి కి చెందిన నటి జెత్వానీకి సంబంధించింది. ముంబైకి చెందిన నటి కదంబరి జెఠ్వానీపై అక్రమ అరెస్టు, వేధింపుల కేసులో పి.సీతారామాంజనేయులు అనే మాజీ ఐపీఎస్ అధికారి 2024 సెప్టెంబరులో సస్పెండ్ అయ్యారు. ఇప్పుడు అరెస్ట్ అయి జైల్లో ఉన్నారు. కాంతి రాణా టాటా (Kanthi Rana Tata, IPS – 2004 బ్యాచ్) విజయవాడ పోలీస్ కమిషనర్‌గా ఉన్న సమయంలో కదంబరి జెత్వానీ కేసులో 2024 సెప్టెంబరులో సస్పెండ్ అయ్యారు. విశాల్ గున్ని (Vishal Gunni, IPS – 2010 బ్యాచ్) విజయవాడ డిప్యూటీ కమిషనర్‌గా ఉన్న సమయంలో కదంబరి జెత్వానీ కేసులో 2024 సెప్టెంబరులో సస్పెండ్ అయ్యారు. పీవీ సునీల్ కుమార్ (PV Sunil Kumar, IPS – 1993 బ్యాచ్)ను 2025 మార్చిలో సస్పెండ్ చేసింది. ఆయన అనుమతి లేకుండా పలు విదేశీ పర్యటనలు చేసినట్లు ఆరోపణలు వచ్చాయి. ఈ సస్పెన్షన్‌ను 2025 ఆగస్టు వరకు పొడిగించారు. సునీల్ కుమార్‌పై మాజీ ఎంపీ రఘురామ కృష్ణంరాజుపై కస్టడీలో హింసించినట్లు ఆరోపణలు ఉన్నాయి. ఎన్. సంజయ్ (N. Sanjay, IPS – 1996 బ్యాచ్)ను

2024 డిసెంబరులో ఆంధ్రప్రదేశ్ ప్రభుత్వం సంజయ్‌ను సస్పెండ్ చేసింది. ఆయనపై AGNI – NOC వెబ్ పోర్టల్, మొబైల్ యాప్ అభివృద్ధి, నిర్వహణకు సంబంధించిన టెండర్ ప్రక్రియలో అవకతవకలు చేసినట్లు ఆరోపణలు ఉన్నాయి.

ఒక ప్రభుత్వ కాలాన్ని, దాని లక్ష్యాలను నిర్వచించే ప్రధాన బలం పరిపాలనా వ్యవస్థదైతే – ఆ వ్యవస్థలోని ముఖ్యులపైన్నే విచారణ జరుగుతుండడం గమనార్హం.