కళ్లముందే కాలిపోయింది

సముద్రంలో వేటకు వెళ్లేందుకు మత్స్యకారులు బోటును సిద్ధం చేస్తున్న సమయంలో ఈ ప్రమాదం చోటుచేసుకుంది. మంటలు అంటుకోవడాన్ని గమనించిన బోటులోని మత్స్యకారులు వెంటనే అప్రమత్తమై నీటిలోకి దూకేశారు. దీంతో తృటిలో ప్రాణాపాయం తప్పింది.

ఈ ప్రమాదంలో బోటుతో పాటు దానిలో ఉన్న ఖరీదైన చేపల వలలు, ఇతర సామగ్రి పూర్తిగా కాలి బూడిదయ్యాయి. ఈ అగ్నిప్రమాదం వల్ల సుమారు రూ. 20 లక్షల మేర ఆస్తి నష్టం వాటిల్లినట్లు బాధితులు ఆవేదన వ్యక్తం చేస్తున్నారు.

సమాచారం అందుకున్న అగ్నిమాపక సిబ్బంది వెంటనే ఘటనా స్థలానికి చేరుకుని మంటలను అదుపు చేశారు. ఇతర బోట్లకు మంటలు వ్యాపించకుండా జాగ్రత్తలు తీసుకోవడంతో పెద్ద ప్రమాదం తప్పింది. ప్రమాదానికి గల కారణాలపై పోలీసులు, మత్స్యశాఖ అధికారులు విచారణ చేపట్టారు. తమను ప్రభుత్వం ఆదుకోవాలని నష్టపోయిన మత్స్యకారులు కోరుతున్నారు.