డెలివరీ డేట్ దాటిపోయి నాలుగు రోజులైనా..

ఆశా వర్కర్ మౌనిక వివరాలను వైద్య పర్యవేక్షకులు హెచ్‌ఎస్ భూలోకకు తెలియజేయగా, ప్రసవ తేదీ దాటిపోయినట్టు గుర్తించారు. వెంటనే 104 వాహనంలో రాజేంద్రపాలెం ప్రాథమిక ఆరోగ్య కేంద్రానికి తీసుకెళ్తామని సిబ్బంది (భూలోక, ఏఎన్‌ఎం రాజేశ్వరి, ఎంఎల్‌హెచ్‌పి జోత్న) ఆమె భర్త కృష్ణతో పాటు నచ్చజెప్పారు. గోధుమలంక నుంచి ఆస్పత్రి 20 కిలోమీటర్ల దూరంలో ఉండటం, నొప్పులు వస్తే ఇబ్బందులు తప్పవని హెచ్చరించారు. అయినా మౌనిక బుధవారం వస్తాను అంటూ మొండికేసింది.

ఆమె నాలుగోసారి గర్భం దాల్చిందని, ముందు మూడో కాన్పు అబార్షన్ కారణంగా జరగలేదని హెచ్‌ఎస్ భూలోక తెలిపారు. ఈ మొండితనం వల్ల తల్లి, శిశు జీవితాలు ప్రమాదంలో పడే అవకాశం ఉందని వైద్యులు ఆందోళన వ్యక్తం చేశారు. గ్రామీణ ప్రాంతాల్లో ఆరోగ్య అవగాహన లోపం, ఆస్పత్రి భయం వంటి కారణాలు ఇలాంటి సంఘటనలకు దారితీస్తున్నాయని నిపుణులు అంటున్నారు.