ఢీకొన్న కార్లు..5 మంది మృతి

మృతులంతా కర్ణాటక రాష్ట్రం కోలార్ జిల్లా చికి చెందిన ఒకే కుటుంబ సభ్యులు.

• వెంకటేశప్ప (60)
• కూతురు మీనాక్షి (32)
• అల్లుడు సతీశ్ (36)
• మనవళ్లు రుత్విక్, బన్నీగౌడ్ (చిన్నారులు)

వీరు కర్ణాటకలోని తమ స్వగ్రామం చిక్కహోసల్లి నుంచి శ్రీ రాఘవేంద్రస్వామి దర్శనం కోసం మంత్రాలయం వెళ్తుండగా ఈ దుర్ఘటన జరిగింది. కోటేకల్ పోలీసులు కేసు నమోదు చేసి దర్యాప్తు చేపట్టారు.

పత్తికొండ సమీపంలో మరో ప్రమాదం చోటు చేసుకుంది. బెంగళూరు నుంచి మంత్రాలయం వెళ్తున్న కర్ణాటక రాష్ట్రానికి చెందిన ప్రైవేటు బస్సు, పత్తికొండ మండలం తుగ్గలి-రాతన గ్రామాల మధ్య బోల్తాపడింది. బస్సులో మొత్తం 29 మంది ప్రయాణికులు ఉన్నారు. వీరిలో ఇద్దరికి స్వల్ప గాయాలు అయినట్టు సమాచారం. మిగతా వారు సురక్షితంగా బయటపడ్డారు. పత్తికొండ పోలీసులు రంగంలోకి దిగి రెస్క్యూ చర్యలు చేపట్టారు. గాయపడిన వారికి స్థానికంగానే ప్రాథమిక చికిత్స అందించారు. ఒకే రోజు రెండు ప్రమాదాలతో జిల్లా వ్యాప్తంగా వాహనదారులు, ప్రయాణికులు తీవ్ర ఆందోళన వ్యక్తం చేస్తున్నారు. రోడ్డు భద్రత, వేగ నియంత్రణపై మరింత శ్రద్ధ అవసరమని స్థానికులు డిమాండ్ చేస్తున్నారు.