హైకోర్టులో జగన్ కు స్వల్ప ఊరట

సింగయ్య మృతి ఘటన కేసులో వైసీపీ అధినేత జగన్ మోహన్ రెడ్డికి స్వల్ప ఊరట లభించింది. జగన్ తో సహా ఇతరులపై నమోదైన కేసులో ఏపీ హైకోర్టు రెండు వారాలపాటు స్టే విధించింది.ఈ కేసులో రెండు వారాల పాటు ఎలాంటి చర్యలు తీసుకోవద్దని పోలీసులకు న్యాయస్థానం ఆదేశాలు జారీ చేసింది. తనపై నమోదైన కేసును కొట్టి వేయాలన్న జగన్ క్వాష్ పిటీషన్ పై విచారణ జరిపిన హైకోర్టు ఈ ఆదేశాలు జారీచేసింది.తమ వద్ద ఉన్న వీడియో ఆధారాలు, ఇతర సాక్ష్యాలు కోర్ట్ ముందు ఉంచేందుకు రెండు వారాలు సమయం కావాలని కోర్టును అడ్వకేట్ జనరల్ దమ్మాలపాటి శ్రీనివాస్ కోరారు. అయితే ఇప్పటికే ఈ కేసును బీఎన్‌ఎస్ కింద 105 సెక్షన్‌కు మార్చారని పిటిషనర్ తరఫు న్యాయవాదులు వాదించారు.