చంద్రబాబుకు అవార్డు..పవన్ కల్యాణ్ అభినందనలు

ఆంధ్రప్రదేశ్ ముఖ్యమంత్రి నారా చంద్రబాబు నాయుడికి ప్రముఖ ఆర్థిక పత్రిక 'ఎకనమిక్ టైమ్స్' సంస్థ ‘బిజినెస్ రిఫార్మర్ ఆఫ్ ద ఇయర్’ పురస్కారాన్ని ప్రకటించింది. రాష్ట్రంలో పారిశ్రామిక వృద్ధికి ఆయన చేపడుతున్న సంస్కరణలు, పెట్టుబడులను ఆకర్షించడంలో చూపుతున్న చొరవకు గుర్తింపుగా ఈ అవార్డు దక్కింది. మరో వైపు ముఖ్యమంత్రి నారా చంద్రబాబు నాయుడిని 'ఎకనమిక్ టైమ్స్' సంస్థ ‘బిజినెస్ రిఫార్మర్ ఆఫ్ ద ఇయర్’ పురస్కారానికి ఎంపిక చేయడం పట్ల ఉప ముఖ్యమంత్రి పవన్ కల్యాణ్ హర్షం వ్యక్తం చేశారు. ఈ మేరకు ఆయన గురువారం ఒక అధికారిక ప్రకటన విడుదల చేస్తూ ముఖ్యమంత్రికి అభినందనలు తెలిపారు.

స్ఫూర్తిదాయక నాయకత్వం అని పవన్ అన్నారు. సీఎం చంద్రబాబు నాయకత్వ శైలి ఎంతో స్ఫూర్తినిస్తుందని, రాష్ట్రాభివృద్ధి కోసం ఆయన అమలు చేస్తున్న సంస్కరణలు నవతరం భవిష్యత్తుకు బాటలు వేస్తాయని పవన్ పేర్కొన్నారు. రాష్ట్ర బ్రాండ్ ఇమేజ్ కి ఇదో గుర్తింపని పేర్కొన్నారు. ఈ అంతర్జాతీయ స్థాయి గుర్తింపు ద్వారా ఆంధ్రప్రదేశ్‌కు ఒక ప్రత్యేక 'బ్రాండ్ ఇమేజ్' వస్తుందని, ఇది రాష్ట్ర ప్రజలందరికీ గర్వకారణమని ఆయన కొనియాడారు. పారిశ్రామిక వృద్ధి: పారిశ్రామిక వృద్ధికి, పెట్టుబడుల ఆకర్షణకు చంద్రబాబు తీసుకుంటున్న నిర్ణయాలు ఖచ్చితంగా సత్ఫలితాలను ఇస్తాయని పవన్ విశ్వాసం వ్యక్తం చేశారు.