ఢిల్లీకి చేరుకున్న ఏపీ డీజీపీ, సీఎస్

ఆంధ్రలో పోలింగ్ ముగిసిన తర్వాత కూడా రాష్ట్రవ్యాప్తంగా హింసాత్మక ఘటనలు జరగుతుండటంపై కేంద్ర ఎన్నికల సంఘం ఆగ్రహం వ్యక్తం చేసింది. ఈ హింసాత్మక ఘటనలపై వివరణ ఇవ్వాలంటూ ఆంధ్ర డీజీపీ హరీష్ కుమార్, సీఎస్ జవహర్ రెడ్డికి ప్రశ్నించింది. ఈ విషయంపై ఢిల్లీలోని ప్రధాన కార్యాలయానికి వచ్చి వివరణ ఇవ్వాలని, దాంతో పాటు ఆంధ్రలోని పరిస్థితులపై సమగ్ర నివేదిక అందించాలని కేంద్ర ఎన్నికల సంఘం తెలిపింది. ఈ నేపథ్యంలోనే గురువారం డీజీపీ హరీష్, సీఎస్ జవహర్ రెడ్డి.. ఢిల్లీకి చేరుకున్నారు. కేంద్ర ఎన్నికల సంఘం అధికారుల ముందు హాజరయ్యారు.