అమరావతిలో మరో వండర్
ప్రపంచస్థాయి మౌలిక సదుపాయాలతో రాజధాని అమరావతి రూపుదిద్దుకుంటోందని మంత్రి లోకేష్ తెలిపారు.
ఆంధ్రప్రదేశ్ రాజధాని అమరావతిపై మంత్రి నారా లోకేష్ మరో ఆసక్తికరమైన అంశాన్ని ప్రస్తావించారు. అంతర్జాతీయ నగరంగా అమరావతిని తీర్చిదిద్దుతామని ఇప్పటికే పలుమార్లు సీఎం చంద్రబాబు వెల్లడించారు. సీఎం చంద్రబాబు చెబుతున్న దాని కంటే ఏమాత్రం తక్కువ కాకుండా మంత్రి నారా లోకేష్ కూడా ఈ విషయాన్ని వెల్లడించారు. అమరావతిలో ’ప్రపంచస్థాయి అండర్‌గ్రౌండ్ పవర్ ఇన్‌ఫ్రాస్ట్రక్చర్‘ ఏర్పాటు చేస్తున్నట్లు వెల్లడించారు. ఇది అత్యాధునిక విద్యుత్ వ్యవస్థ, ఈ అత్యాధునిక విద్యుత్ వ్యవస్థలో భూగర్భంలో హైటెన్షన్ లైన్లను వేసి, భద్రతను పెంచుతూ, భవిష్యత్ అవసరాలకు అనుగుణంగా ఈ వ్యవస్థ రూపొందుతోందని తెలిపారు. ఆ మేరకు ఆయన ఆదివారం ఎక్స్‌లో పోస్టు చేశారు. దీనికి సంబంధించిన వీడియోని కూడా షేర్ చేశారు. ఈ వ్యవస్థ అమరావతిని ప్రపంచస్థాయి మౌలిక వసతుల నగరంగా మార్చడానికి కీలకంగా మారనుందని పేర్కొన్నారు. భవిష్యత్ అవసరాలను దృష్టిలో ఉంచుకుని అమరావతి నిర్మాణం సాగుతోందని, ప్రపంచ ప్రమాణాలతో రూపుదిద్దుకుంటోందని లోకేశ్ పోస్టులో పేర్కొన్నారు.
A glimpse into Amaravati’s world-class underground power infrastructure coming up at a rapid pace. Moving high-tension power lines underground enhances reliability, safety, and the aesthetic appeal of our People’s Capital - built for durability and future-readiness. #Amaravati is… pic.twitter.com/EwKDMsnEly
— Lokesh Nara (@naralokesh) November 29, 2025
