వందేళ్ల జీవితం..3 లక్షల జీతం... 30 సెకన్లలో...

చక్రాల రాము (పేరు మార్చాం)... మహా అయితే 30 ఏళ్లు... విజయవాడ నగరం.. కష్టపడి పైకి వచ్చాడు.. మంచి కంపెనీలో ఉద్యోగం.. నెలకు 3 లక్షల జీతం.. బెంగళూరులో నివాసం.. సొంతూరు వచ్చిన ఆనందంలో ద్విచక్ర వాహనంపై రయ్.. రయ్.. మని పోతూ ట్రాఫిక్ సిగ్నల్ జంప్ చేశాడు. అంతే.. ఎదురుగా వచ్చిన లారీ ఢీ కొట్టింది. 30 సెకన్లు ఓపిక పడితే అంతా సజావుగా సాగేది. అలాంటి 30 సెకన్లలో వందేళ్ల జీవితం, 3 లక్షల జీతం గాల్లో కలిసి పోయింది. కన్నవాళ్ల కడుపుకోత.. కంటికీ మింటికీ తడారకుండా పోయింది. అతని భార్య చలనం లేకుండా నిశ్చేష్టురాలైంది. చంకలోని చంటి పిల్ల దిక్కులు చూస్తూ రోదిస్తోంది. ఆ 30 సెకన్ల తప్పు అతని కుటుంబాన్ని అల్లకల్లోలం చేసింది.