అనకాపల్లి జిల్లాలో 3.55 ఎకరాల్లో గంజాయి సాగు ధ్వంసం

గంజాయి మీద ఆంధ్రప్రదేశ్‌ ప్రభుత్వం ప్రత్యేక దృష్టి పెట్టింది. గంజాయి విక్రయాలపై నిఘా పెట్టిన ప్రభుత్వం వాటిని విక్రయిస్తున్న వారిపైన కఠిన చర్యలు తీసుకుంటోంది. అయితే ఈ సారి గంజాయి మూలాలపైనే దృష్టి పెట్టింది. గంజాయి సాగునే లేకుండా చేసేందుకు యాక్షన్‌ ప్లాన్‌ రూపొందించింది. దీని కోసం డ్రోన్‌లను ఉపయోగించనుంది. ఇప్పటికే డ్రోన్‌లతో ఉత్తరాంధ్రలోని కొన్ని ఎకరాల్లో గంజాయి సాగును ధ్వంసం చేసింది. అనకాపల్లి జిల్లాలో దాదాపు 3.55 ఎకరాల్లో డ్రోన్ల సాయంతో గంజాయి సాగును అధికారులు ద్వంసం చేశారు.