మహిళా క్రికెట్ జట్టుకు భారీ నజరానా ప్రకటించిన బీసీసీఐ

విజేతగా నిలిచిన జట్టుకు అంతర్జాతీయ క్రికెట్ కౌన్సిల్(ఐసీసీ) రికార్డు ప్రైజ్ మనీని ప్రకటించింది. విజేతకు రూ. 39.78 కోట్లు(4.48 మిలియన్లు) దక్కాయి. వీటితో పాటు భారత క్రికెట్ నియంత్రణ మండలి(బీసీసీఐ) మహిళా క్రికెటర్లకు రూ. 51 కోట్ల రివార్డును ప్రకటించింది.

‘‘ఐసీసీ చైర్మన్ గా ఉన్న జై షాకు కచ్చితంగా కృతజ్ఞతలు. ఎందుకంటే ఈ టోర్నమెంట్ కు కేవలం నెల ముందు వారు ఐసీసీ మహిళల ప్రపంచకప్ ప్రైజ్ మనీని పెంచారు. అంటే ప్రైజ్ మనీలో దాదాపు 300 శాతం పెంచారు’’ అని బీసీసీఐ కార్యదర్శి దేవజిత్ సైకియా తెలిపారు.

‘‘అది జట్లకు మాత్రమే అందుతుంది. ఈ రోజు డీవై పాటిల్ స్టేడియంలో దక్షిణాఫ్రికా ఓడించి ఛాంపియన్ షిప్ గెలుచుకోవడంతో బీసీసీఐ సంతోషంతో ఉప్పొంగిపోయింది. ఐసీసీ తో సంబంధం లేకుండా బీసీసీఐ స్వయంగా భారత జట్టుకు రూ. 51 కోట్ల బహుమతిని ప్రకటించింది. ఆ మొత్తం ఆటగాళ్లకు సెలెక్టర్లకు, అమోల్ ముజుందార్ నేతృత్వంలోని సహాయక సిబ్బందికి వెళ్తుంది’’ అని ఆయన అన్నారు.