అంబటి రాంబాబుకు బెయిల్, మరో కేసు లేకపోతే రేపు విడుదల

ఈ కేసులో పట్టాభిపురం పోలీసులు పిటి వారెంట్‌పై మూడు రోజుల క్రితం అంబటి రాంబాబును కోర్టులో హాజరుపరిచారు. వాదనలు విన్న అనంతరం కోర్టు ఆయనకు బెయిల్ మంజూరు చేసింది. అలాగే పోలీసులు దాఖలు చేసిన కస్టడీ పిటిషన్‌ను కూడా కోర్టు డిస్మిస్ చేసింది.

ఇప్పటికే సీఎంను దూషించిన కేసులో బెయిల్ పొందిన అంబటి రాంబాబు, తాజా కేసులోనూ ఊరట పొందడంతో ఆయన విడుదలకు మార్గం సుగమమైంది. రేపటిలోగా రాజమండ్రి సెంట్రల్ జైలు నుంచి విడుదలయ్యే అవకాశం ఉందని సమాచారం.

ప్రభుత్వ మెడికల్ కాలేజీల ప్రైవేటీకరణకు వ్యతిరేకంగా చేపట్టిన ర్యాలీ నేపథ్యంలో నమోదు చేసిన కేసుపై వైఎస్సార్‌సీపీ నేతలు రాజకీయ వేధింపుల ఆరోపణలు చేస్తున్నారు. అయితే పోలీసులు విధులను అడ్డుకోవడం జరిగిందని కేసు నమోదు చేసినట్టు పేర్కొన్నారు. తాజా బెయిల్ ఉత్తర్వులతో ఈ వ్యవహారం రాజకీయ వర్గాల్లో చర్చనీయాంశంగా మారింది.