తిరుమలలో చంద్రబాబు తలనీలాలు ఇవ్వకపోవడం వెనుక రహాస్యం ఏమిటో?

చంద్రబాబు నాయుడు విషయంలో తిరుమలకు అనేక సార్లు వెళ్లారు. ముఖ్యమంత్రిగా, కుటుంబ సభ్యులతో, బ్రహ్మోత్సవాల సందర్భంగా చాలా సార్లు వెళ్లారు. ఇప్పటి వరకు 14 సార్లు పట్టు వస్త్రాలు సమర్పించారు (ఇది ఒక ప్రత్యేక సంప్రదాయం). కుటుంబం తరచూ అన్నదానం, ఇతర సేవలు చేస్తోంది. ఆయన భక్తి ఎక్కువగా సేవా రూపంలో (ఆలయ అభివృద్ధి పథకాలు, AI ఆధారిత క్యూ మేనేజ్‌మెంట్, ఫుడ్ క్వాలిటీ మెరుగుపరచడం వంటివి) ఉంటాయి.

తిరుమల క్యూలైన్ లో సీఎం చంద్రబాబు కుటుంబం

కొన్ని పాత రిపోర్టులు పరిశీలిస్తే... (2011 ప్రాంతం) ఆయన గుండు చేయించుకోలేదని, ఇది ఆయన భక్తి రూపంలో భిన్నత్వంగా ఉందని పేర్కొన్నాయి. కానీ ఆయన ఎప్పుడూ దీనిపై ప్రత్యేకంగా వ్యాఖ్యానించలేదు. లేదా ఎలాంటి కారణం చెప్పలేదు. జర్నలిస్టులు కూడా ఆయనను ఎందుకు తలనీలాలు ఇవ్వలేదని ప్రశ్నించే సాహసం కూడా చేసిన సందర్భాలు లేవు. ఇది ఆయన వ్యక్తిగత ఎంపికగానే ఉంది. భక్తి రూపాలు ప్రతి వ్యక్తికి భిన్నంగా ఉంటాయి.

సీఎం చంద్రబాబు తన మనవడు నారా దేవాన్ష్ 10వ పుట్టినరోజు సందర్భంగా కుటుంబ సభ్యులతో కలిసి తిరుమల శ్రీ వేంకటేశ్వర స్వామి వారిని దర్శించుకున్నారు. ఈ పర్యటనలో వారు వైకుంఠం క్యూకాంప్లెక్స్-1 ద్వారా స్వామి వారిని దర్శించుకుని, మాతృశ్రీ తరిగొండ వెంగమాంబ అన్నప్రసాదం కాంప్లెక్స్‌లో భక్తులకు వ్యక్తిగతంగా అన్నదానం వడ్డించారు. ఒక రోజు అన్నదానం ఖర్చును రూ.44 లక్షలు భరించి, కుటుంబం ఈ సంప్రదాయాన్ని 10 ఏళ్లుగా కొనసాగిస్తోంది.

ఇది చంద్రబాబు నాయుడు తిరుమలకు చేసిన అనేక సందర్శనలలో ఒకటి. ముఖ్యమంత్రిగా బాధ్యతలు చేపట్టిన తర్వాత (2014-2019, 2024 నుంచి) మాత్రమే కాకుండా, వ్యక్తిగత భక్తుడిగా కూడా ఆయన శ్రీవారి సన్నిధిని అనేక సార్లు సందర్శించారు. బ్రహ్మోత్సవాల సందర్భంగా పట్టు వస్త్రాలు సమర్పించడం వంటి సంప్రదాయాలను 14 సార్లు (2024లో 14వ సారి) నిర్వహించారు. అయితే ‘ఇప్పటి వరకు ఆయన తిరుమల శ్రీవారికి తలనీలాలు (జుట్టు సమర్పణ) చేయలేదు.

చంద్రబాబు నాయుడు తలనీలాలు సమర్పించపోవడం చిదంబర రహస్యంగానే మిగిలి పోతుందా? లేదా ఎప్పటికైనా సందర్భానుసారంగా కారణం చెబుతారా? అనే చర్చ మాత్రం ఆయన చెప్పే వరకు కొనసాగుతూనే ఉంటుంది.