భారతీయులను తిప్పి పంపడం ప్రారంభించిన అమెరికా

అమెరికాలో ఉంటున్నభారతీయ అక్రమ వలసదారులను తీసుకుని వస్తున్న మొదటి విమానం ఇదే. అమెరికాలో దాదాపు 7 లక్షల పైనే భారతీయులు అక్రమంగా వలస ఉంటున్నారని కొన్ని రికార్డులు తెలుపుతున్నాయి. అమెరికా మొత్తం మీద పత్రాలు లేని వలసదారులు దాదాపుగా 11 మిలియన్ల మంది ఉంటారని ఓ అంచనా.

అయితే ఈ సైనిక విమానాలు భారత్ రావడానికి కనీసం 24 గంటల సమయం పడుతుందని ఓ అధికారి తెలిపారు. ప్రస్తుతం సీ17 విమానంలో వీరంతా ఉన్నారని అన్నారు. టెక్సాస్ లోని ఎల్ పాసో, కాలిఫోర్నియాలోని శాన్ డియాగో నుంచి దాదాపు 5 వేల మంది అక్రమ వలసదారులను వెనక్కి పంపిస్తామని పెంటాగాన్ పేర్కొంది. ఇప్పటి వరకూ సైనిక విమానాలు కేవలం అమెరికా సరిహద్దు దేశాలైన గ్వాటేమలా, పెరూ, హోండూరస్, మెక్సికోలకు మాత్రమే వెళ్లాయి.

దేశం లో అక్రమంగా ఉంటున్న వలసదారులందరిని ఏరివేస్తానని అమెరికా అధ్యక్షుడు ట్రంప్ ఎన్నికల సమయం నుంచే అమెరికన్లకు హమీ ఇస్తున్నారు. దీనికోసం ఆయన సైన్యాన్ని విస్తృతంగా వాడుకుంటున్నారు. అలాగే మెక్సికోకు అదనంగా సైన్యాన్ని పంపారు.

అలాగే అక్రమ వలసదారులను గుర్తించడానికి ప్రత్యేక డ్రైవ్ లు చేస్తున్నారు. అలా గుర్తించిన వారందరిని కూడా సైనిక కేంద్రాలకు తరలిస్తున్నారు. గత వారం గ్వాటేమాలాకు చెందిన అక్రమ వలసదారులను బహిష్కరించడానికి సైనిక విమానాన్ని ఉపయోగించగా ప్రతి వలసదారుడిగా 4,675 డాలర్ల ఖర్చు అయిందని రాయిటర్స్ తెలిపింది.

అమెరికా అధ్యక్షుడిగా ట్రంప్ బాధ్యతలు చేపట్టిన తరువాత అక్రమంగా వలస ఉంటున్న భారతీయులను డిపోర్టేషన్ చేయడం ఇదే మొదటి సారి. ట్రంప్, విదేశాంగమంత్రి మార్కొని రూబియే, ప్రధాని మోదీ, విదేశాంగమంత్రి ఎస్ జైశంకర్ మధ్య జరిగిన సంభాషణల్లో అక్రమ వలసల గురించి సుదీర్ఘంగా చర్చలు జరిగాయి.

వీటి గురించి ఇరు దేశాలు ఆందోళన వ్యక్తం చేశాయి. గతంలో ట్రంప్ అక్రమ వలసల గురించి మాట్లాడగా.. మోదీ చేసేది సరైన పనని ఆయన కొనియాడారు. అక్రమంగా ఉంటున్న భారతీయులందరిని గుర్తించి వారిని వెనక్కి తీసుకుంటామని మోదీ ప్రకటించారు. ఇలా మొదటి విడతలో దాదాపు 18 వేల మంది వెనక్కి తీసుకోవడానికి న్యూఢిల్లీ అంగీకరించింది.