అమెరికా updates, ట్రంప్ 214 కమల 153
అమెరికా అధ్యక్ష ఎన్నికల్లో ప్రస్తుతం అందుతున్న సమాచారం ప్రకారం డోనాల్డ్ ట్రంప్ హవా కొనసాగుతోంది. కీలకమైన రాష్ట్రాలలో ఓట్ల లెక్కింపు జరుగుతోంది.
అమెరికా అధ్యక్ష ఎన్నికల ఫలితాలు (US Elections) వెలువడుతున్నాయి. ప్రస్తుత ఫలితాల ప్రకారం రిపబ్లికన్ పార్టీ అభ్యర్థి డొనాల్డ్‌ ట్రంప్ (DONALD TRUMP) ఆధిక్యంలో ఉన్నారు. చాలా రాష్ట్రాలలో ఆయన పాపులర్ ఓటుతో పాటు ఎలక్ట్రోరల్ కాలేజీ ఓట్లను సంపాయించారు. ప్రస్తుతం ఆయనకు ఎలక్ట్రోరల్ కాలేజీలో కావాల్సిన 270 ఓట్లలో 214 గెలిచారు. ఆయన ప్రత్యర్థి, డెమోక్రాటిక్ పార్టీ అభ్యర్థి కమలా హారిస్ 153 ఓట్లను గెలిచారు. ఓట్లలో పెద్దగా తేడా లేకపోయినా ఎలక్ట్రోరల్ కాలేజీ (అధ్యక్షుణ్ణి ఎన్నుకునే వారు)లో సీట్లు ట్రంప్ కే ఎక్కువగా ఉన్నాయి. నార్త్ డకోటా, వయోమింగ్‌, సౌత్ డకోటా, నెబ్రాస్కా, ఓక్లహోమా, టెక్సాస్, ఆర్కాన్సాస్‌, లూసియానా, ఇండియానా, కెంటకీ, టెన్నెసీ, మిసిసిపి, ఒహాయో, వెస్ట్‌ వర్జీనియా, అలబామా, సౌత్ కరోలినా, ఫ్లోరిడా.. 17 రాష్ట్రాలను సొంతం చేసుకున్నారు. దీంతో ఆయనకు 178 ఎలక్టోరల్‌ సీట్లు లభించాయి.
ఇక, డెమోక్రటిక్‌ పార్టీ అభ్యర్థి కమలా హారిస్ (KAMALA HARRIS) ప్రస్తుతం 9 రాష్ట్రాలను సొంతం చేసుకున్నారు. ఆమెకు ఇల్లినోయీ, న్యూజెర్సీ, మేరీల్యాండ్‌, వెర్మాంట్‌, న్యూయార్క్, కనెక్టికట్‌, డెలవేర్‌, మసాచుసెట్స్‌, రోడ్ ఐల్యాండ్‌ రాష్ట్రాల్లోని 99 సీట్లు లభించాయి.
అత్యంత కీలకమైన స్వింగ్‌ స్టేట్‌ జార్జియాలో కమలా హారిస్ ఎదురీదుతున్నారు. 2020 ఎన్నికల్లో ఈ రాష్ట్రం డెమోక్రట్లకు 16 ఎలక్టోరల్‌ ఓట్లను తీసుకొచ్చింది. అదే సమయంలో పెన్సిల్వేనియాలో మాత్రం కీలకమైన పిట్స్‌బర్గ్‌, ఫిలడెల్ఫియాలో ఆమె ముందున్నారు. దీంతో తీవ్రమైన ఉత్కంఠ నెలకొంది.
అమెరికా అధ్యక్ష ఎన్నికల పోలింగ్ కొద్దిసేపటి కిందట ముగిసింది. ఓట్ల లెక్కింపు ప్రారంభమైంది. ఇప్పటికి అందిన సమాచారం ప్రకారం అమెరికాలోని 50 రాష్ట్రాలలో ఆరింట రిపబ్లికన్ పార్టీ అభ్యర్థి డోనాల్డ్ ట్రంప్ (DONALD TRUMP) గెలిచారు. ఇండియా కాలమానం ప్రకారం ఈ ఉదయం 7.30 గంటలకు పోలింగ్ ముగిసిన 17 రాష్ట్రాలలో ఓట్ల లెక్కింపు ప్రారంభం కావాల్సి ఉంది. వీటిలో డెమోక్రాటిక్ పార్టీకి అనుకూలమైనవి ఉన్నట్టు చెబుతున్నారు. ఎలక్ట్రోరల్ కాలేజీలోని మొత్తం 540 ఓట్లలో సగం తెచ్చుకున్న అభ్యర్థి అధ్యక్షుడవుతారు. ఈ లెక్కన 270 ఓట్లు కావాల్సి ఉంది. ప్రస్తుత అంచనాల ప్రకారం ట్రంప్ కి ఇప్పటికి 154, కమలా హారిస్ కి 53 వచ్చాయి. ఇవి కేవలం ప్రాధమిక అంచనాలు మాత్రమే. రిపబ్లికన్లకి మొగ్గుచూపే రాష్ట్రాల ఓట్ల లెక్కింపు చేపట్టారు.
సెనేట్ లోని 100 సీట్లలో మెజారిటీ రావాలంటే 50 దాటాలి. ఇప్పటి సమచారం ప్రకారం రిపబ్లికన్లకు 42, డెమోక్రాట్లకు 32 వచ్చాయి. హోస్ లో అంటే పార్లమెంటులో మెజారిటీ రావాలంటే 218 సీట్లు రావాలి. ప్రస్తుత సమాచారం ప్రకారం రిపబ్లికన్లకు 103, డెమోక్రాట్లకు 63 వచ్చాయి.
ఏది ఏమైనా పోటీ హోరాహోరిగా ఉండే సూచనలు కనిపిస్తున్నాయి. వ్యామింగ్, సౌత్ డకోటా, నార్త్ డకోటా, టెక్సాస్ లో ట్రంప్ గెలిచారు. డెమోక్రాట్లకు పట్టున్న ఇల్లినాయిస్, రోడ్ ఐలాండ్ లో కమలా హారిస్ గెలిచారు.
అమెరికా సర్వేలు కమలా హారిస్ (KAMALA HARRIS) వైపు మొగ్గుచూపుతున్నాయి. ప్రముఖ పోలింగ్ సంస్థ ‘ఫైవ్‌ థర్టీ ఎయిట్‌-538’ తన తుది సర్వేను అర్థరాత్రి దాటిన తర్వాత విడుదల చేసినట్లు ఫోర్బ్స్‌ పేర్కొంది. నిన్నటి వరకు ట్రంప్ ఆధిక్యంలో ఉన్న చోట కమలా హారిస్ పుంజుకున్నట్లు ప్రకటించింది. ఇక స్వింగ్‌ స్టేట్స్‌లో పోటీ ఫలితాలను అంచనాలకు అందడం లేదని తెలిపింది.
ఈ సంస్థ అంచనా ప్రకారం కమలా హారిస్ గెలించేందుకు 50.015శాతం, ట్రంప్ కి 49.985 శాతం ఛాన్స్‌ ఉందని పేర్కొంది. న్యూయార్క్ టైమ్స్ కమలా హారిస్ కే ఎక్కువ అవకాశాలు ఉన్నాయని తేల్చిచెప్పింది.
దిహారిస్‌ ఎక్స్‌-ఫోర్బ్స్‌ నిర్వహించిన సర్వేలో కమల ముందంజలో ఉంది. ఆమెకు 49శాతం, ట్రంప్ కి 48 శాతం మంది మద్దతు తెలిపారు.
ఎన్‌బీఎస్‌ న్యూస్‌ తుది పోల్స్‌లో కూడా డెమోక్రట్లు, రిపబ్లికన్ల మధ్య హోరాహోరీ పోరు ఉంటుందని తేల్చింది. ఇద్దరూ 49శాతం ఓట్లతో నిలవనున్నట్లు పేర్కొంది. ఇక యాహూ న్యూస్‌-యూగవ్‌లో కూడా ఇద్దరికీ 47శాతం లభించాయి.
పీబీఎస్‌ న్యూస్‌-ఎన్‌పీఆర్‌-మారిస్ట్‌ సర్వేలో కూడా హారిస్‌కే ఆధిక్యం ఉన్నట్లు పేర్కొంది. కమలా హారిస్ 51శాతం ఓట్లతో ముందంజలో ఉండగా.. ట్రంప్‌నకు 47 శాతం లభించాయి.
మార్నింగ్‌ కన్సల్ట్‌ తుది సర్వే కమలకి 49శాతం, ట్రంప్‌కి 46 శాతం ఓట్లు వస్తాయని లెక్కకట్టింది.
ఎకానమిస్ట్‌-యూగవ్‌ నిర్వహించిన సర్వేలో మాత్రం హారిస్‌కు 3శాతం ఆధిక్యం లభించింది. ఆమెకు 49శాతం.. ట్రంప్‌నకు 47 శాతం లభించాయి.
Earlier Up-dates
అమెరికాలోని 50 రాష్ట్రాలలో ఎన్నికలు ఈ తెల్లవారుజామున ముగియనున్నాయి. బుధవారం ఉదయం 6.30 గంటల నుంచి అన్ని ఛానళ్లు ఎగ్జిట్ పోల్స్ ఇవ్వనున్నాయి. అప్పటి నుంచే ఓట్ల లెక్కింపు ప్రక్రియ కూడా ప్రారంభమవుతుంది. అమెరికన్ ఇటీవలి చరిత్రలో ఇంత పోటాపోటీగా ఎన్నడూ ఎన్నికలు జరగలేదు. వచ్చే నాలుగేళ్లలో అమెరికా దేశ భవిష్యత్, ప్రపంచ రాజకీయాలను నిర్దేశించేవిగా ఈ ఎన్నికలను అభివర్ణిస్తున్నారు.
ఎన్నికల అప్ డేట్స్..
1. రిపబ్లికన్ పార్టీ అభ్యర్థి, మాజీ అధ్యక్షుడు ట్రంప్ (Donald Trump), తన భార్య మిలానియాతో వచ్చి ఫ్లోరిడాలోని పామ్ బీచ్ పోలింగ్ కేంద్రంలో ఓటు వేశారు. ఈసారి ఎన్నికల్లో గత మూడు సార్లు కంటే గొప్ప ప్రచారం జరిగిందన్నారు.
డెమోక్రటిక్‌ నేత కమలా హారిస్ (Kamala Harris) మాత్రం ఇప్పటికే తన ఓటు హక్కు వినియోగించుకున్నారు. సొంత రాష్ట్రమైన కాలిఫోర్నియాలో మెయిల్‌ ద్వారా ఆమె ఓటేశారు.
2. చారిత్రాత్మకమైన ఈ ఎన్నికల్లో ప్రతి ఒక్కరూ ఓటు వేయాలని మాజీ అధ్యక్షుడు, డెమోక్రాటిక్ పార్టీ నాయకుడు బారక్ ఒబామా ఓటర్లకు పిలుపిచ్చారు. ప్రతి ఒక్క ఓటూ ఈసారి విలువైందేనన్నారు.
3.ఈసారి ఎన్నికల్లో పెన్సిల్వేనియా రాష్ట్రం కీలకంగా మారింది. ట్రంప్, హారిస్ హోరాహోరిగా ప్రచారం నిర్వహించారు. కమలా హారిస్ నేరుగా ఇంటింటి ప్రచారాన్ని కూడా చేశారు.
4. కమలాహారిస్ వాషింగ్టన్ డీసీలోని హార్వార్డ్ యూనివర్శిటీలో మకాం వేసి ఎన్నికల ప్రచారాన్ని నిర్వహించారు.
5. జార్జియా రాష్ట్రంలోని రెండు పోలింగ్ కేంద్రాలకు బాంబు బెదిరింపులు రావడంతో కాసేపు పోలింగ్ కి అంతరాయం కలిగింది. రష్యా నుంచి ఈ వదంతులు వ్యాపించినట్టు జార్జియా రాష్ట్ర గవర్నర్ చెప్పారు. ఆ రెండు కేంద్రాలను క్షుణ్ణంగా తనిఖీ చేసిన తర్వాత పోలింగ్ తిరిగి ప్రారంభమైంది.
6. న్యూ హాంప్‌షైర్ కమ్యూనిటీలోని చిన్న ఊరు డిక్స్‌విల్లే నాచ్‌ నుంచి పోలింగ్ పూర్తయింది. ఓట్ల లెక్కింపు కూడా ముగిసింది. కమలాహారిస్, ట్రంప్ కి చేరో మూడు ఓట్లు వచ్చాయి. ఈ ఊళ్లో ఉన్న మొత్తం ఓట్లు ఆరే. అమెరికా ఎన్నికల్లో తొలి ఫలితం ఎప్పుడైనా ఇక్కడి నుంచే వెలువడుతుంది. గత ఎన్నికల్లో బైడెన్ కు నాలుగు ఓట్లు రాగా ఈసారి కమలా హారిస్ మూడు మాత్రమే వచ్చాయి.
7.కంప్యూటర్లు మొరాయించడంతో కాంబ్రియా, పెన్సిల్వేనియాలో ఓటింగ్ వేళలను రాత్రి 10 గంటల (అమెరికన్ టైం) వరకు పొడిగించేందుకు పెన్సిల్వేనియా కోర్టు అనుమతి ఇచ్చింది. సాఫ్ట్‌వేర్ లోపం కారణంగా బ్యాలెట్ స్కానింగ్‌కు అంతరాయం కలిగించింది.
8.జార్జియాలోని గ్విన్నెట్ కౌంటీలో 2020నాటి ఎన్నికలకు మించి ఈసారి పోలింగ్ జరిగినట్టు ఎన్నికల అధికారులు చెప్పారు.
9.మిచిగన్ రాష్ట్రంలో ఈసారి ఓట్ల లెక్కింపు వేగంగా జరుగనుంది. బుధవారం మధ్యాహ్నానికే ఫలితాలను ప్రకటించేలా అధికారులు ఏర్పాటు చేశారు.
10.పెన్సిల్వేనియాలో హారిస్, ఆమె మద్దతు దారులు సుమారు లక్షకు పైగా ఇళ్లకు వెళ్లి డెమోక్రాటిక్ అభ్యర్థికి ఓటు వేయమని అర్థించారు.
11. పోలింగ్ సమయం ముగిసిన రాష్ట్రాలలో ఓట్ల లెక్కింపును ప్రారంభించేందుకు అధికారులు సన్నాహాలు మొదలు పెట్టారు.
Next Story
