మెక్సికో, కెనడాలు మా దేశంలో రాష్ట్రాలుగా చేరండి: డొనాల్డ్ ట్రంప్
సబ్సిడీలు తీసుకుంటున్న దేశాలపై ట్రంప్ ఆగ్రహం
అమెరికాకు కాబోయే అధ్యక్షుడు డోనాల్డ్ ట్రంప్ మరోసారి సబ్సిడీలను తీసుకుంటున్న తన పొరుగు దేశాలపై ఆగ్రహం వ్యక్తం చేశారు. ప్రతి సంవత్సరం కెనడాకు 100 బిలియన్ డాలర్లు, మెక్సికోలకు 300 బిలియన్ డాలర్లు సబ్సిడీ తీసుకుంటున్నారని, ఇలా సబ్సిడీలు తీసుకునే బదులుగా అమెరికాలోని రాష్ట్రాలుగా మారాలని అన్నారు. ఇంతకుముందు కెనడా, మెక్సికోలపై ట్రంప్ ఆగ్రహం వ్యక్తం చేశారు. తమ భూభాగాల ద్వారా అమెరికాలోకి అక్రమ వలసలు ఆపకపోతే రెండు దేశాలపై భారీ స్థాయిలో సుంకాలు విధిస్తామని బెదిరించారు.
"మేము కెనడాకు సంవత్సరానికి USD 100 బిలియన్లకు పైగా సబ్సిడీ ఇస్తున్నాము. అలాగే మెక్సికోకు దాదాపు USD 300 బిలియన్లకు సబ్సిడీ ఇస్తున్నాము. మనం సబ్సిడీ ఇవ్వకూడదు. మనం ఈ దేశాలకు ఎందుకు సబ్సిడీ ఇస్తున్నాం? మేము వారికి సబ్సిడీ ఇవ్వబోతున్నట్లయితే, వారు మనలోని ఒక రాష్ట్రంగా మారనివ్వండి (అమెరికా) ”అని ట్రంప్ NBC న్యూస్‌కి ఇచ్చిన ఇంటర్వ్యూలో చెప్పారు. ఆయన అధ్యక్షుడిగా ఎన్నికైన తరువాత తొలిసారిగా టీవీ ఇంటర్వ్యూల్లో పాల్గొన్నారు.
"మేము మెక్సికోకు,కెనడాకు సబ్సిడీ ఇస్తున్నాము అలాగే ప్రపంచవ్యాప్తంగా అనేక దేశాలకు సబ్సిడీ ఇస్తున్నాము. నేను చేయాలనుకుంటున్నది ఒక స్థాయి, వేగవంతమైన, కానీ సరసమైన బిజినెస్ చేయడమే ”అని ట్రంప్ బలంగా చెప్పాడు. టారిఫ్‌లు USకు ఖర్చు అవుతాయని, సాధారణ వస్తువుల ధరను పెంచుతుందని, తద్వారా సామాన్య ప్రజలపై ఒత్తిడిని పెంచుతుందని కొంతమంది అమెరికన్ CEO లు చేస్తున్న వాదనలను ట్రంప్ ఖండించారు.
"వారు అమెరికన్లకు ఏమీ ఖర్చు చేయరు. కానీ గొప్ప ఆర్థిక వ్యవస్థను అందించారు. వారు మరొక సమస్యను కూడా పరిష్కరిస్తారు. టారిఫ్ లలో యుద్ధాన్ని ఆపివేస్తాను’’ ట్రంప్ కచ్చితంగా చెప్పేశారు. దేశాన్ని బాగు చేయడానికి వీలైనంత మేర అన్ని మార్గాలను వాడుతానని అన్నారు.
“ కానీ టారిఫ్ ల వల్ల ఈ దేశానికి ఏమీ ఖర్చు కాలేదు. ఇది ఈ దేశానికి డబ్బు సంపాదించింది. చివరగా మేము కోవిడ్‌తో పోరాడవలసి ఉన్నందున చాలా ప్రణాళికలను అమలు చేయలేకపోయాం. నేను బైడెన్ పాలన పగ్గాలు అప్పగించినప్పుడు స్టాక్ మార్కెట్ చాలా బలంగా ఉండేది. సుంకాలు బలంగా వినియోగించినట్లు అయితే ఆర్థిక శాస్త్రానికి అవసరమైన బలమైన సాధనంగా ఉపయోగించవచ్చని’’ అని ట్రంప్ చెప్పారు.
సుంకాల గురించి ఇంతకుముందే మెక్సికో, కెనడా అధినేతలతో చర్చించినట్లు చెప్పారు. దీనికి ప్రధాన కారణంగా అక్రమ వలసలు అని చెప్పినట్లు, కానీ పని జరిగే అవకాశం కల్పించకపోతే 25 శాతం సుంకం విధిస్తామని హెచ్చరించారు.
Next Story
