అమ్మో... అనంతపురం అర్బన్ ఎమ్మెల్యే!

దగ్గుపాటి వెంకటేశ్వర ప్రసాద్‌పై ఆరోపణలు

అనంతపురం ఎమ్మెల్యే దగ్గుపాటి వెంకటేశ్వర ప్రసాద్‌పై భూ కబ్జాలు, మద్యం దందాలు, బెదిరింపులు వంటి ఆరోపణలు ఉన్నాయి. ఇవి ఎన్నికల్లో భారీ ఖర్చులు చేసి అధికారంలోకి వచ్చిన తర్వాత మరింత తీవ్రమయ్యాయని విమర్శలు ఉన్నాయి. క్రింద ఒక్కో ఆరోపణపై వివరంగా చూద్దాం. ఈ సమాచారం వార్తా కథనాలు, సోషల్ మీడియా పోస్టులు మరియు ఇతర మూలాల నుంచి సేకరించినది. ఎమ్మెల్యే ఈ ఆరోపణలను ఖండించారు.

వైన్ షాపుకు నిప్పు పెట్టిన ఎమ్మెల్యే అనుచరులు
ఇటీవల అనంతపురం పట్టణంలోని నంబూరి వైన్స్ షాపుకు ఎమ్మెల్యే అనుచరులు నిప్పుపెట్టి కాల్చేసిన ఘటన పెద్ద దుమారమే రేపింది. వైన్స్ నిర్వాహకుడు నంబూరి రమణ మంగళగిరిలోని తెలుగుదేశం పార్టీ కేంద్ర కార్యాలయంలో మంత్రి సవితకు ఫిర్యాదు చేశారు. డబ్బు ఇవ్వనందుకు ఈ దాడి జరిగిందని ఆరోపణలు వచ్చాయి. ఈ ఘటన ప్రజల్లో భయాందోళనలు సృష్టిస్తోంది. ఎందుకంటే ఇది కేవలం ఒక్క వైన్స్ షాపుతోనే సరిపోలేదు. టీ షాపులు, చిన్న వ్యాపారాల నుంచి కూడా లక్షల రూపాయలు వసూలు చేస్తున్నారనే ఆరోపణలు ఉన్నాయి. డబ్బు ఇవ్వని వారి షాపులను తగలబెట్టడం వంటి దౌర్జన్యాలకు పాల్పడుతున్నారని పలు ఫిర్యాదులు వస్తున్నాయి.

భూ కబ్జాలు (Land Grabs)

ఎమ్మెల్యే దగ్గుపాటి మూడు ల్యాండ్ సెటిల్‌మెంట్లు చేస్తూ భూములను కబ్జా చేస్తున్నారని ఆరోపణలు ఉన్నాయి. భూములను డబుల్ రిజిస్ట్రేషన్ చేయడం ద్వారా అక్రమాలు జరుగుతున్నాయని సమాచారం. శారదనగర్‌లో కనకదుర్గ అనే ఒక మహిళ రాజమండ్రిలో యాక్సిడెంట్ లో చనిపోయారు. ఆమె సునయా అనే మహిళకు జరరల్ పవరాప్ అటార్నీ చనిపోక ముందు ఇచ్చారు. అయితే కనకదుర్గ చనిపోయిన తరువాత సునయ సంతకాలు ఫోర్జరీ డాక్యుమెంట్ల ద్వారా సృష్టించి ఆమె నుంచి శేఖర్ అనే వ్యక్తికి జీపీఏ చేసి ఆయన ద్వారా ఎమ్మెల్యే తన అనుచరుల పేరుతో రిజిస్ట్రేషన్ చేయించుకున్నారు. ఈ భూమి విలువ సుమారు మూడు కోట్లు. అయితే దీనిపై ఫిర్యాదులు రావడంతో పట్ట రిజిస్ట్రేషన్ ను రద్దు చేయించారు. అలాగే బుడగ జంగాల ప్రజల భూములు, వీరశైవ లింగాయత్ చైర్మన్ స్వప్న కుటుంబీలకు చెందిన నారాయణపురంలోని స్థలం కబ్జా చేసినట్లు స్వప్న పోలీసులకు ఫిర్యాదు చేశారు.

సంగమేష్ నగర్ లో అరటికాయల మండీ నిర్వాహకునిపై ఎమ్మెల్యే అనుచరులు దాడి చేశారు. దీంతో ఆయన పోలీసులకు ఫిర్యాదు చేశారు. కేసు నమోదైంది. అనంతపురంలోని సాయినాథ్ అనే వ్యక్తిపై దాడిచేసి ఆయనకు చెందిన 3.5 ఎకరాల భూమిని కబ్జా చేసేందుకు ప్రయత్నించగా ఆయన పోలీసులకు ఫిర్యాదు చేశారు. దీంతో వారిపై కేసు నమోదైంది.

సీపీఐ నాయకులు ఈ కబ్జాలు శృతిమించాయని మండిపడ్డారు. ఎమ్మెల్యే సీటు కోసం రూ. 30 కోట్లు, ఓట్ల కోసం రూ. 40 కోట్లు ఖర్చు చేసి, ఇప్పుడు ఈ దందాలతో నష్టాలు భర్తీ చేసుకుంటున్నారని ఆరోపించారు. అయితే ఈ ఆరోపణలపై ఎమ్మెల్యే నుంచి స్పష్టమైన స్పందన లేదు. రాజకీయ ప్రత్యర్థులు ఈ విషయాలను ప్రస్తావిస్తున్నారు.

బెదిరింపులు, అరాచకాలు (Threats and Rowdyism)

ఆరు బెదిరింపు ఘటనలు జరిగాయని విమర్శలు. ఆస్రా హాస్పిటల్ యజమానుల ఫిర్యాదు. బూతులతో (obscene language) రెచ్చిపోయారని ఆరోపణ. సప్తగిరి సర్కిల్‌లోని హోటల్ నిర్వాహకులను బెదిరించడం, ఆస్తులు కబ్జా ప్రయత్నాలు చేశారనే ఆరోపణలు.

అనంతపురంలో ఎగ్జిబిషన్ నిర్వాహకుడు పక్రుద్దీన్ నుంచి రూ. 10 లక్షలు డిమాండ్ చేశారు. దీంతో ఆయన పోలీసులను ఆశ్రయించారు. ఈయన కూడా తెలుగుదేశం పార్టీకి చెందిన వారు కావడం విశేషం. ఎగ్జిబిషన్ నిర్వాహకుడిని బెదిరించేందుకు నలుగురు వ్యక్తులతో కలిసి ఎమ్మెల్యే గన్ మెన్ షేక్షా వెళ్లారని ఫిర్యాదు రావడంతో స్పందించిన జిల్లా ఎస్పీ విచారించి గన్ మెన్ షెక్షా ను సస్పెండ్ చేశారు. ఈ దాడి కేసులో నలుగురు వ్యక్తులతో పాటు గన్ మెన్ పై క్రిమినల్ కేసు నమోదైంది.

జూనియర్ ఎన్టీఆర్ (Jr NTR) వివాదం

ఎమ్మెల్యే ఆడియో క్లిప్‌లో జూనియర్ ఎన్టీఆర్, అతని తల్లిని అసభ్యంగా తిట్టారని, 'War 2' సినిమా స్క్రీనింగ్‌ను ఆపేస్తానని బెదిరించారని ఆరోపణలు. దీనిపై జూనియర్ ఎన్టీఆర్ అభిమానులు ఎమ్మెల్యే ఇంటి ముందు నిరసనలు చేపట్టారు. ఫ్లెక్సీలు చించివేశారు. పోలీసులు లాఠీచార్జ్ చేశారు. ఎమ్మెల్యే ఈ ఆడియో ఫేక్ అని, కుట్ర అని ఖండించారు. అభిమానులకు క్షమాపణలు చెప్పారు.

ధనుంజయ నాయుడు కు(Jr NTR అభిమాని, TNSF ప్రెసిడెంట్) బెదిరింపులు: ఎమ్మెల్యే, అతని అనుచరులు తనను బెదిరిస్తున్నారని ధనుంజయ ఆరోపించారు. ఇది ఆడియో లీక్ తర్వాత జరిగినది. ఎమ్మెల్యే అసభ్య వ్యాఖ్యలపై మహిళలు నిరసన తెలిపారు.

దగ్గుపాటి వెంకటేశ్వర ప్రసాద్ మొదటిసారి ఎమ్మెల్యేగా గెలిచారు. ఈయన రియల్ ఎస్టేట్ వ్యాపారి. పశువుల మందుల తయారీ, అమ్మకం వ్యాపారాల్లో ఉన్నారు. హైదరాబాద్ కేంద్రంగా వ్యాపారాలు చేస్తుంటారు.

సీపీఐ నాయకులు ఎస్పీ కార్యాలయం ముందు ధర్నా చేపట్టి సీఎం చంద్రబాబు, డిప్యూటీ సీఎం పవన్ కల్యాణ్, మంత్రి నారా లోకేష్ స్పందించాలని డిమాండ్ చేశారు. ఇలాంటివి కొనసాగితే అఖిలపక్ష సమావేశం నిర్వహించి ఉద్యమం చేపడతామని హెచ్చరించారు. ఈ ఆరోపణలు ధృవీకరణ కోసం పోలీసు దర్యాప్తు అవసరం, రాజకీయ దృక్కోణాలు భిన్నంగా ఉన్నాయి.