మోదీజీ.. మా విషయంలో మీరు చూపిన శ్రద్ధ అమోఘం: ఖతార్ నుంచి విడుదలైన..

భారత నేవీకి చెందిన ఎనిమిది మంది రిటైర్డ్ అధికారులు ఖతార్ లో నిర్వహిస్తున్న ఓ సెక్యూరిటీ కంపెనీలో పనిచేయడానికి వెళ్లారు. ఈ కంపెనీ ఖతార్ నేవికి సబ్ మెరైన్లను అందించేది. అయితే వీటికి సంబంధించిన కీలక సమాచారాన్ని భారత నేవీ అధికారులు తమ శత్రు దేశమైన ఇజ్రాయెల్ కు అందించారని వారిని ఆ దేశం అరెస్ట్ చేసి నిర్భంధించింది. అంతేకాకుండా అక్కడి కోర్టు వీరికి మరణ శిక్ష విధించింది. ఈ సంఘటనతో దేశం మొత్తం ఉలిక్కిపడింది.

వెంటనే భారత ప్రభుత్వం దౌత్య మార్గాల్లో రంగంలోకి దిగింది. కొన్ని ప్రత్యేక బృందాలు అమెరికా, ఫ్రాన్స్, రష్యా అధికారులతో మాట్లాడుతుండగానే, మరికొన్ని బృందాలు ఖతార్ అధికారులతో చర్చలు ప్రారంభించాయి. మొదట భారత ప్రభుత్వ చొరవతో ఉరిశిక్షను ఆపిన ఖతార్.. చివరకు ఉరిశిక్ష పడిన మాజీ నేవీ అధికారులను బేషరతుగా విడిచిపెట్టింది. మొదట అరెస్ట్ అయిన అధికారుల వివరాలు సైతం ఇవ్వడానికి నిరాకరించిన అక్కడి ప్రభుత్వం చివరకు విడిచిపెట్టడం గమనార్హం.

ఖతార్ కు తప్పుడు సమాచారం అందించి భారత నేవీ అధికారులు అరెస్ట్ చేయించారని అంతర్జాతీయవర్గాల సమాచారం. అయితే దౌత్య మార్గాల్లో వీరిని భారత సురక్షితంగా రక్షించగలిగింది. ఈ సంఘటన జరిగిన సమయంలో మోదీ ఎక్కడా బహిరంగ వ్యాఖ్యలు చేయకుండా నిశ్శబ్దంగా తన పని తాను చేసుకుపోయారు.