ప్రాణాలు తీస్తున్న పిడుగులు

ఆంధ్రప్రదేశ్ రాష్ట్రవ్యాప్తంగా సోమవారం వాతావరణం ఒక్కసారిగా బీభత్సంగా మారింది. ఉరుములు, మెరుపులతో కూడిన వర్షం కురిసిన సమయంలో వేర్వేరు ప్రాంతాల్లో పిడుగులు పడి ఎనిమిది మంది మృత్యువాత పడ్డారు. ఈ ప్రమాదాల్లో మరో ఎనిమిది మంది తీవ్రంగా గాయపడి ఆసుపత్రుల్లో చికిత్స పొందుతున్నారు. మృతులలో పొలాల్లో పని చేసుకునే రైతు కూలీలు, పశువుల వ్యాపారులు, ఉపాధి కోసం ఇతర రాష్ట్రాల నుంచి వచ్చిన వలస కార్మికులు ఉండటం గమనార్హం. ముఖ్యంగా ఉమ్మడి ప్రకాశం జిల్లాలో పిడుగుల ధాటికి ఆరుగురు ప్రాణాలు కోల్పోగా, పార్వతీపురం మన్యం జిల్లాలో ఇద్దరు కూలీలు దుర్మరణం పాలయ్యారు.