ఏపీలో అంతర్జాతీయ స్థాయి థీమ్ పార్క్ లు

ఏపీలో ప్రస్తుతం ఉన్న కొన్ని ప్రముఖ అమ్యూజ్‌మెంట్ మరియు వాటర్ పార్కులు ఉన్నాయి, అవి స్థానిక స్థాయిలో మంచి వినోదాన్ని అందిస్తాయి కానీ అంతర్జాతీయ ప్రమాణాలకు చేరుకోలేదు. ఇక్కడ కొన్ని టాప్ పార్కుల

ఈ పార్కులు స్థానిక పర్యాటకాన్ని ప్రోత్సహిస్తాయి. కుటుంబాలు, యువతకు మంచి వినోదం అందిస్తాయి. అంతర్జాతీయ స్థాయి పార్కుల ఏర్పాటుతో ఏపీ పర్యాటక రంగం మరింత బలోపేతమవుతుందని అంచనా.

పర్యాటక రంగానికి పారిశ్రామిక హోదా ఉంది

ఏపీ పర్యాటక రంగానికి పారిశ్రామిక హోదా ఉంది. నూతన పర్యాటక పాలసీ 2024-29 ద్వారా ఇన్వెస్టర్లకు రాయితీలు కల్పిస్తున్నాం అని ఆంధ్రప్రదేశ్ పర్యాటక మంత్రి కందుల దుర్గేష్ అన్నారు. అమ్యూజ్‌మెంట్, థీమ్, వాటర్ పార్కులు, అడ్వెంచర్ జోన్ల ఏర్పాటుకు పెట్టుబడిదారులను ఆహ్వానిస్తున్నాం. అంతర్జాతీయ స్థాయి థీమ్ పార్కులు, వాటర్ ఫ్రంట్ అట్రాక్షన్స్, అడ్వెంచర్ జోన్లకు ఏపీలో అపారమైన అవకాశాలు ఉన్నాయి అని వెల్లడించారు. వినోద రంగాన్ని అభివృద్ధి చేయడానికి అనువైన వాతావరణం ఉంది. విమానాశ్రయాల విస్తరణ, మెరుగైన రవాణా సౌకర్యాలు, పెరుగుతున్న పట్టణీకరణ ఏపీని పెట్టుబడులకు అత్యంత అనువైన ప్రాంతంగా మార్చాయని మంత్రి వివరించారు.

ముంబయి పర్యటనలో 24వ ఇండియన్ అసోసియేషన్ ఆఫ్ అమ్యూజ్‌మెంట్ పార్క్స్ అండ్ ఇండస్ట్రీస్ (ఐఏఏపీఐ) ఎక్స్‌పోలో ముఖ్య అతిథిగా మంత్రి దుర్గేష్ పాల్గొన్నారు. ఈ సందర్భంగా ఆయన ఏపీ పర్యాటక రంగాన్ని బలోపేతం చేసేందుకు చేపడుతున్న చర్యలను వివరిస్తూ పెట్టుబడిదారులకు ఆకర్షణీయమైన రాయితీలు, అవకాశాలను ప్రకటించారు. సుదీర్ఘ తీరప్రాంతం, గొప్ప సాంస్కృతిక వారసత్వం కలిగిన ఏపీని పర్యాటకుల గమ్యస్థానంగా తీర్చిదిద్దేందుకు కూటమి ప్రభుత్వం కట్టుబడి ఉందని ఆయన తెలిపారు.

సీఎం చంద్రబాబు నాయుడు, డిప్యూటీ సీఎం పవన్ కళ్యాణ్ దార్శనికతతో 'స్వర్ణాంధ్ర పర్యాటక విజన్ 2047'ని రూపొందించామని మంత్రి తెలిపారు. "హోటళ్లు, థీమ్ పార్కులు, రిసార్టుల కోసం భూ కేటాయింపు ప్రక్రియను సరళతరం చేస్తూ దేశంలోనే మొదటిసారిగా ఈ విధానాన్ని తెచ్చాం. రూ.50 కోట్ల కంటే ఎక్కువ పెట్టుబడి పెట్టే వారికి ఎస్ఐపీబీ ద్వారా భూ కేటాయింపులు జరుగుతాయి" అని ఆయన పేర్కొన్నారు. గత ఏడాది కాలంలోనే 102 ఒప్పందాల ద్వారా రూ.18,448 కోట్ల పర్యాటక పెట్టుబడులను ఆకర్షించామని వివరించారు.

అమరావతి, విశాఖపట్నం, తిరుపతి నగరాలలో భారీ మెగా అమ్యూజ్‌మెంట్ పార్కుల పెట్టుబడుల కోసం ఆహ్వానిస్తున్నామని మంత్రి దుర్గేష్ తెలిపారు. "అమరావతి గ్రీన్ ఫీల్డ్ రాజధానిగా అద్భుతమైన అవకాశం కలిగి ఉంది. విశాఖపట్నం ప్రీమియర్ కోస్టల్ టూరిజం హబ్‌గా అభివృద్ధి చెందుతోంది. తిరుపతి భారీ సంఖ్యలో వచ్చే భక్తుల కారణంగా ఫ్యామిలీ ఎంటర్‌టైన్‌మెంట్‌కు అత్యంత అనువైన ప్రాంతం" అని ఆయన వివరించారు. చిన్న తరహా అమ్యూజ్‌మెంట్ పార్కులు టైర్-2, టైర్-3 నగరాల్లో ప్రజల వినోద అవసరాలను తీర్చడానికి గొప్ప అవకాశాలు ఉన్నాయని, ఇవి తక్కువ పెట్టుబడితో త్వరితగతిన రాబడిని అందిస్తాయని ఆయన విశ్వసిస్తున్నట్టు తెలిపారు.

"ఏపీ పర్యాటక రంగం ఒక కొత్త శకంలోకి ప్రవేశిస్తోంది. మా కూటమి ప్రభుత్వ సంస్కరణలు, మౌలిక సదుపాయాలు, పెట్టుబడిదారుల అనుకూల విధానాలు మీ విజయానికి బాటలు వేస్తాయి" అని ఇన్వెస్టర్లకు పిలుపునిచ్చారు. వినోద రంగంలో నూతన ఆవిష్కరణలు చేసేందుకు, వేల సంఖ్యలో ఉద్యోగాలను సృష్టించేందుకు మా రాష్ట్రం మీకు అండగా ఉంటుందని హామీ ఇచ్చారు. "రేపటి ఉజ్వల పర్యాటక భవిష్యత్తును నిర్మించడంలో మాతో భాగస్వాములు కావాలని మీ అందరినీ ఆహ్వానిస్తున్నాను" అని మంత్రి కోరారు.

సృజనాత్మకతకు, ఇంజనీరింగ్ నైపుణ్యానికి నిదర్శనమైన ఈ ప్రతిష్టాత్మక సదస్సులో పాల్గొనడం తన అదృష్టమని మంత్రి దుర్గేష్ అన్నారు. వినోద రంగాన్ని అంతర్జాతీయ స్థాయికి తీసుకెళ్తున్న దార్శనికులకు ఇది అద్భుతమైన వేదిక అని పేర్కొన్నారు. ఏపీలో అంతర్జాతీయ స్థాయి థీమ్ పార్కుల ఏర్పాటుకు కూటమి ప్రభుత్వం సిద్ధంగా ఉందని, పర్యాటక ప్రాంతాల్లో అంతర్జాతీయ మౌలిక వసతులు ఏర్పాటుకు చర్యలు తీసుకుంటున్నామని వెల్లడించారు.

ఆధునిక పర్యాటక రంగంలో అమ్యూజ్‌మెంట్, థీమ్ పార్కులు కీలక స్తంభాలుగా ఎదిగాయని మంత్రి అన్నారు. "నేటి కాలంలో కుటుంబాలు వినూత్న అనుభూతుల కోసం, యువత సాహస క్రీడల కోసం ఎదురుచూస్తున్నారు" అని తెలిపారు. ఐఏఏపీఐ గత కొన్ని దశాబ్దాలుగా భద్రతా ప్రమాణాలు, వృత్తిపరమైన శిక్షణ, ఆవిష్కరణలలో అగ్రగామిగా ఉంటూ ఈ రంగాన్ని ముందుకు నడిపిస్తోందని కొనియాడారు.

భారతదేశంలో అమ్యూజ్‌మెంట్ రంగం ఏటా 15 శాతం వృద్ధిని నమోదు చేస్తోందని, 2030 నాటికి ఇది రూ.25,000 కోట్లకు చేరుకుంటుందని అంచనా వేస్తున్నట్టు మంత్రి తెలిపారు. ప్రస్తుతం దేశంలో సుమారు 300 అమ్యూజ్‌మెంట్ పార్కులు, 2,500 ఇండోర్ సెంటర్లు ఉన్నాయని వివరించారు. "ఏపీ పర్యాటకంలో పెట్టుబడులు పెట్టండి... భరోసా కల్పించే బాధ్యత మాది" అని ముంబయి వేదికగా ఇన్వెస్టర్లకు మంత్రి దుర్గేష్ ఆహ్వానం పలికారు.