‘కుక్కల మెస్సయ్య.. నాలుగు సార్లు ప్రేమలో’ రతన్ టాటా సీక్రెట్స్..

అతను కేవలం 10 సంవత్సరాల వయస్సులో ఉన్నప్పుడు అతని తల్లిదండ్రులు (1948లో) విడిపోయారు. అప్పటి నుంచి రతన్ టాటా అమ్మమ్మ నవాజ్‌బాయి టాటా వద్ద పెరిగారు. అతని ప్రాథమిక విద్య ముంబై, సిమ్లాలో జరిగింది. తరువాత 1955లో న్యూయార్క్‌లోని ఒక పాఠశాల నుంచి పట్టభద్రుడయ్యాడు. తర్వాత అతను కార్నెల్ విశ్వవిద్యాలయంలో ఆర్కిటెక్చర్‌లో డిగ్రీని పూర్తి చేసి తరువాత హార్వర్డ్ బిజినెస్ స్కూల్ నుంచి బిజినెస్ మేనేజ్‌మెంట్ డిగ్రీని పొందాడు.

టాటా పెళ్లి చేసుకోలేదన్న సంగతి అందరికీ తెలిసిందే. అయితే అతను నాలుగు సార్లు ప్రేమలో పడ్డాడని, ప్రేమలన్నీపెళ్లికి చాలా దగ్గరగా వచ్చాయని తెలిస్తే చాలా మంది ఆశ్చర్యపోతారు. CNN కి ఆయన ఇచ్చిన ప్రత్యేక ఇంటర్వ్యూలో.. USలో పని చేస్తున్నప్పుడు ‘సీరియస్ వన్’ అని పిలిచే ఒక అమ్మాయితో మొదటిసారి ప్రేమలో పడినట్లు వెల్లడించాడు. ఆయన అమెరికా నుంచి తిరిగి ఇండియాకు వచ్చే సమయం ఆసన్నమైంది. అదే సమయంలో భారత్- చైనా యుద్దం జరిగింది. దానితో ఆ అమ్మాయి తల్లిదండ్రులు ఆమెను ఇండియాకు పంపడానికి అంగీకరించలేదు. ఇలా మొదటి సారి అలా ప్రేమ విఫలమైంది.

తన ప్రేమ, పెళ్లికి దగ్గరగా వచ్చిన ప్రతిసారీ, భయం లేదా ఇతర కారణాల వల్ల వెనక్కి తగ్గానని వెల్లడించారు. ఒక్కో సందర్భం ఒక్కో విధంగా ఉంటుందని చెప్పారు. అతను కూడా తిరిగి చూస్తే, అతను కలిసిన వ్యక్తుల కారణంగా వివాహం చేసుకోకపోవడం చాలా మంచి విషయమని టాటా అంగీకరించాడు. వివాహం జరిగితే అది మరింత క్లిష్టంగా మారేదని ఆయన అన్నారు.

దేశం గర్వించదగ్గ పారిశ్రామికవేత్త దాతృత్వ ప్రయోజనాల కోసం సంవత్సరాలుగా బిలియన్ల కొద్ది డాలర్లను విరాళంగా ఇచ్చారు. కానీ ఎక్కడా ప్రచారానికి ప్రాధాన్యం ఇవ్వలేదు. అతను $300 బిలియన్లకు పైగా విలువైన వ్యాపార సామ్రాజ్యానికి అధ్యక్షత వహించినప్పటికీ, టాటా బిలియనీర్ కాదు. అతను తన డబ్బును సమాజం కోసమే విరాళం ఇచ్చాడు.

టాటా ఒక శిక్షణ పొందిన పైలట్, ఒకసారి విమానం నడుపుతున్న సమయంలో గాలిలో ఇంజిన్ ఫెయిల్ అయింది. ఇలాంటి క్లిష్ట సందర్భంలో కూడా దాన్ని సురక్షితంగా ల్యాండ్ చేసి తన సహచర విద్యార్థుల ప్రాణాలు రక్షించాడు. 2007లో ఎఫ్-16 ఫాల్కన్ యుద్ధ విమానాన్ని నడిపిన తొలి భారతీయుడు కూడా రతన్ టాటానే.

టాటాకు శునకాలంటే విపరీతమైన ప్రేమ. ఈ ప్రేమ ఎంత ఉందంటే 2018లో పెంపుడు జంతువు తీవ్ర అనారోగ్యానికి గురైంది. ఇదే సమయంలో ప్రిన్స్ చార్లెస్, టాటా చేసిన అసాధారణ దాతృత్వానికి జీవిత కాల సాఫల్య పురస్కారాన్ని అందుకోవడానికి లండన్ ఆహ్వనం పంపారు. అయితే శునకం అనారోగ్యం కారణంగా ఆయన పర్యటన రద్దు చేసుకున్నారు.

అలాగే వీధి కుక్కలకు ఇల్లు ఇచ్చాడు. ముంబైలోని టాటా హెడ్ ఆఫీస్ అయిన బాంబే హౌస్‌లో వీధికుక్కలకు ఆశ్రయం ఇచ్చాడు. వాటి బాగోగులు చూసుకోవడానికి సిబ్బందిని నియమించాడు. బాంబే హౌస్, తాజ్ మహల్ ప్యాలెస్ హోటల్‌తో సహా అన్ని టాటా కార్యాలయాలలో వీధి కుక్కలన్నింటికీ ఆశ్రయం ఉంటుంది. వాటిని అక్కడ నుంచి తరిమేయడం అనేది ఉండదు.

టాటా ఆర్ట్‌లో ఆసక్తిగల వ్యక్తి. అతని సేకరణలో పెయింటింగ్స్, ఛాయాచిత్రాలు, శిల్పాలు ఉన్నాయి. అతని అభిమాన కళాకారులలో కొందరు MF హుస్సేన్, అంజోలీ ఎలా మీనన్, జహంగీర్ సబావాలా, SH రజా వంటి వారు ఉన్నారు. అతనికి కార్లు - మోటార్ సైకిళ్లపై కూడా మక్కువ ఉండేది. అతని ఆటోమొబైల్ సేకరణలో రాయల్ ఎన్‌ఫీల్డ్ బుల్లెట్, మెర్సిడెస్-బెంజ్ 500 SL, ఫెరారీ కాలిఫోర్నియా వంటి పాతకాలపు, ఆధునిక వాహనాలు ఉన్నాయి.

26/11 ముంబయిలో జరిగిన ఉగ్రదాడుల సమయంలో తాజ్ హోటల్‌లో టెర్రరిస్టులు చొరబడి భీభత్సం సృష్టించారు. అప్పటికి ఆయనే టాటా గ్రూప్ చైర్మన్. అప్పటికి 70 ఏళ్ల వయస్సు అయినప్పటికీ తన ఉద్యోగుల భద్రత కోసం ఆయన హోటల్ బయటే వేచి ఉన్నారు. తాజ్ హోటల్‌లో మరణించిన ప్రతి బాధితుడి ఇళ్లను వ్యక్తిగతంగా సందర్శించి, వారి కుటుంబాలకు అవసరమైన సహాయం అందేలా చూశారు. ఒక నెలలోనే, డిసెంబర్ 2008లో, విపత్తులు సంభవించినప్పుడు మానవతా సహాయం అందించడానికి టాటా గ్రూప్ తాజ్ పబ్లిక్ సర్వీస్ వెల్ఫేర్ ట్రస్ట్‌ని స్థాపించింది.

IBM నుంచి వచ్చిన ఆకర్షణీయమైన జాబ్ ఆఫర్‌ను తిరస్కరించిన రతన్ బదులుగా టాటా గ్రూప్‌లో పని చేయడం ప్రారంభించాడు. అతను కింది స్థాయి ఉద్యోగిగా జీవితం ప్రారంభించాడు. బ్లాస్ట్ ఫర్నేస్, సున్నపురాయి డంప్‌ను నిర్వహించాడు. మెల్లగా మరిన్ని బాధ్యతలను స్వీకరించాడు. చివరకు 1991లో టాటా గ్రూప్‌కు అధిపతి అయ్యాడు. వ్యాపార సామ్రాజ్యాన్ని ముందుకు తీసుకెళ్లడంలో, సామాన్యులకు కారు అందించడం, ప్రధాన వ్యాపార సముహాలలో ఒకదానిగా మలచడంలో కీలకపాత్ర పోషించాడు.