సీఎస్‌ను నాలుగు రోజులు జైల్లో ఉంచితే అందరూ దార్లోకి వస్తారు

కోర్టు ఆదేశాలను బేఖాతరు చేస్తున్న ప్రభుత్వ అధికారుల తీరుపై ఆంధ్రప్రదేశ్ హైకోర్టు బుధవారం చరిత్రలో నిలిచిపోయే రీతిలో నిప్పులు చెరిగింది. ప్రజలకు, కక్షిదారులకు న్యాయం చేయలేనప్పుడు ఇక న్యాయస్థానాలు ఎందుకని, కోర్టులను మూసివేయడం మంచిదని అత్యున్నత ధర్మాసనం అత్యంత ఘాటుగా వ్యాఖ్యానించింది. ప్రభుత్వ ప్రధాన కార్యదర్శి (సీఎస్) విజయానంద్‌ను నాలుగు రోజులు జైల్లో ఉంచితేనే అధికారులందరూ దార్లోకి వస్తారని జస్టిస్ బట్టు దేవానంద్, జస్టిస్ అవధానం హరిహరనాథ శర్మల ధర్మాసనం అభిప్రాయపడింది.