నువ్వు లేకుండా మేమెట్లా బతకాలయ్యా

ఈ ప్రమాదం వెనుక ఉన్న కుటుంబ నేపథ్యం అందరినీ కంటతడి పెట్టిస్తోంది. జగపతిబాబు తండ్రి ముక్కంటి, తల్లి వెంకటరావమ్మ, మరియు తోడబుట్టిన చెల్లెలు ఇదివరకే చనిపోయారు. రోడ్డు ప్రమాదాల్లోనే వీారంతా ప్రాణాలు కోల్పోయారు. ఆ వంశంలో మిగిలిన ఏకైక వారసుడు జగపతిబాబే. ఇప్పుడు జగపతిబాబు కూడా రోడ్డు ప్రమాదంలో మృతి చెందడంతో, ఆ కుటుంబం నామరూపాలు లేకుండా పోయినట్లయింది.

ఈ పసిబిడ్డలను నేనెట్లా సాకాలి

ప్రమాద వార్త తెలిసి ఆసుపత్రికి చేరుకున్న భార్య రవళి ఆర్తనాదాలు చూపర్లను కలిచివేశాయి. "నీకోసం ఎదురుచూస్తున్న మమ్మల్ని అనాథలను చేసి ఎక్కడికి వెపోయావయ్యా.. ఈ పసిబిడ్డలను నేనెట్లా సాకాలి?" అంటూ ఆమె గుండెలు పగిలేలా రోదించిన తీరు ఆసుపత్రి ప్రాంగణాన్ని కన్నీటి సముద్రం చేసింది. తండ్రికి ఏమైందో తెలియక, నిశ్చేష్టంగా చూస్తున్న మూడేళ్ల సాత్విక్, ఏడాది హేమశ్రీలను చూసి అక్కడున్న వారంతా కన్నీరు మున్నీరయ్యారు.

పోలీసు దర్యాప్తు

సంఘటన స్థలాన్ని ఎస్‌ఐ జి.పాపారావు పరిశీలించారు. మృతుడి భార్య రవళి ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నారు. జగపతిబాబు మరణంతో గామాలపాడు గ్రామంలో విషాద ఛాయలు అలుముకున్నాయి.