బెజవాడలో ’గన్‘ కలకలం..పోలీసులపైనే కాల్పులకు యత్నం

ఆంధ్రప్రదేశ్ రాజధాని ప్రాంతం విజయవాడ నగరంలోని అత్యంత రద్దీ ప్రాంతమైన బస్టాండ్ సమీపంలో శనివారం తెల్లవారుజామున ఒక భయానక దృశ్యం వెలుగులోకి వచ్చింది. నగరంలోని హోటళ్లలో పోలీసులు తనిఖీలు నిర్వహిస్తుండగా, ఒక సాయుధ దుండగుడు ఏకంగా అధికారులపైనే తుపాకీ గురిపెట్టి కాల్పులకు తెగబడటం బెజవాడలో పెను సంచలనం సృష్టించింది. సాంకేతిక లోపం వల్ల బుల్లెట్ పేలక పోవడం వల్ల, ట్రిగ్గర్ నొక్కినా గన్ ఛాంబర్‌లోకి రాకపోవడంతో పోలీసులు ప్రాణాపాయం నుంచి త్రుటిలో బయటపడ్డారు.