చిగురుటాకులా రాలిన కుటుంబం..జియ్యమ్మవలసలో సామూహిక ఆత్మహత్య

నిశ్శబ్దంగా ముగిసిన జీవితాలు

పార్వతీపురం మన్యం జిల్లా జియ్యమ్మవలస మండటం వనజ గ్రామానికి చెందిన మీనక మధు(35), సత్యవతి(30) దంపతులకు కుమారుడు మోష(4), కుమార్తె ఆయోష ఉన్నారు. గురువారం రాత్రి అంతా సవ్యంగానే ఉందనుకున్న తరుణంలో, ఆ కుటుంబం పురుగుల మందు తాగి ఆత్మహత్యాయత్నానికి పాల్పడింది. శుక్రవారం ఉదయం ఎంతసేపటికీ ఇంటి తలుపులు తీయకపోవడంతో అనుమానం వచ్చిన స్థానికులు లోపలికి వెళ్లి చూడగా.. ఆ దృశ్యం చూసి ఊరంతా ఉలిక్కిపడింది.

మృత్యు ఒడిలో ముగ్గురు.. ఆస్పత్రిలో చిన్నారి

ఈ ఘోర కలికంలో మధు, సత్యవతితో పాటు నాలుగేళ్ల కుమారుడు మోష అక్కడికక్కడే విగతజీవులుగా పడి ఉండగా, కుమార్తె ఆయోష కొనవూపిరితో కొట్టుమిట్టాడుతూ కనిపించింది. వెంటనే స్పందించిన గ్రామస్తులు, పోలీసుల సాయంతో చిన్నారిని హుటాహుటిన ఆస్పత్రికి తరలించారు. ప్రస్తుతం ఆ పాప పరిస్థితి విషమంగా ఉన్నట్లు సమాచారం.

కారణం ఏంటి? మిస్టరీగా మారిన మరణాలు

ఆర్థిక ఇబ్బందులా? లేక కుటుంబ కలహాలా? అనే కోణంలో పోలీసులు దర్యాప్తు ప్రారంభించారు. చేతికి అందివచ్చిన బిడ్డలతో సహా ఇంతటి అఘాయిత్యానికి పాల్పడటంపై స్థానికులు దిగ్భ్రాంతి వ్యక్తం చేస్తున్నారు. చక్కని కుటుంబం.. అన్యోన్యంగా ఉండేవారు. ఇలా కనుమరుగవుతారని అస్సలు ఊహించలేదు అంటూ గ్రామస్థులు కన్నీటిపర్యంతమవుతున్నారు. పోలీసులు కేసు నమోదు చేసి, పోస్టుమార్టం నిమిత్తం మృతదేహాలను తరలించారు. పూర్తి వివరాలు విచారణలో తేలాల్సి ఉంది.