డ్రైవర్ సమయస్ఫూర్తి..40 మంది సేఫ్

విజయనగరం జిల్లాలో శనివారం తెల్లవారుజామున ఒక భయంకరమైన అగ్నిప్రమాదం చోటుచేసుకుంది. గాఢ నిద్రలో ఉండి తమ గమ్యస్థానాలకు చేరుకుంటున్న 40 మంది ప్రయాణికులు ఒక్కసారిగా మృత్యువు కౌగిలిలోకి వెళ్లే పరిస్థితి ఎదురైంది. ఒడిశా నుంచి వస్తున్న ఒక ప్రైవేట్ లగ్జరీ బస్సు రామభద్రపురం సమీపానికి చేరుకోగానే, ఊహించని విధంగా టైర్ పేలి మంటలు ఎగసిపడ్డాయి. చూస్తుండగానే ఆ నిప్పుకణికలు బస్సు మొత్తానికి వ్యాపించి, వాహనం ఒక నిప్పుల కొలిమిలా మారి పూర్తిగా దగ్ధమైంది. అయితే, మృత్యువు ముంచుకొస్తున్న వేళ డ్రైవర్ చూపిన అసమాన ధైర్యం, సమయస్ఫూర్తి 40 నిండు ప్రాణాలను కాపాడాయి. ప్రయాణికులు ప్రాణాలతో బయటపడటంతో అది ఒక అద్భుతమనే చెప్పాలి.