రిజర్వేషన్లపై జోక్యం చేసుకోమని కాంగ్రెస్ రాసివ్వగలదా?

బీజేపీ అధ్యక్షుడు జేపీ నడ్డా సోమవారం కాంగ్రెస్‌పై తీవ్రస్థాయిలో విరుచుకుపడ్డారు. కాంగ్రెస్‌ను సనాతన్‌ వ్యతిరేకి పార్టీగా అభివర్ణించారు.తెలంగాణలోని పెద్దపల్లిలో జరిగిన ఎన్నికల ర్యాలీలో ఆయన మాట్లాడారు. డీఎంకే అధినేత ఉదయనిధి స్టాలిన్ సనాతన్‌ను హెచ్‌ఐవీ, డెంగ్యూ, మలేరియాలతో పోల్చినప్పుడు కాంగ్రెస్ నేతలు సోనియా గాంధీ, రాహుల్ గాంధీ మౌనంగా ఉండడాన్ని తప్పుబట్టారు. అసదుద్దీన్ ఒవైసీ నేతృత్వంలోని AIMIM, BRS, కాంగ్రెస్‌లను 'ABC'గా అభివర్ణిస్తూ వారు ముస్లిం లీగ్ ('యే సభీ తీనో కే తీనో ముస్లిం లీగ్ కా ఎజెండా చలానే వాలీ పార్టీ యాన్ హై' హిందీలో) ఎజెండాను నడుపుతున్నారని ఆరోపించారు. వీరంతా తబ్లిగీ జమాత్ సూత్రాలు, విధానాలను అనుసరిస్తున్నారని ఆరోపించారు. వీరంతా రజాకార్ల మద్దతుదారులు కాదా? అని ప్రశ్నించారు.

రిజర్వేషన్లను బీజేపీ తొలగిస్తుందన్న రాహుల్ గాంధీ వ్యాఖ్యలను ప్రస్తావిస్తూ.. దళితులు, ఆదివాసీలు, ఓబీసీల రిజర్వేషన్లను కాంగ్రెస్ పదే పదే హైజాక్ చేసిందని, 2004లో అవిభాజ్య ఆంధ్రప్రదేశ్‌లో కాంగ్రెస్ అధికారంలో ఉన్నప్పుడు ఎస్సీ, ఎస్టీ, ఓబీసీల రిజర్వేషన్లను దోచుకుని ముస్లింలకు ఇచ్చిందని గుర్తు చేశారు. కర్నాటకలో ఇదే కాంగ్రెస్ పార్టీ OBCల రిజర్వేషన్లను తగ్గించి ముస్లింలకు ఇస్తే.. BJP ప్రభుత్వం దానిని తొలగించి OBCలకు వారి హక్కులను ఇచ్చిందని గుర్తు చేశారు. అయితే ప్రస్తుత ముఖ్యమంత్రి సిద్ధరామయ్య మళ్లీ ముస్లింలకు రిజర్వేషన్ కల్పించారని పేర్కొన్నారు.

ఎస్సీ, ఎస్టీ, ఓబీసీ రిజర్వేషన్లపై కాంగ్రెస్ ఎప్పటికీ జోక్యం చేసుకోమని లిఖిత పూర్వకంగా రాసివ్వాలని ప్రధాని మోదీ కోరితే..కాంగ్రెస్ పార్టీ నాయకుల నుంచి ఏ సమాధానం లేదన్నారు. రాజకీయ ప్రయోజనాల కోసం దేశాన్నివిభజించే దిశగా కుట్రలు చేస్తున్నారని ఆరోపించారు.