ఏపీకి ఫస్ట్ ఉమెన్ చీఫ్ జస్టిస్..ఎవరీ జస్టిస్ లిసా గిల్?

సాధారణంగా ఒక హైకోర్టు ప్రధాన న్యాయమూర్తి (సీజే) పదవీ విరమణ చేసిన తర్వాతే ఆ స్థానంలో కొత్తవారిని నియమించడం ఆనవాయితీగా వస్తోంది. అయితే, ప్రస్తుత సుప్రీంకోర్టు ప్రధాన న్యాయమూర్తి జస్టిస్ సూర్యకాంత్ నేతృత్వంలోని కొలీజియం ఈ విధానంలో ఒక కీలకమైన మార్పుకు శ్రీకారం చుట్టింది. న్యాయ పరిపాలన వ్యవస్థను మరింత బలోపేతం చేయడంతో పాటు, కొత్తగా వచ్చే సీజేకు ఆ హైకోర్టు పనితీరు, అక్కడి భౌగోళిక వాతావరణంపై పూర్తి అవగాహన కల్పించేందుకు రెండు నెలల ముందుగానే వారిని బదిలీ చేయాలని నిర్ణయించింది. ఈ కొత్త సంప్రదాయం వల్ల సీజేగా బాధ్యతలు చేపట్టే సమయానికి వారు సదరు హైకోర్టు వ్యవహారాలపై పూర్తి పట్టు సాధించే అవకాశం ఉంటుంది.