పరారీలో ఉన్న హరికృష్ణ ట్రావెల్స్ యజమాని అరెస్ట్

రాయవరం సమీపంలో 14 మందిని బలితీసుకున్న భీకర రోడ్డు ప్రమాద ఘటనలో కీలక మలుపు చోటుచేసుకుంది. ప్రమాదం జరిగినప్పటి నుంచి పోలీసుల కళ్లుగప్పి తప్పించుకు తిరుగుతున్న హరికృష్ణ ట్రావెల్స్ యజమాని హరికృష్ణారెడ్డిని పోలీసులు ఎట్టకేలకు అదుపులోకి తీసుకున్నారు. నెల్లూరు జిల్లా కలిగిరి కేంద్రంగా ట్రావెల్స్ కార్యకలాపాలు నిర్వహిస్తున్న ఇతనిపై బాధితుల కుటుంబాలు, ప్రజలు తీవ్ర ఆగ్రహం వ్యక్తం చేస్తున్నారు. 14 మంది సజీవ దహనానికి కారణమైన వాహన నిర్వహణ లోపాలు, యాజమాన్య నిర్లక్ష్యంపై నిలదీసేందుకు పోలీసులు అతడి కోసం గాలింపు ముమ్మరం చేశారు.