కొత్త సినిమాలు ఎందుకు కమిటవ్వటం లేదు

"ఒకసారి ఆమె తెరపై మెరిసితే... వేరే వెలుగే కనపడేది కాదు. ప్రతి దృశ్యాన్ని తనదిగా మార్చుకునే వింత మాయ ఆమెది. ఆమె పేరు అనుష్క."

ఒకప్పుడు టాలీవుడ్‌ను తన చేతి వేళ్లమీద నడిపించిన అనుష్క శెట్టి గత కొద్దికాలంగా కనపడటం లేదు. 'అరుంధతి'లో ఒక అగ్ని దివ్యంగా, 'భాగమతి'లో ఉగ్రరూపంగా, 'బాహుబలి'లో మహారాణిగా ఆమె చూపించిన ప్రతిభ — ఆ సమయంలో స్వప్నపు సుడిగాలిలా సినీ సముద్రంలో తేలి ఆడింది. స్టార్ హీరోలతో నడిచిన అనుష్క, ఒక్కసారిగా స్టార్‌డమ్‌కు ప్రతీ అర్ధాన్ని మార్చేసింది.

అయితే... ఈ రోజు, "ఎక్కడ ఈ స్వీటీ?" అన్న ప్రశ్న ప్రతి అభిమాని మౌనంలో మార్మోగుతోంది. తెరపై ఆమె కనిపించని ప్రతి రోజూ, ఆమె అభిమానుల్లో ఓ శూన్యం పెరిగిపోతోంది.

బాహుబలి 2 తర్వాత సెలక్టివ్ గా సినిమాలు చేస్తున్న అనుష్క శెట్టి.. తెలుగు ప్రేక్షకులకు కనిపించి దాదాపు ఏడాదిన్నర కావొస్తుంది. మిసెస్ శెట్టి.. మిస్టర్ పోలిశెట్టి తర్వాత స్వీటీ .. రెండు ప్రాజెక్టులకు గ్రీన్ సిగ్నల్ ఇచ్చింది.

క్రిష్ జాగర్లమూడి దర్శకత్వంలో ఘాటీతో పాటు మలయాళంలో కథనార్ మూవీతో తెరంగేట్రం ఇస్తుంది. ఈ రెండు సినిమాల షూటింగ్స్ కంప్లీట్ అయ్యాయి. రీసెంట్లీ ఘాటీ గ్లింప్ప్ రిలీజ్ చేశారు మేకర్స్. ఇంటెన్సివ్ లుక్కుతో మెస్మరైజ్ చేసింది అనుష్క. అయితే ఆ తర్వాత కొత్త సినిమాలు ఏమి కమిటవ్వటం లేదు. బయట ఎక్కడా కనిపించటం కూడా లేదు. ఎందుకిలా అనేది సగటు అభిమాని ప్రశ్న.

మౌనం వెనుక మర్మం

'బాహుబలి' విజయోత్సవాల తర్వాత అనుష్క చేసిన 'సైజ్ జీరో' సినిమా ఒక మలుపు తీసుకొచ్చింది. పాత్ర కోసం పెరిగిన బరువు, ఆ తర్వాత ఎదురైన హార్మోనల్ సమస్యలు ఆమె ఆరోగ్యాన్ని, ఆత్మవిశ్వాసాన్ని బాగా ప్రభావితం చేశాయని వినికిడి.

ఫిట్‌నెస్ సాధించేందుకు చేసిన ప్రయాణం... కొన్నిసార్లు విజయవంతం కాదు. అదే శాపంలా అనుష్క ని వెంటాడుతోంది. ఈ పోరాటంలో అనుష్క ను మానసికంగా, శారీరకంగా కొంత వెనక్కి నెట్టాయి. మీడియా ఫ్లాష్‌లకు దూరంగా, కాసేపు మౌనానికి ఒడిగట్టింది.

"కొన్నిసార్లు జీవితంలో ఓ నిశ్శబ్దం తప్పదు. అదే ప్రకృతికి రిథమ్."

అనుష్క కూడా అదే నిశ్శబ్దాన్ని ఎంచుకుంది. నిశ్శబ్దం ఓ విభిన్నమైన అనుభూతిని ఇస్తుంది మరియు లోతైన ఆలోచనలకు దారితీస్తుంది.

కథలు వచ్చాయి... కానీ నమ్మకం కావాలి

అనుష్క ఖాళీగా ఉంది కదా, సీనియర్ అయ్యింది కదా అని ఎవరూ ప్రక్కన పెట్టేయలేదు. ఆమె దగ్గరకు మంచి కథలు వచ్చాయి. అవకాశాలు తలుపు తట్టాయి. కానీ, అనుష్క మాత్రం ఒక స్పష్టమైన నిర్ణయం తీసుకుంది — "నేను తిరిగి వస్తే, నా పూర్తి శక్తితో రావాలి. నా పరిపూర్ణ రూపంతో రావాలి."

ఓ సినిమా ఒప్పుకోవడమంటే... సినిమా షూటింగ్ మాత్రమే కాదు. ఆ సినిమా ప్రమోషన్, ప్రేక్షకుల ఎదురుగా నిలబడడం, నిత్య విమర్శలను ఎదుర్కొనడం కూడా. అలా చేయాలంటే తనపై పూర్తి నమ్మకం అవసరం. అందుకే, అనుష్క సినిమాల నుంచి కొద్దిగా విరమించుకుంది. మళ్లీ తన ఫిట్‌నెస్‌ను, మానసిక ధైర్యాన్ని తిరిగి పొందేందుకు సమయం ఇచ్చుకుంది అంటున్నారు సినిమా జనం.

మళ్లీ మ్యాజిక్ చేయడానికి వేచి చూస్తున్న స్వీటీ

అయితే ఎక్కడ ఏ క్షణం అనుష్క సినిమాలను పట్ల ప్రేమను కోల్పోలేదు. ఆమె ఇప్పటికీ నటన పట్ల అపారమైన గౌరవం, ప్రేమ చూపిస్తుంది. కానీ, ఈసారి ఆమె ఓ మాదిరిగా కాదు — తన మనసులో తీర్చిదిద్దుకున్న "పర్ఫెక్ట్ అనుష్క" రూపంలోనే తిరిగి రావాలని కోరుకుంటోంది.

ఇండస్ట్రీలో అనేక రూమర్స్ చక్కర్లు కొడుతున్న... నిజం మాత్రం చాలా నిశ్శబ్దమైనది —తను కావాలనుకున్నప్పుడు, సిద్ధమైనప్పుడు మాత్రమే తిరిగి వస్తుంది. వరస సినిమాలు ఒకేసారి ఒప్పుకుందని, అలాగే రిటైర్మెంట్ తీసుకుందనే వార్తలన్నీ గాలి వార్తలే.

ఒకరోజు... ఈ నిశ్శబ్దాన్ని ఛిద్రిస్తూ, తెరపై మళ్లీ వెలుగు చిమ్ముతోంది. ఆమె తలుపు తెరిస్తే... మళ్లీ అనుష్క శెట్టి అనే తార... మళ్లీ మన హృదయాలను గెలుచుకోబోతోంది.

"Some comebacks are not loud.

They are storms — gathering in silence."

స్వీటీ తిరిగి వస్తుంది. మళ్లీ మాయ చేస్తుంది.