ఓటీటీలోకి హరిహర వీరమల్లు, ఎప్పుడు, ఎక్కడంటే..

బుల్లితెర ప్రేక్షకులు ఎప్పుడెప్పుడా అని ఎదురు చూస్తున్న హరిహర వీరమల్లు త్వరలో ఓటీటీలోకి రానుంది. ప్రముఖ సినీనటుడు, ఆంధ్రప్రదేశ్ ఉప ముఖ్యమంత్రి నటించిన హరిహర వీరమల్లు చిత్రం ఇటీవల థియేటర్లలో విడుదలైంది. ఇప్పుడు ఓటీటీ లో స్ట్రీమింగ్ కానుంది. హరి హర వీర మల్లు – OTT విడుదల సమాచారం ఇలా ఉంది.

పవన్ కళ్యాణ్ నటించిన హరి హర వీర మల్లు సినిమా త్వరలోనే డిజిటల్ ప్లాట్‌ఫారమ్‌లో ప్రేక్షకుల ముందుకు రానుంది. ఈ చిత్రం 2025 జూలై 24న థియేటర్లలో విడుదలైంది. చారిత్రక నేపథ్యంతో తెరకెక్కింది. ప్రేక్షకులు, విమర్శకుల నుంచి మిశ్రమ స్పందన వచ్చింది. బాక్స్ ఆఫీస్ వద్ద పెద్దగా కలెక్షన్లు సాధించలేకపోయింది. Sacnilk.com ప్రకారం, ఈ చిత్రం 17 రోజుల్లో దేశీయంగా రూ. 85.99 కోట్లు (నెట్), జీఎస్టీతో కలిపి రూ. 101.46 కోట్లు (గ్రాస్) వసూలు చేసింది.

థియేటర్లలో రిలీజ్‌కు ముందే, ఈ సినిమాకి చెందిన డిజిటల్ స్ట్రీమింగ్ హక్కులను అమెజాన్ ప్రైమ్ వీడియో సొంతం చేసుకుంది. మొదట ఆగస్టు 15 ప్రాంతంలో OTT విడుదల చేస్తారని వార్తలు వచ్చినప్పటికీ, తాజా సమాచారం ప్రకారం ఇది వాయిదా పడే అవకాశం ఉంది.

రజనీకాంత్ నటించిన తమిళ యాక్షన్ థ్రిల్లర్ కూలీ 2025 ఆగస్టు 14న థియేటర్లలో విడుదల కానుంది. ఈ సినిమాకి ఏర్పడిన భారీ హైప్ కారణంగా హరి హర వీర మల్లు OTT రిలీజ్‌ను వాయిదా వేసే అవకాశం ఉంది. కూలీకి లభించే ఆదరణను చూసి హరిహర వీరమల్లును ఓటీటీకి వదులుతారని ఇండస్ట్రీ వర్గాలు చెబుతున్నాయి.

కొత్తగా జరుగుతున్న చర్చ ప్రకారం ఆగస్టు 21 నుంచి 28 మధ్య హరిహర వీరమల్లు ఓటీటీకి వచ్చే అవకాశం ఉందని సమాచారం. అయితే అమెజాన్ ప్రైమ్ వీడియో ఇంకా అధికారిక తేదీని ప్రకటించలేదు.

వీర మల్లు అనే రాబిన్ హుడ్‌ తరహా దొంగ చుట్టూ ఈ కథ తిరుగుతుంది. కొల్లూరు రాజు ఆదేశానుసారం, మొఘల్ చక్రవర్తి ఔరంగజేబ్ వద్ద నుండి ప్రసిద్ధ కోహినూర్ వజ్రంను తెచ్చే మిషన్‌లో పాల్గొంటాడు.

పవన్ కళ్యాణ్ ప్రధాన పాత్రలో నటించగా, ప్రతినాయకుడిగా బాబీ డియోల్ కనిపించాడు. నిధి అగర్వాల్, సత్యరాజ్, విక్రమ్‌జీత్ విర్క్ తదితరులు కీలక పాత్రల్లో నటించారు.

ఇక, రజనీకాంత్ దేవ పాత్రలో నటించిన కూలీ సినిమాలో, ఒక మాజీ కూలీ తన స్నేహితుడి సమస్యకు ప్రతీకారం తీర్చుకోవడానికి బయో-కెమికల్ ఆయుధం రహస్యాలను వెలికితీయడం కథా ప్రధానాంశం. లోకేశ్ కనగరాజ్ దర్శకత్వం వహించిన ఈ చిత్రంలో నాగార్జున అక్కినేని, అమీర్ ఖాన్, శ్రుతి హాసన్ తదితరులు నటించారు.