ఇండియాలో 'అవతార్ 3' కి ఎదురవబోయే సవాలు

2009లో వచ్చిన ‘Avatar’ ఒక సినిమా కాదు—ప్రపంచ సినీ చరిత్రను మార్చిన కల్చరల్ ఈవెంట్. IMAX, 3D, CGI—సినిమా ఎలా కనిపించాలి, ఎలా అనిపించాలి అనేదానికి కొత్త డెఫినిషన్ ఇచ్చింది. అందుకే అది సర్వకాలాలలో ప్రపంచ వ్యాప్తంగా నంబర్ 1 వసూళ్లు సాధించిన భారీ హిట్ అయింది. మొత్తం వరల్డ్‌వైడ్ ₹24,000 కోట్లు+ (అందుబాటులో ఉన్న అంచనాల ప్రకారం).

కానీ…

‘Avatar: The Way of Water’ ఆ స్థాయి అటెన్షన్, కల్చరల్ క్రేజ్ రాబట్టలేదని స్పష్టమే. అది వరల్డ్‌వైడ్ భారీగా వసూలు చేసినా— సోషల్ మీడియా బజ్, ఫ్యాన్ ఎంగేజ్‌మెంట్, రీపీట్ వ్యూయింగ్ లెవల్ మొదటి పార్ట్‌తో పోలిస్తే తగ్గింది. చాలామంది ప్రేక్షకులు "చాలా లెంగ్తీగా ఉంది", "స్టోరీ స్లో", "విజువల్స్ అద్భుతం కానీ ఎమోషన్ మిస్సైంద", అని ఫీలయ్యారు.

ఇక ఇప్పుడు… ‘అవతార్: ఫైర్ అండ్ యాష్ (Avatar: Fire and Ash)’

3 గంటలు 15 నిమిషాల రన్‌టైమ్ తో వస్తోంది. ఇది కామెరూన్ కెరీర్‌లోనే కాకుండా, మోడర్న్ హాలీవుడ్ బ్లాక్‌బస్టర్స్‌లో కూడా భారీ రన్‌టైమ్‌లలో ఒకటి. ఇంత పెద్ద రన్ టైమ్ అనేది ఇప్పుడు అంతటా చర్చగా మారింది. ఇంత రన్ టైమ్ భాక్సాఫీస్ రిజల్ట్ పై ఏ మేరకు ప్రభావం చూపెడుతుందనేది సినీ ప్రియులు డిస్కస్ చేస్తున్నారు.

రన్‌టైమ్ — ఎగ్జైట్ చేసే పాయింట్స్

1. Cameron’s World-building Addiction

కామెరూన్ కథ కంటే ప్రపంచాన్ని నిర్మించడానికే ఎక్కువ ప్యాషన్ చూపుతాడు. Pandora కొత్త తెగలు, కొత్త మిథాలజీ, ఫైర్-బేస్డ్ ట్రైబ్స్, ఎకో-పాలిటిక్స్— ఇవి అన్నీ ఎక్స్‌ప్లోర్ చేయడానికి 3 గంటలు చాలనిపించవచ్చు.

2. విజువల్ ఇంపాక్ట్ కోసం ఈ లెన్త్ అవసరం

Avatar సినిమాలు చిన్న సీన్లతో కదలవు. ఒక అండర్‌వాటర్ షాట్ కూడా పొయెటిక్‌గా ఎమోషన్ బిల్డ్ చేసేలా ఉంటుంది. విజువల్స్‌లో నెమ్మదితనం కామెరూన్ స్టైల్, దానికే రన్‌టైమ్ పెరుగుతుంది.

3. Part 2లో విమర్శలు వచ్చిన స్టోరీ & పేసింగ్

Part 2లో ప్రేక్షకులు చెప్పినది: “విజువల్స్ అద్భుతం. కానీ స్టోరీ? అది ఎక్కడో మెల్లగ మెల్లగా…” .ఇది కామెరూన్‌కూ తెలిసిన పాయింట్.

అందుకే Fire and Ash మరింత ఎమోషనల్, మరింత డార్క్, మరింత కాన్ఫ్లిక్ట్-డ్రివెన్‌గా ఉంటుంది అని ఇప్పటికే చెప్పాడు. అది నిజం అయితే, ఈ రన్‌టైమ్ ప్రాబ్లం కాదు—అడ్వాంటేజ్.

ఈ రన్‌టైమ్ — డేంజర్ పాయింట్స్

1. ప్రేక్షకుల ఓపిక = 2025లో పూర్తిగా మారింది

నేటి ప్రేక్షకులు పేస్, టైట్, నో-నాన్సెన్స్ కథలే కోరుకుంటున్నారు. RRR, KGF2, Kalki, Jawan వంటి సినిమాలే చూపిస్తున్నాయి—

ఎడ్జ్, స్వాగ్, రష్ ఉన్న స్క్రీన్‌ప్లేనే కనెక్ట్ అవుతుందని.

ఈ నేపథ్యంలో 3 గంటలు 15 నిమిషాలు అంటే:

సరిగ్గా నడిస్తే మాస్టర్‌పీస్

తప్పితే ప్రేక్షకులకు ఓపిక పరీక్ష

2. ఇండియా బాక్సాఫీస్‌లో అసలు ఛాలెంజ్

Avatar బ్రాండ్ దక్షిణ భారతంలో స్ట్రాంగ్. కానీ ఇప్పుడు సౌత్ సినిమాలే హాలీవుడ్ రేంజ్‌లో ఉన్నాయి. అంటే ఇది సేమ్ రేంజ్ పోటీ.

థియేటర్లలో:

లోకల్ మాస్ హైప్, ఫ్యాన్ బేస్, రిపీట్ ఆడియన్స్, టికెట్ ధరలు, ఇవి అన్నీ Avatar 3కి ఛాలెంజ్.

3. Emotion vs Visuals — Cameron Balance సాధించాలి

Part 2లో ఎమోషన్ డైల్యూట్ అయ్యింది. ఇప్పుడు ప్రేక్షకులు క్లియర్‌గా కోరుకుంటున్నారు: “విజువల్స్ ఓకే… కానీ ఈసారి కథతో కూడా షేక్ చేయాలి.”

సక్సెస్ అయిన ట్రైలర్..

ఇప్పటికే ట్రైలర్‌ను చిత్ర టీమ్ విడుదల చేసింది. ఈ ట్రైలర్‌ తెలుగు భాషలో కూడా విడుదల కావడం తెలుగు సినీ అభిమానుల్లో మ‌రింత ఉత్సాహాన్ని రేకెత్తించింది. ‘అవతార్: ది వే ఆఫ్ వాటర్’లో సముద్ర తెగను చూపించిన జేమ్స్ కామెరూన్, ఈసారి ‘యాష్ పీపుల్’ (Ash People) అనే భయంకరమైన అగ్ని గిరిజన తెగను పరిచయం చేశారు. వీరు అగ్నిని ఆరాధిస్తూ.. యుద్ధానికి దుర్మార్గమైన రీతిలో సిద్ధపడే తెగగా ట్రైలర్‌లో చూపించారు. పండోరా భవిష్యత్తుకు వీరు ప్రధాన ముప్పుగా నిలవనున్నారు.

ట్రైలర్‌లో జేక్ సుల్లీ (Jake Sully), నేటిరీ (Neytiri) తమ కొడుకు నెటియమ్‌ని కోల్పోయిన తర్వాత వారి కుటుంబం ఎదుర్కొంటున్న వేదన, కోపం, ప్రతీకారం అనే అంశాలు భావోద్వేగపూరితంగా చూపబడ్డాయి. కుటుంబ బంధాల మధ్య పెరిగిన ఉద్రిక్తతలు, నమ్మకాలు, త్యాగాలు మూవీ సగం స్టోరీని ముందుకు నడిపిస్తాయని ట్రైలర్ సంకేతాలు ఇస్తోంది.

అగ్ని పర్వతాలు, లావా ప్రవాహాలు, కొత్త జీవ జాతులు, మరియు అత్యంత శక్తివంతమైన విజువల్ ఎఫెక్ట్స్‌తో ఈ ట్రైలర్ అబ్బురపరిచింది. ప్రపంచ సినీ ప్రేక్షకులకు మళ్లీ ఓ విజువల్ వండర్‌ను చూపించడానికి జేమ్స్ కామెరూన్ సిద్ధమవుతున్నాడని స్పష్టమవుతోంది.

ఈ సినిమా 2025 డిసెంబర్ 19న ప్రపంచవ్యాప్తంగా విడుదల కానుంది. తెలుగు‌తో పాటు హిందీ, తమిళం, కన్నడ, మలయాళ భాషల్లోనూ ఈ చిత్రం విడుదల కానుంది. భారతీయ సినీ అభిమానుల్లో ఇప్పటికే ఈ ట్రైలర్ పట్ల మంచి స్పందన కనిపిస్తోంది.

‘అవతార్: ఫైర్ అండ్ యాష్’ ట్రైలర్‌ విడుదలతో ప్రపంచవ్యాప్తంగా ప్రేక్షకుల్లో అంచనాలు పీక్స్‌కి చేరాయి. భావోద్వేగాలు, యాక్షన్, విజువల్స్ అన్నింటినీ సమపాళ్లలో కలిపి ఈ చిత్రం పండోరా ప్రపంచాన్ని మరోసారి ప్రేక్షకుల మనసుల్లో నిలిచిపోయే ప్ర‌య‌త్నం చేస్తున్నారు మేక‌ర్స్.

అవతార్ మాయ మళ్లీ పనిచేస్తుందా?

లేక కామెరూన్ ఓపికను పరీక్షిస్తాడా?

December 19 — పాండోరా ఫైర్ & అష్‌లో ఏమి దాగి ఉందో తెలుస్తుంది.