దిగజారుతున్న ఓటిటి సంసృతి

ఇది ఆర్ట్ కాదు. ఇది స్వేచ్ఛ కాదు. ఇది ‘సడన్ అటెన్షన్’ కోసం కల్చర్‌ను కాల్చే కుట్ర.

ఉల్లూ ఓటీటీలో తాజాగా ప్రసారం అయిన ఓ వెబ్‌సిరీస్‌లో, ఓ వృద్ధ దంపతుల మధ్య వచ్చే సీన్ దేశవ్యాప్తంగా ఆగ్రహాన్ని రేపుతోంది. ఆ సీన్‌లో వారు ఒక సెక్స్ టాయ్‌ను శివలింగానికి ప్రతీకగా భావించి, దానిని పూజించడం ప్రారంభిస్తారు. ఇది మతపరమైన నమ్మకాలను కేవలం అవమానించడమే కాదు… కచ్చితంగా శ్రద్ధ కలిగిన కోట్లాది హిందువుల విశ్వాసాలపై దురాగతం.

ఇది మెరుపు కన్నా వేగంగా నెట్‌లో వైరల్ అయింది. ప్రజలు ఆశ్చర్యపోలేదు… కోపంతో literally మండిపోతున్నారు. “ఇలాంటి అశ్లీలత, అసభ్యత, మతం మీద వాడిన తప్పుడు హాస్యం... ఎప్పటి వరకు సహించాలి?” అంటూ పలువురు న్యాయవాదులు, మతపెద్దలు, సామాజిక కార్యకర్తలు ప్రశ్నిస్తున్నారు. కొన్ని సంఘాలు ఈ ప్లాట్‌ఫారాన్ని నిషేధించాలని, దాని పై క్రిమినల్ కేసులు నమోదు చేయాలని డిమాండ్ చేస్తున్నాయి.

ఇటీవల కాలంలో ఓటీటీ వెబ్‌సిరీస్‌ల కంటెంట్‌పై తీవ్ర విమర్శలు వెల్లువెత్తుతున్నాయి. సంస్కృతి, సెంటిమెంట్స్ అనే పదాలు మన మీడియా వేదికల్లో నుంచి క్రమంగా పక్కనపడిపోతున్నాయా అన్న సందేహం కలుగుతోంది. సెన్సార్ పరిమితులు లేకపోవడం వల్ల నేరుగా, నిర్భయంగా సెన్సిటివ్ విషయాలను వివాదం కోసం మిక్స్ చేసి చూపించాలనే పోటీ మొదలైపోయింది.

ఓటీటీ ప్లాట్‌ఫార్మ్స్‌కి ‘న్యాయసంఘం’ కనపడదు?

ప్రస్తుతం భారత్‌లో డిజిటల్ కంటెంట్‌పై సాధారణ గైడ్‌లైన్స్ ఉన్నా, అవి ఎవరూ పట్టించుకోరని తాజా ఉదాహరణే ఇది. Article 19 (1)(a) ప్రకారం దేశంలో వ్యక్తి స్వేచ్ఛ ఉన్నా, అదే Article 19 (2) అండర్ — “Public order, decency or morality” పేరుతో కొన్ని పరిమితులు కూడా ఉన్నాయి.

👉 దీని కింద మత విశ్వాసాలపై సున్నితమైన దాడులు, అవమానకర వ్యాఖ్యలు చట్టబద్ధంగా పిర్యాదు చేయదగినవే.

👉 IPC 295A ప్రకారం "Deliberate and malicious acts intended to outrage religious feelings" శిక్షార్హమైన నేరమే.

👉 అలాగే, Information Technology Act - 67 Section ప్రకారం "obscene or offensive material" ను డిజిటల్‌గా పంచడం నేరమే.

ఇప్పుడు ప్రశ్న ఏంటంటే – ఇలాంటి దృశ్యాల్ని ఉద్దేశపూర్వకంగా ప్లాన్ చేయడం వెనుక ఆర్ట్ ఉందా? లేక వైరలిటీ కోసం ఇలాంటి చెత్తను ప్రచారం చేస్తున్నారా?

కాంట్రవర్సీని క్యాష్ చేసుకోవడమే ధ్యేయమా?

ఉల్లూ ఓటీటీపై ఇదే మొదటి ఆరోపణ కాదు. గతంలోనూ ఈ ప్లాట్‌ఫారమ్ "ఇంటిమేట్ కంటెంట్" పేరుతో అసభ్యవాదానికి పెద్ద పీట వేసింది. ఇప్పటివరకు లైటుగా వదిలేసిన వ్యవస్థలు, ఈ సారి ఎంత వరకు వెళ్తాయో చూడాలి.

"మతాల మీద జోక్స్ పేల్చడం ఫ్రీడమ్ కాదు… అది సైకలాజికల్ లెవెల్‌లో క్రిమినల్ యాక్ట్!" అంటూ నెటిజన్లు హెచ్చరిస్తున్నారు. ఉల్లూ పై నిషేధం విధించాలన్న డిమాండ్లు దేశవ్యాప్తంగా పెరుగుతున్నాయి.

ఎంత వరకూ ఇది ‘కంటెంట్ క్రియేటివిటీ’?

ఎంతదాకా మత విశ్వాసాలను తాకుతూ హాస్యం పేరిట హింసించాలి?

ఎందుకని, ఎంత వరకు చట్టం దీన్ని పరిశీలిస్తోంది?

ఇటువంటి సీన్స్ పై చర్యలు తీసుకోకపోతే, రేపు ఇంకెవరెవరిపై ఇలా అప్రతిష్ట కలిగించే ప్రదర్శనలు సాగుతాయో ఊహించడం కష్టం.

ఇది సాంకేతిక స్వేచ్ఛ కాదు... మానసిక అపవిత్రత.

ఇది హాస్యం కాదు... అసభ్యత మీద మేకప్.

ఇది కల్చర్ కాదు... కలుషితం.

"ఇది మత విశ్వాసాలను అవమానించడమే కాకుండా, వ్యక్తి స్వేచ్ఛ పేరుతో అసభ్యాన్ని మిక్స్ చేసే ప్రయత్నం

అలాగే ఉల్లూ ఓటీటీకి సంబంధించిన తొలి వివాదం కాదు. ఇంతకు ముందూ చాలా సార్లు అభ్యంతరకరమైన కంటెంట్ వల్ల తీవ్ర విమర్శలు ఎదుర్కొంది. సెక్సువలైజేషన్, అసభ్యత, మరియు మతాంశాలను మిక్స్ చేసి ట్రాఫిక్ పెంచే ప్రయత్నాలు చేస్తూ వచ్చిన విమర్శలు తాజాగా మళ్లీ మొదలయ్యాయి.

ఒకప్పుడు "కంటెంట్ ఈజ్ కింగ్" అని చెబుతారు. కానీ ఇప్పుడు "కాంట్రవర్సీ ఈజ్ కింగ్మేకర్" అన్నట్టుగా కొన్ని ప్లాట్‌ఫార్మ్స్ నడుస్తున్నాయనేది నిజం.

ఓటీటీ ప్లాట్‌ఫార్మ్స్‌కు గైడ్‌లైన్స్ అవసరమా? మత విశ్వాసాలపై కావాలనే దాడులు జరుగుతున్నాయా? ఈ ప్రశ్నలు ఇప్పుడు ఖచ్చితంగా గమనించి, పరిశీలించాల్సిన విషయం.