‘మీర్జాపూర్‌’అభిమానులకు శుభవార్త: వెబ్ సీరిస్ ఇప్పుడు ఫుల్ లెంగ్త్ సినిమాగా వస్తోంది

వెబ్ సీరిస్ లు సూపర్ హిట్ అవటం అప్పుడప్పుడూ జరుగుతూంటుంది. అలా హిట్టైన సీరిస్ ‘మీర్జాపూర్‌’. క్రైమ్, సెక్స్ విపరీతంగా ఉన్న ఈ సీరిస్ నెక్ట్స్ లెవిల్ కు చేరుకుంది. సాధారణంగా వెబ్ సీరిస్ లు అనగానే ఎంతసేపు మనీ హీస్ట్, గేమ్ ఆఫ్ థ్రోన్స్ , బ్రేకింగ్ బ్యాడ్, వాకింగ్ డెడ్, స్క్విడ్ గేమ్ ఇలాంటి ఇంటర్నేషనల్ స్దాయివే గుర్తు వస్తాయి. అయితే మనదేశం ప్రేక్షకులుకు మాత్రం ‘మీర్జాపూర్‌’ (Mirzapur) గుర్తు వస్తుంది. ఈ సీరిస్ ఆ స్దాయిలో జనాల్లోకి వెళ్లిపోయింది. మన తెలుగు వాళ్ల కూడా డబ్బింగ్ వెర్షన్ తెగ చూసేసి సోషల్ మీడియాలో డిస్కషన్స్ పెట్టేసే స్దాయికి వెళ్లింది.

ఈ సీరిస్ లో విపరీతమైన హింస, బూతులు డైరక్ట్ గానే ఉన్నాయి. అయినా వాటిని జనం క్యాజువల్ గా తీసుకున్నారు. ఆ కల్చర్ లో అంతే అని సరిపెట్టుకున్నారు. ఈ సీరిస్ లో మూడో సీజన్ స్ట్రీమింగ్ కూడా మంచి సక్సెస్ అయ్యింది. ఎంతో ఎక్సపెక్టేషన్స్ తో వచ్చిన ఈ సీరిస్ జస్ట్ ఓకే అయ్యినా, అనుకున్న అభిమానులను అది బాగానే రీచ్ అయ్యిందనే చెప్పాలి. ఈ క్రమంలో ఇప్పుడు ఈ సీరిస్ ని సినిమాగా ప్లాన్ చేస్తున్నారు నిర్మాతలు. , #MirzapurTheFilm టైటిల్ తో ఇప్పుడు సినిమాని ప్రకటించారు. ఈ సినిమా వెబ్ సీరిస్ గా వచ్చి మూడు పార్ట్ లను దాటేలా ఉందా ,ఈ సినిమాకు కొత్త కథ రాసారా వంటి విషయాలు చూడాల్సి ఉంది.

మీర్జాపూర్ 3 సీజన్ల కథేంటి

మొదటి రెండు సీజన్స్ కథను ఓ సారి గుర్తు చేసుకుంటే... అన్నదమ్ములు గుడ్డూ భయ్యా (అలీ ఫజల్),బబ్లూ పండిత్‌ (విక్రాంత్ మాస్సే) ఇద్దరూ కాలీన్ భయ్యా(పంకజ్ త్రిపాఠి) దగ్గర పనిచేస్తూంటారు. సీజన్‌ చివర్లో తాను ప్రేమించిన యువతిని బబ్లూ పండిట్(విక్రాంత్ మాస్సే) ప్రేమించాడని కోపంతో మున్నా(దివ్యేందు).. కోపంతో మండిపడతాడు. అంతేకాకుండా గుడ్డూ భయ్యా తమ్ముడుతో పాటు సన్నిహితులను చంపేస్తాడు.

రెండో సీజన్లో తన తమ్ముడుని, తన వాళ్ళను చంపిన మున్నాపై గుడ్డూ భయ్యా ప్రతీకారం ఎలా తీర్చుకున్నాడో చూపించారు. సీజన్ 2 ఆఖర్లో తండ్రీకొడుకులు ఇద్దరికి మరణ ముహూర్తం పెడతాడు. కానీ, కాలిన్ భయ్యా తప్పించుకుంటాడు. కానీ, మున్నా మాత్రం ప్రాణాలు కోల్పోతాడు. దీంతో మూడో దానిపై ఇప్పుడు ఈ మూడో సీజన్ ఏం జరగబోతోందనే ఆసక్తి మొదలైంది.

ఇక ఈ కొత్త మీర్జాపూర్ సీజన్ 3 లో మున్నా అంత్యక్రియలతో స్టార్ట్ చేశారు. కాలీన్‌ భయ్యా (పంకజ్‌ త్రిపాఠి) తీవ్రంగా గాయపడి కనిపించకుండా పోతాడు. దీంతో మీర్జాపూర్‌ ని ఎవరు ఏలుతారు. మీర్జాపూర్ కుర్చిని ఎవరు దక్కించుకుంటారు అనే పాయింట్ చుట్టూ కథ మొదలవుతుంది. ఇప్పుడు గుడ్డు భయ్యా తనేంటో చూపించాలనుకుంటాడు. పూర్వాంచల్‌లో ప్రతి దాన్ని శాసించే శక్తిగా ఎదగాలనుకుంటాడు. కాలీన్‌ భాయ్‌ అనే వ్యక్తి ఉనికే లేకుండా చేయాలనుకుంటాడు. అందుకు బీనా ఆంటీ(రషిక దుగల్) గుడ్డుకు సపోర్ట్ ఇస్తుంది. గుడ్డు పండిట్ మీర్జాపూర్ సింహాసనం పై కూర్చుంటాడు.

మరో ప్రక్క మున్నాభాయ్‌ మరణంతో మాధురీ యాదవ్‌ (ఇషా తల్వార్‌) రాజకీయాల్లోకి వస్తుంది. సానుభూతితో ముఖ్యమంత్రి కూడా అవుతుంది. కనిపించకుండా పోయిన కాలీన్‌ భయ్యాపై సానుభూతి ప్లే చేస్తుంది. ఇంతకీ కాలీన్ భయ్యా ఏమయ్యాడు అనే సస్పెన్స్ తో మూడు ఎపిసోడ్స్ నడుస్తాయి. నాలుగో ఎపిసోడ్ లోనే అతను కనిపిస్తాడు. మరో ప్రక్క గుడ్డూ ఎదగటం సింహాసనం అధిష్టించటం ఎవరికీ ఇష్టం ఉండదు. అతనికి వ్యతిరేకంగా అనేక శక్తులు ఒకటవుతాయి. ఈ క్రమంలో మీర్జాపూర్ సింహాసనాన్ని గుడ్డు పండిట్ కాపాడుకోగలిగాడా? చివరకు ఏమైంది అనేదే సీజన్‌-3 కథ.

ఈ సీరిస్ పూర్తిగా రాజకీయాలు, కుట్రలు వీటి చుట్టూ నడిచే సీన్స్ ఇంట్రస్టింగ్ గా నడుస్తుంది. సినిమాలో కూడా మరో సారి ఇవే క్యారక్టర్స్ తో ఇలాంటి ప్లే రన్ చేస్తారని తెలుస్తోంది. పగ, ప్రతీకారం , మీర్జాపూర్ సింహాసనం ఎవరు ఎక్కుతారనే పోటీ చుట్టూ మూడు సీజన్స్ తిరిగాయి. వెలెన్స్, ఎలివేషన్స్ అలాగే ఉంచినా బూతులు తగ్గిస్తారని తెలుస్తోంది. పొలిటికల్ గ్రౌండ్ లో జరిగే గేమ్ గా కథగా ఈ సినిమా ని డీల్ చేస్తారని తెలుస్తోంది. ఇక ఈ సీరిస్ ని మొదటి నుంచీ వాస్తవానికి దగ్గరగా అనిపించేలా డిజైన్ చేసారు. అందుకే యూత్ బాగా కనెక్ట్ అయ్యారు. అదే సినిమాకు కూడా ప్లస్ అవ్వాలి . మీర్జాపూర్ లో పాత్రలు మున్నా భయ్యా, గుడ్డూ భయ్యా మరియు బబ్లూల పేర్లు బాగా వైరలయ్యాయి. అవే సినిమాకు కూడా శ్రీరామ రక్ష.

సినిమాలోనూ అవే పాత్రలను, అదే ఆర్టిస్టులు చేత చేయించబోతున్నట్లు తెలుస్తోంది. వెబ్ సీరిస్ లో గుడ్డు భయ్యా పాత్రలో అలీ ఫజల్ అదరకొట్టాడు. ఈ సీజన్‌ మొత్తం తన విశ్వరూపం చూపించాడు. శ్వేతా త్రిపాఠి(గోలు), రషిక దుగల్(బీనా ఆంటీ) కూడా నచ్చుతాయి. ఎప్పటిలాగే పంకజ్ త్రిపాఠి అదరకొట్టారు. మిగతా పాత్రలు కూడా ఎవరికి వంక పెట్టలేని విధంగా ఉన్నాయి. వాటినే కంటిన్యూ చేస్తే బాగుంటుందనేది ఈ సీరిస్ అభిమానుల కోరిక.