చల్లారని భారత్, పాక్ ఉద్రిక్తలు.. అలెర్ట్‌గా ఉన్న భద్రతా బలగాలు..(LIVE)
పాక్ చేస్తున్న డ్రోన్, మిస్సైల్ దాడులను ఎక్కడిక్కడ పడగొడుతోంది భారత్.
భారత్, పాకిస్థాన్ మధ్య నెలకొన్ని ఉద్రిక్తలు ఇంకా చల్లారలేదు. ఏ క్షణాన ఎటునుంచి, ఎలాంటి దాడులు జరుగుతాయో అర్థంకాని పరిస్థితి నెలకొంది. కాగా పాక్ ఎలాంటి దాడి చేసిన ఎదుర్కోవడానికి భారత్ సన్నద్ధం అవుతోంది. ప్రజలకు సురక్షిత ప్రాంతాలకు తరిస్తోంది. పలు ప్రాంతాల్లో హఅలెర్ట్ ప్రకటించింది. భద్రతను భారీగా పెంచింది. అన్ని విధాల భద్రతా సంస్థలను రంగంలోకి దించింది. సరిహద్దుల్లో దెబ్బకు దెబ్బ కొడుతూ బదులిస్తోంది. ఈ క్రమంలోనే పలు రాష్ట్రాలు అత్యవసర పరిస్థితులను ఎదుర్కోవడానికి సిద్ధమవుతున్నాయి. ఎక్కడిక్కడ మార్గదర్శకాలను విడుదల చేస్తున్నాయి రాష్ట్ర ప్రభుత్వాలు. ఏమాత్రం అలసత్వానికి అవకాశం ఉండకూడదని అధికారులను సూచిస్తున్నాయి. కేంద్రంలో కేబినెట్ అంతా కూడా ఉన్నతాధికారులకు వరుస సమావేశాలు నిర్వహిస్తూ.. పరిస్థితులను తెలుసుకుంటున్నాయి. ఎలాంటి పరిస్థితి వచ్చినా ఎదుర్కోవడానికి సన్నద్ధం అవుతోంది భారత్. ఈ క్రమంలోనే చేపట్టిన ఆపరేషన్ సిందూర్ 2.0పై భద్రతా బలగాలు బ్రీఫింగ్ కూడా ఇచ్చాయి.
ఈ క్రమంలోనే దేశరాజధాని ఢిల్లీలో కొత్త సైరన్లను అమర్చనున్నట్లు అధికారులు చెప్పారు. ‘‘సైరన్లను అమర్చుతున్నాం. ఎత్తైన భవనాలపై ఏర్పాటు చేసి, వీటి పనితీరును పరిశీలిస్తున్నాం. రానున్న రోజుల్లో మరిన్ని ప్రదేశాల్లో ఏర్పాటు చేయనున్నాం. 11 జిల్లాల పరిధిలో ఇప్పటివరకు 10 సైరన్లు ఏర్పాటు చేశాం. కొన్ని సైరన్‌ శబ్దాలు రెండు కి.మీలు, కొన్ని నాలుగు, మరికొన్ని 16 కి.మీ పరిధి వరకు వినిపిస్తాయి’’ అని రెవెన్యూ అధికారులు వెల్లడించారు.
మరోవైపు సరిహద్దు ప్రాంతాల్లో చొరబాటుకు ప్రయత్నాలు కూడా ముమ్మరంగానే జరుగుతున్నాయి. శుక్రవారం ఉదయం దాదాపు పలువురు భారత్‌లోకి చొరబడే ప్రయత్నం చేశారు. కాగా వారిని భద్రతా బలగాలు నిర్వీర్యం చేశాయి. ఈ కాల్పుల్లో దాదాపు ఏడుగురు చొరబాటు దారులు మరణించారు. ఈ అంశంపై కేంద్ర రక్షణ శాఖ మంత్రి రాజ్‌నాథ్ సింగ్ అన్ని వివరాలు తెలుసుకున్నారు. ఈ క్రమంలోనే త్రిదళాదిపతులు సహా పలువురు ఉన్నతాధికారులతో ప్రత్యేక రివ్యూ మీటింగ్ నిర్వహించారు. ఇందులో సరిహద్దుతో పరిస్థఇతులతో పాటు, భారత్ దగ్గర ఉన్న ఆయుద్ధ సంప్పత్తిపై కూడా చర్చించినట్లు సమాచారం.
పాక్ దాడులు నిర్వీర్యం
ఈ ఉద్రిక్తల నేపథ్యంలో పాకిస్థాన్ భారీగా డ్రోన్‌లను ప్రయోగించింది. కాగా వాటన్నింటిని భారత డిఫెన్స్ ఫోర్సెస్ నిర్వీర్యం చేశఆయి. పాక్ చేస్తున్న డ్రోన్, మిస్సైల్ దాడులను ఎక్కడిక్కడ పడగొడుతోంది భారత్. దాంతో పాటుగానే పాక్ టార్గెట్ చేసుకునే అవకాశం ఉందన్న అన్ని కీలక ప్రాంతాల్లోనూ భారీ భద్రతను ఏర్పాటు చేసింది.
Live Updates
- 10 May 2025 12:48 AM IST
జమ్మూలోని 5 సరిహద్దు జిల్లాల్లో తరలింపు చర్యలు
భారత్, పాకిస్థాన్ మధ్య దాడులు పునఃప్రారంభం అయ్యాయి. దీంతో పాకిస్థాన్‌తో సరిహద్దు పంచుకుంటున్న ఐదు జమ్మూకశ్మీర్ జిల్లాల్లోని ప్రజలను అధికారులు సురక్షిత ప్రాంతాలకు తరలిస్తున్నారు అధికారులు. ఈ ప్రాంతాల్లో కాల్పులు తీవ్రతరం అవుతున్నాయి. ఇప్పటి వరకు 18 మంది మరణించగా 60 మంది గాయపడ్డారు.
ఈ నేపథ్యంలోనే ముఖ్యమంత్రి ఒమర్ అబ్దుల్లా, ఉప ముఖ్యమంత్రి సురిందర్ చౌదరి, మంత్రి సతీష్ శర్మతో కలిసి జమ్మూ, రాజౌరి, సాంబా జిల్లాల్లోని సహాయ శిబిరాలను సందర్శించి, ఏర్పాట్లను పర్యవేక్షించారు. నిర్వాసితులైన కుటుంబాలకు భరోసా ఇచ్చారు. "రాజౌరి-పూంచ్ బెల్ట్ నుండి ఎనిమిది నుండి పది వేల మంది సరిహద్దు నివాసితులను తరలించారు" అని శర్మ చెప్పారు.
- 9 May 2025 10:53 PM IST
చెన్నై భద్రత కట్టుదిట్టం
నగరంలో ఎక్కువ మంది గుమిగూడే ప్రదేశాలకు భద్రతను కట్టుదిట్టం చేసినట్లు గ్రేటర్ చెన్నై నగర పోలీస్ కమిషనర్ ఎ.అరుణ్ తెలిపారు.
- 9 May 2025 10:51 PM IST
రాబోయే కొన్ని గంటలు ఇంట్లోనే ఉండండి: జమ్మూకశ్మీర్ ముఖ్యమంత్రి
‘‘జమ్మూలో చుట్టుపక్కల ఉన్న ప్రతి ఒక్కరికీ నా హృదయపూర్వక విజ్ఞప్తి ఏమిటంటే, దయచేసి వీధుల్లోకి రాకండి, ఇంట్లో లేదా రాబోయే కొన్ని గంటలు మీరు హాయిగా ఉండగలిగే దగ్గర్లో ఉండండి. పుకార్లను విస్మరించండి, ఆధారాలు లేని లేదా ధృవీకరించని కథనాలను వ్యాప్తి చేయవద్దు, మనం కలిసి దీనిని అధిగమిస్తాం’’ అని తెలిపారు.
- 9 May 2025 10:37 PM IST
హర్యానా పబ్లిక్ సర్వీస్ కమిషన్ పరీక్ష వాయిదా
హర్యానా పబ్లిక్ సర్వీస్ కమిషన్ (HPSC) మే 11న జరగాల్సిన పరీక్షలను వాయిదా వేసింది. ఈ మేరకు సమాచారన్ని అధికారులు వెల్లడించారు. ఇండియా, పాకిస్థాన్ మధ్య ఉద్రిక్తత నేపథ్యంలో ఈ నిర్ణయం తీసుకుంది. అంతేకాకుండా కెమిస్ట్రీ, ఫిజిక్స్ సబ్జెక్టులకు కాలేజ్ కేడర్‌లో అసిస్టెంట్ ప్రొఫెసర్ పోస్టుల కోసం ఈ పరీక్షలు నిర్వహించాల్సి ఉందని కమిషన్ ప్రతినిధి తెలిపారు. మొదట మే 11న జరగాల్సిన ఈ పరీక్షలు ఉదయం, సాయంత్రం సెషన్లలో జరగాల్సి ఉండగా, ఇప్పుడు తదుపరి నోటీసు వచ్చే వరకు వాయిదా పడ్డాయి.
- 9 May 2025 10:28 PM IST
8 PSL మ్యాచ్‌లను వాయిదా వేసిన పాకిస్తాన్ క్రికెట్ బోర్డు
పాకిస్తాన్ సూపర్ లీగ్ (PSL) యొక్క మిగిలిన ఎనిమిది మ్యాచ్‌లను వాయిదా వేస్తున్నట్లు పాకిస్తాన్ క్రికెట్ బోర్డు (PCB) ప్రకటించింది. మిగిలిన టోర్నమెంట్‌ను యునైటెడ్ అరబ్ ఎమిరేట్స్‌లో ఆడతామని హామీ ఇచ్చింది.
- 9 May 2025 9:59 PM IST
తిరుపతి ఆలయంలో భద్రతను టిటిడి కట్టుదిట్టం
భారతదేశం, పాకిస్తాన్ మధ్య కొనసాగుతున్న సైనిక వివాదం దృష్ట్యా (టిటిడి) భద్రతను కట్టుదిట్టం చేసిందని శుక్రవారం ఒక అధికారి తెలిపారు. జిల్లా పోలీసు సూపరింటెండెంట్లతో ఇటీవల జరిగిన సమీక్షా సమావేశంలో ముఖ్యమంత్రి ఎన్ చంద్రబాబు నాయుడు తిరుపతి ఆలయంలో భద్రతను పెంచాలని పిలుపునిచ్చారని టిటిడి ఇన్‌చార్జ్ చీఫ్ విజిలెన్స్ అండ్ సెక్యూరిటీ ఆఫీసర్ (సివిఎస్ఓ) హర్షవర్ధన్ రాజు అన్నారు.
“అవును, రెండు రోజుల క్రితం, మా ముఖ్యమంత్రి అన్ని ఎస్పీలతో సమీక్ష నిర్వహించారు మరియు టిటిడిలో భద్రతను బలోపేతం చేయాలని ప్రత్యేకంగా ప్రస్తావించారు” అని రాజు పిటిఐకి తెలిపారు. దీనిలో భాగంగా, మేము ఆక్టోపస్ (ఆర్గనైజేషన్ ఫర్ కౌంటర్-టెర్రరిస్ట్ ఆపరేషన్స్) సహాయంతో భద్రత మరియు మాక్ డ్రిల్స్ నిర్వహిస్తున్నాము మరియు నిరంతర తనిఖీలు జరుగుతున్నాయని ఆయన అన్నారు. అవసరమైన అన్ని భద్రతా ప్రోటోకాల్‌లను పాటిస్తున్నామని, డిజిపి హరీష్ కుమార్ గుప్తా దాదాపు ప్రతిరోజూ భద్రతా ఏర్పాట్లను సమీక్షిస్తున్నారని సివిఎస్ఓ తెలిపారు.
- 9 May 2025 9:58 PM IST
పాక్‌కు బిలియన్ డాలర్ల ఎక్స్‌టెండెడ్ ఫండ్ ఫెసిలిటీపై ఐఎంఎఫ్ సమీక్ష
అంతర్జాతీయ ద్రవ్య నిధి (IMF) ఈరోజు ఎక్స్‌టెండెడ్ ఫండ్ ఫెసిలిటీ (EFF) లెండింగ్ ప్రోగ్రామ్‌ను ($1 బిలియన్) సమీక్షించింది మరియు పాకిస్తాన్ కోసం కొత్త రెసిలెన్స్ అండ్ సస్టైనబిలిటీ ఫెసిలిటీ (RSF) లెండింగ్ ప్రోగ్రామ్‌ను ($1.3 బిలియన్) కూడా పరిగణించింది. చురుకైన మరియు బాధ్యతాయుతమైన సభ్య దేశంగా, పాకిస్తాన్ విషయంలో IMF కార్యక్రమాల సామర్థ్యంపై భారతదేశం ఆందోళనలను వ్యక్తం చేసింది, దాని పేలవమైన ట్రాక్ రికార్డ్ మరియు రాష్ట్ర-ప్రాయోజిత సరిహద్దు ఉగ్రవాదానికి రుణ ఫైనాన్సింగ్ నిధుల దుర్వినియోగం అవకాశంపై కూడా: భారత ప్రభుత్వం.
- 9 May 2025 9:56 PM IST
నగ్రోటాలో బ్లాక్‌అవుట్ సమయంలో భారత వైమానిక రక్షణ దళాలు పాకిస్తాన్ డ్రోన్‌లను అడ్డుకున్నాయి
- 9 May 2025 5:59 PM IST
ప్రార్థనా స్థలాలే పాక్ టార్గెట్: విదేశాంగ కార్యదర్శి
"పాకిస్తాన్ ప్రార్థనా స్థలాలను లక్ష్యంగా చేసుకోవడం మనం చూశాము. ఇది పాకిస్తాన్‌కు కూడా కొత్త తక్కువ స్థాయి," అని విదేశాంగ కార్యదర్శి అన్నారు.
