శుక్రవారం ఉదంయ చింతపల్లిలో వాతావరణం ఇలా..
చింతపల్లి... మమ్మల్ని రమ్మంటావా తల్లీ!
స్వర్గాన్ని తలపిస్తున్న ఆంధ్రా ఊటి!
ఆంధ్రప్రదేశ్ అల్లూరి సీతారామరాజు జిల్లా చింతపల్లి.. "ఆంధ్రా ఊటి".. తూర్పు ఘాట్ పర్వతాల్లో సుమారు 800-1000 మీటర్ల ఎత్తులో ఉండే హిల్ స్టేషన్. శీతాకాలంలో ఇక్కడి చలి చాలా తీవ్రంగా ఉంటుంది. ఉష్ణోగ్రతలు 5-8°Cకి పడిపోతాయి.
కొన్నిసార్లు మంచు గడ్డకడుతుంది. ఇది దక్షిణ భారతంలోనే అత్యంత చల్లని ప్రాంతాల్లో ఒకటి. పర్యాటకులకు ఆహ్లాదకరమైన అనుభవం దీని సొంతం.
చింతపల్లి మండలంలోని లంబసింగి ఇక్కడికి దగ్గర్లోనే ఉంది. దీన్ని "ఆంధ్రా కాశ్మీర్" అంటుంటారు. శీతాకాలంలో ఇక్కడ మంచు పడటం, పగటిపూట చల్లటి గాలులు, తునకలు తునకలుగా మంచు పడడం.. ఇవన్నీ పర్యాటకులను ఆకర్షిస్తాయి. లక్షలాది మంది పర్యాటకులు శీతాకాలంలో ఇక్కడికి వచ్చి, చలివాతావరణాన్ని అనుభవిస్తూ ఆనందిస్తారు.
ఇప్పుడు అదే పరిస్థితి నెలకొంది. రెండు రోజులుగా వాతావరణం పూర్తిగా మారిపోయింది. పొగమంచు భారీగా కురుస్తోంది. ఎదురుగా వచ్చిపోయే వాహనాలు కూడా కనిపించని పరిస్థితి.
శుక్రవారం ఉదయం 516-ఈ జాతీయ రహదారిపై దట్టమైన పొగమంచు కురిసింది. 8.20 దాటినా పొగమంచు వీడకపోవడంతో వాహనదారులు లైట్లు వేసుకొని రాకపోకలు సాగించారు.
మన్యంలో గత కొన్ని రోజులుగా ఉష్ణోగ్రతలు తగ్గి చలి తీవ్రత పెరగడంతో పలు చోట్ల చలిమంటలు వేసుకొని ఉపశమనం పొందుతున్నారు. చలికి చిన్నారులు, వృద్ధులు, విద్యార్థులు ఇబ్బంది పడుతున్నారు. తగిన జాగ్రత్తలు పాటించాలని వైద్య నిపుణులు సూచిస్తున్నారు. ప్రకృతి ప్రేమికులు మంచు సోయగాలకు పరవశం చెందుతున్నారు.
ముఖ్య ఆకర్షణలు:
లంబసింగి: మంచు, ఘనీభవనం, స్ట్రాబెర్రీ, ఆపిల్ తోటలు.
కోతపల్లి జలపాతం: అద్భుతమైన జలపాతం, సహజ సౌందర్యం.
తాజంగి డ్యామ్: నీటి ప్రపాతం, పచ్చని ప్రకృతి.
కాఫీ, స్ట్రాబెర్రీ, ఆపిల్ తోటలు: స్థానిక రైతుల నుంచి తాజా పండ్లు కొనుగోలు చేయవచ్చు.
ఆర్కిడ్ తోటలు, డ్రాగన్ ఫ్రూట్ ప్లాంటేషన్లు: ప్రకృతి ప్రేమికులకు ఆకర్షణ.
ఎలా చేరుకోవాలి?
విశాఖపట్నం నుంచి రోడ్డు మార్గంలో 130-150 కి.మీ. (సుమారు 4-5 గంటలు).
సమీప రైల్వే స్టేషన్: విశాఖపట్నం లేదా చింతపల్లి (స్థానిక).
బస్సులు, ప్రైవేట్ టాక్సీలు అందుబాటులో ఉన్నాయి.
చలికాలంలో ఇక్కడికి వచ్చినవారు జాకెట్లు, స్వెటర్లు, బూట్లు తప్పనిసరిగా తీసుకురావాలి. స్థానిక గవర్నమెంట్ గెస్ట్ హౌస్లు, ప్రైవేట్ కాటేజీలు సరసమైన ధరలకు అందుబాటులో ఉన్నాయి.
Next Story