సాక్షులకు రక్షణ లేదు..రఘురామను అరెస్టు చేయాల్సిందే: పీవీ సునీల్

మరో ఐపీఎస్ అధికారి సునీల్ నాయక్ చేసిన వ్యాఖ్యలను ప్రస్తావిస్తూ పీవీ సునీల్ కుమార్ ఈ ట్వీట్ చేశారు. తనను తప్పుడు సాక్ష్యం చెప్పాలని రఘురామ కృష్ణంరాజు బెదిరించారని సునీల్ నాయక్ గతంలో ఆరోపించారు. దీనిని ఉటంకిస్తూ.. ఒక ఐపీఎస్ అధికారినే బెదిరించారంటే, ఇక సీబీఐ కేసుల్లోని సామాన్య సాక్షులను రఘురామ వదిలిపెడతారా? వారిని కూడా భయభ్రాంతులకు గురిచేసే అవకాశం ఉంది అని సునీల్ కుమార్ అభిప్రాయపడ్డారు. సాక్షులను రక్షించాలంటే నిందితుడిని కస్టడీలోకి తీసుకోవడమే సరైన మార్గమని ఆయన సీబీఐని కోరారు.

రఘురామ కృష్ణంరాజుపై ఇప్పటికే సీబీఐ రెండు భారీ ఆర్థిక నేరాల కేసులను విచారిస్తోంది. సుమారు రూ. 947 కోట్లు , రూ. 238 కోట్లు బ్యాంకులకు ఎగ్గొట్టారనే ఆరోపణలు ఆయనపై ఉన్నాయి. ఈ విచారణ కొనసాగుతున్న తరుణంలో, సాక్ష్యాధారాలను తారుమారు చేసే లేదా సాక్షులను ప్రభావితం చేసే అవకాశం ఉందని పీవీ సునీల్ కుమార్ తన ట్వీట్‌లో నొక్కి చెప్పారు. దర్యాప్తు సంస్థలు ఈ విషయాన్ని సీరియస్‌గా తీసుకోవాలని ఆయన విజ్ఞప్తి చేశారు.

గతంలో రఘురామ కృష్ణంరాజు కస్టడీలో ఉన్నప్పుడు జరిగిన పరిణామాల నేపథ్యంలో పీవీ సునీల్ కుమార్, రఘురామ మధ్య పచ్చగడ్డి వేస్తే భగ్గుమనే పరిస్థితి ఉంది. ఇప్పుడు డిప్యూటీ స్పీకర్‌గా ఉన్న రఘురామపై ఒక సిట్టింగ్ ఐపీఎస్ అధికారి అరెస్టు డిమాండ్ చేయడం ఏపీ పాలిటిక్స్‌లో కొత్త మలుపులకు దారితీసేలా ఉంది.

IPS Sunil Naik accuses RRR of threatening him to depose false evidence. This must be verified by going through the CDR and IPDR. The reason is RRR is facing CBI cases: RCBD1/2019/E/0003 (₹947 Cr fraud), RCBD1/2021/E/0002 (₹238 Cr fraud) and other bank fraud cases. If Mr Naik's… pic.twitter.com/Mdl5CeG53e

— PV Sunil Kumar (@PV_Sunil_Kumar) February 26, 2026