అసెంబ్లీలో లోకేష్ సినిమా స్పీచ్
అమరావతికి చట్టబద్ధత కల్పించే తీర్మానాన్ని ఏప్రిల్ 2న పార్లమెంట్లో ప్రవేశపెట్టే అవకాశం ఉందని లోకేష్ పేర్కొన్నారు.
రాష్ట్ర రాజధాని అమరావతికి చట్టబద్ధత కల్పించే చారిత్రాత్మక తీర్మానం వేళ.. అసెంబ్లీ వేదికగా మంత్రి నారా లోకేష్ సినిమా పొలిటికల్ పంచ్లతో విపక్షంపై విరుచుకుపడ్డారు. పాదయాత్రతో చంద్రబాబుకు సినిమా చూపిస్తా అన్న జగన్ వ్యాఖ్యలకు లోకేష్ తనదైన శైలిలో కౌంటర్ ఇచ్చారు. ప్రజలు ఇప్పటికే జగన్కు ఒక బిగ్గెస్ట్ బ్లాక్బస్టర్ సినిమా చూపించారు.. బహుశా అది ఆయనకు సరిపోలేదేమో.. ఆయన చూపిస్తానంటున్న కొత్త సినిమా బాక్సాఫీస్ వద్ద 11 రోజులు కూడా ఆడే ప్రసక్తే లేదు అంటూ ఎద్దేవా చేశారు. రాజధానిపై చర్చకు రాకుండా ముఖం చాటేసిన వైసీపీ ఎమ్మెల్యేల చిత్తశుద్ధి ఏంటో వారి వైఖరితోనే అర్థమవుతోందని, ఏప్రిల్ 2న పార్లమెంట్ వేదికగానైనా అమరావతిపై ఆ పార్టీ తన అసలు రంగు బయటపెడుతుందో లేదో చూడాలని లోకేష్ సవాలు విసిరారు.
వైసీపీ వైఖరిపై నిప్పులు
రాజధాని అమరావతికి చట్టబద్ధత కల్పించే చారిత్రాత్మక తీర్మానం కోసం అసెంబ్లీ ప్రత్యేకంగా సమావేశమైతే, ప్రధాన ప్రతిపక్షమైన వైసీపీ సభ్యులు హాజరుకాకపోవడాన్ని మంత్రి నారా లోకేష్ తీవ్రంగా తప్పుబట్టారు. రాష్ట్ర ప్రయోజనాలకు అత్యంత కీలకమైన ఈ సమయంలో సభకు రాకపోవడం ద్వారా ఆ పార్టీ ఎమ్మెల్యేల చిత్తశుద్ధి ఏంటో అర్థమవుతోందని విమర్శించారు. రాజధాని విషయంలో గతంలో వారు చేసిన తప్పిదాలను సరిదిద్దుకునే అవకాశం వచ్చినా, దానిని వైసీపీ వినియోగించుకోలేకపోయిందని ఎద్దేవా చేశారు.
జగన్ సినిమాకు లోకేష్ కౌంటర్
పాదయాత్ర చేస్తూ చంద్రబాబుకు సినిమా చూపిస్తానని జగన్ అంటున్న వ్యాఖ్యలపై లోకేష్ తనదైన శైలిలో స్పందించారు. ప్రజలు ఇప్పటికే జగన్కు ఒక బిగ్గెస్ట్ బ్లాక్బస్టర్ సినిమా చూపించారు (ఎన్నికల ఫలితాలు), బహుశా అది ఆయనకు సరిపోలేదేమో అంటూ వ్యంగ్యాస్త్రాలు సంధించారు. జగన్ చూపిస్తానంటున్న ఈ కొత్త సినిమా బాక్సాఫీస్ వద్ద 11 రోజులు కూడా ఆడే ప్రసక్తే లేదని, ప్రజలు మరోసారి ఆయన తుగ్లక్ చర్యలను భరించే స్థితిలో లేరని ఘాటుగా వ్యాఖ్యానించారు.
అమరావతి తీర్మానం .. పార్లమెంట్ అడుగు
అమరావతికి చట్టబద్ధత కల్పించే తీర్మానాన్ని రాష్ట్ర ప్రజలంతా మనస్ఫూర్తిగా హర్షిస్తున్నారని లోకేష్ పేర్కొన్నారు. ఈ తీర్మానం కేవలం అసెంబ్లీకే పరిమితం కాదని, ఏప్రిల్ 2న పార్లమెంట్లో కూడా ప్రవేశపెట్టే అవకాశం ఉందని కీలక ప్రకటన చేశారు. అసెంబ్లీకి ముఖం చాటేసిన వైసీపీ నేతలు, కనీసం పార్లమెంట్ వేదికగానైనా అమరావతిపై తమ అసలు వైఖరి ఏంటో స్పష్టం చేస్తారా? అని ఆయన ప్రశ్నించారు. రాజధానిపై స్పష్టత, స్థిరత్వం కోసం కూటమి ప్రభుత్వం కట్టుబడి ఉందని లోకేష్ పునరుద్ఘాటించారు.
Next Story